تَانِرَاٻٜ يَهُودَ وࣷٻّٜ
4
1 ٻِٻّٜ يَهُودَ وࣷ: ݠٜرٜسْ إٜ هٜسْرࣷنْ إٜ کَرْمِ إٜ هُرْ إٜ سࣷبَلْ. 2 رٜهَيَ ٻِي سࣷبَلْ رِمِ يَهَتْ، يَهَتْ رِمِ أَهُمَيْ إٜ لَهَدْ. کَمْٻٜ نغࣷنِ شُوطِ سࣷرٜيَتِنْکࣷوٻٜ. 3 إِنَنْ ڃُوْدِ ݠُطُّطࣷ وُرࣷ إٜتَمْ: يٜسْرٜعٜلْ إٜ إِسْمَ إٜ يِبَّسْ. إِنّدٜ سَکِيکٜ مَٻّٜ دٜبّࣷ وࣷ هَسٜلٜلْݠࣷنِ. 4 ݠٜنُوٜلْ وࣷنِ بَابَ غٜدࣷرْ، إٜسٜرْ دُ، کَمْ وࣷنِ بَابَ هُسَ. ٻٜىٰ نغࣷنِ ٻِٻّٜ هُرْ، أَڢࣷ إٜڢْرَتَ، ݠُطُّطࣷ وُرࣷ بَيْتِلَامَ. 5 أَسُرْ، ݠُطُّطࣷ وُرࣷ تٜکࣷوَ نَ وࣷودُنࣷو رٜوْٻٜ طِطࣷ نَ مبِعٜىٰ هٜلٜيَ إٜ نَارَ. 6 نَارَ رِمَنِ أࣷ أَهُجَّمْ إٜ هٜڢٜرْ إٜ تٜمٜنِ إٜ هَاشَسْتَرِ. ٻٜىٰ نغࣷنِ ٻِٻّٜ نَارَ. 7 ٻِٻّٜ هٜلٜيَ وࣷ سٜرٜتْ إٜ سࣷهَرْ إٜ إٜتْنَنْ. 8 کࣷسْ رِمِ أَنُبْ إٜ هَتْسࣷبٜبَ إٜ شُوطِ أَهَرٜلْ ٻِي هَارُمْ. 9 نَ وࣷودُنࣷو غࣷرْکࣷ بِعٜتٜىٰطࣷ يَبٜسْ، تٜدِّنَاطࣷ ڢَا ٻُرِ سَکِرَاٻٜ مُوطُمْ ڢُو. إِنِّيکࣷ إِنّدِرِ أࣷ يَبٜسْ سَبࣷ رِمِي أࣷ لٜيْ تࣷرَّ. 10 يَبٜسْ نࣷدِّ لَامْطࣷ إِسْرَاعِيلَ وِعِ: — مِطࣷ نيَاغٜ مبَرْکِنَا کَمْ، نجَاجِنَا لٜيْدِ أَمْ، دٜ کِسِنَا کَمْ تࣷرَّاجِ إٜ مَسِيبَاجِ، سِ أَطَ وࣷندِ إٜ أَمْ. لَامْطࣷ دُ جَابِي ݝَارْندٜ مَکّࣷ ندٜىٰنْ.
11 کٜلُبَ، سَکِيکٜ سُهَ غࣷرْکࣷ رِمِ مٜهِرْ. مٜهِرْ أࣷونْ وࣷنّࣷو بَابَ إٜسْتࣷنْ. 12 إٜسْتࣷنْ رِمِ بَيْتِ-رَڢَا إٜ ݠَسٜيَ إٜ تٜهِنَ ݠُطُّطࣷ وُرࣷ غَلُّورٜ نَهَسْ. ٻٜىٰ نغࣷنِ وࣷرْٻٜ وُرࣷ رٜکَ.
13 ٻِٻّٜ کٜنَسْ وࣷ أࣷتْنِيٜلْ إٜ سٜرَيَ. أࣷتْنِيٜلْ رِمِ هَتَتْ. 14 مٜهࣷنࣷتَيْ رِمِ أࣷڢٜرَ. سٜرَيَ رِمِ يࣷعَبْ ݠُطُّطࣷ وُرࣷ وِعٜتٜىٰنغࣷ نَطّࣷلْ نيٜىٰنيُٻٜ سَبࣷ وࣷ ٻٜ غࣷلّࣷوٻٜ غࣷلّٜ جُوطٜ.
15 ٻِٻّٜ کَالِبُ ٻِي يٜڢُنٜ وࣷ: إِرُ إٜ إٜلَ إٜ نَعَمْ. ٻِي إٜلَ نَ وِعٜىٰ کٜنَسْ.
16 ٻِٻّٜ يٜهَلٜلٜيٜلْ وࣷ سِڢْ إٜ سِڢَ إٜ تِرِيَ إٜ أَسَرٜيٜلْ.
17-18 ٻِٻّٜ إٜسْرَ وࣷ: يٜتٜرْ إٜ مٜرٜدْ إٜ إٜڢٜرْ إٜ يَلࣷنْ. مٜرٜدْ ٻَݝِ ٻِي ڢِرَعَوْنَ دٜبّࣷ نَ وِعٜىٰ بِتِيَ. بِتِيَ أࣷونْ رِمِ مَرِيَمَ إٜ سَمَّيْ إٜ يِسِبَ، ݠُطُّطࣷ وُرࣷ إٜسْتٜمࣷوَ. مٜرٜدْ أࣷونْ نَ وࣷودُنࣷو دٜبّࣷ يَهُودِيَنْکٜ. أࣷونْ رِمَنِ أࣷ يٜرٜدْ، ݠُطُّطࣷ وُرࣷ* غٜدࣷرْ إٜ هٜبٜرْ ݠُطُّطࣷ وُرࣷ سࣷکࣷ إٜ يٜکُتِيٜلْ، ݠُطُّطࣷ وُرࣷ سَنࣷهَ. 19 ٻِٻّٜ دٜىٰ هࣷدِيَ سَکِيکٜ نَهَمْ دٜبّࣷ وࣷ: ݠُطُّطࣷ وُرࣷ کٜيِلَ، غَرْمِنْکٜ إٜ إٜسْتٜمࣷوَ، مَاکَتِيَنْکٜ.
20 ٻِٻّٜ سِمࣷنْ وࣷ: أَمْنࣷنْ إٜ رِنَّ إٜ بٜنْ-هَنَنْ إٜ تِلࣷنْ. ٻِٻّٜ إِسٜيِ وࣷ: سࣷهٜتْ إٜ بٜنْ-سࣷهٜتْ.
21 ٻِٻّٜ سٜلَ ٻِي يَهُودَ وࣷ: إٜرْ، ݠُطُّطࣷ وُرࣷ لٜکَ إٜ لَدَ ݠُطُّطࣷ وُرࣷ مَرٜسَ إٜ يِمْٻٜ لٜنيࣷلْ غࣷلّࣷووࣷلْ غࣷلَّلْ لٜݠِّ طَاتُطِ لٜيْ وُرࣷ بَيْتِ-أَسٜبٜيَ. 22 يࣷکِمْ إٜ وࣷرْٻٜ کࣷسٜبَ إٜ يࣷعَسْ إٜ سَرَڢْ ٻَݝِ رٜوْٻٜ لٜيْدِ مࣷعَبْ دٜ نغَرْتِ يَسُبِ-لٜهٜمْ. طُمْ وࣷ کࣷ وَطُنࣷو غِلَّ أَرَنٜ. 23 وࣷ ٻٜ مَهࣷوٻٜ لࣷوطٜ. إِٻٜ نجࣷوطࣷنࣷو دَمّبُطٜ غَلُّوجٜ إٜ لٜيْ غٜسٜ إٜ هࣷغّࣷوجِ. وࣷ طَکّࣷلْ کَانَنْکٜ ٻٜ کٜدّࣷتࣷنࣷو إِٻٜ نغࣷلَّنَ طُمْ.
ڃُوْدِ سِمٜيࣷنْ
(ڢُطّࣷودٜ 46:10؛ لِمْلٜ 26:12-13)
24 ٻِٻّٜ سِمٜيࣷنْ وࣷ: نٜمُوٜلْ إٜ يَمِنْ إٜ يَرِبْ إٜ جٜرَکْ إٜ سَوُلُ. 25 سَوُلُ رِمِ سَلُّمْ، سَلُّمْ رِمِ مِبْسَمْ. مِبْسَمْ رِمِ مِسْمَ. 26 مِسْمَ رِمِ هَمُّوٜلْ. هَمُّوٜلْ رِمِ جَکُورَ. جَکُورَ سِمٜيْ. 27 سِمٜيْ رِمِ وࣷرْٻٜ 16 إٜ رٜوْٻٜ 6. سَکِرَاٻٜ مَکّࣷ کٜٻَايْ ٻِٻّٜ وࣷرْٻٜ سَنّٜ. لٜنيࣷلْ مَٻّٜ طُوطِرَايْ هࣷنࣷ نࣷ نغࣷلْ يَهُودَ نࣷونْ.
(يࣷوسُوَ 19:1-8)
28 إِٻٜ نجࣷوطِنࣷو لٜيْ بٜىٰرْسٜبَ إٜ مࣷلَدَ إٜ هَسَارْ-سُوَلْ 29 إٜ بِلْهَ إٜ إٜسٜمْ إٜ تࣷلَدْ 30 إٜ بٜتُوٜلْ إٜ هࣷرْمَ إٜ سِکْلَغْ 31 إٜ بَيْتِ-مَرْکَبࣷتْ إٜ هَسَرْ-سُسِمْ إٜ بَيْتِ-بِرٜيْ إٜ سَارَهِمْ. طٜىٰ نغࣷنِ غَلُّوجٜ مَٻّٜ ڢَا هٜوْتِ لَامُ دَاوْدَ. 32 تَوْتِ غُرٜ ݠِيلِيطٜ طٜ، طُمْ وࣷنِ إٜتَمْ إٜ إٜيِنْ-رِمّࣷنْ إٜ تࣷکٜنْ إٜ أَسَنْ، غَلُّوجٜ جࣷيْ، 33 إٜ دُرْدُطٜ مُٻّٜنْ ڢُو ڢَا هٜوْتِ بَعَلْ. ڢࣷدّٜ تَارِکِ مَٻّٜ، نِي وࣷنِ إِنْطٜ مَٻّٜ إٜ إِنْطٜ نࣷکُّوجٜ طٜ ٻٜ نجࣷوطِنࣷو.
34 مٜسࣷبَبْ إٜ يَمْلٜکْ إٜ يࣷسَ ٻِي أَمَسِيَ 35 إٜ جࣷوِيلَ إٜ يٜهُ ٻِي يࣷسِبِيَ، يࣷسِبِيَ ٻِي سٜرَيَ، سٜرَيَ ٻِي أَسِيٜلْ، 36 تَوْتِ إٜلِيࣷهٜنَيْ إٜ يَکࣷبَ إٜ يٜسࣷهَيَ إٜ أَسَيَ إٜ أَدِيٜلْ إٜ يٜسِمِيٜلْ إٜ بٜنَيَ، 37 إٜ جِجَ ٻِي سِڢٜيْ، سِڢٜيْ ٻِي أَلّࣷنْ، أَلّࣷنْ ٻِي يٜدَيَ، يٜدَيَ ٻِي سِمْرِ، سِمْرِ ٻِي سٜمَيَ. 38 ٻٜ إِنْطٜ مُٻّٜنْ مبِنّدَا ٻٜىٰنْ ڢُو وࣷ أَرْدِنࣷوٻٜ لٜنيِ مُٻّٜنْ. شُوطِ مُٻّٜنْ نَ طُوطِ سَنّٜ. 39 ٻٜ نجٜهِ نَارُدٜ غٜدࣷرْ، ڢَا هٜوْتِ لٜتُّغَلْ نَطّࣷلْ سَابٜ دُرْنغࣷلْ کُجّٜ مَٻّٜ. 40 ٻٜ تَوِ دُرْدُطٜ لࣷبّٜ إٜ لٜيْدِ نجَاجُندِ لࣷبِّرِ کٜىٰوْندِ جَمْ إٜ دٜڃّٜرٜ. جࣷوطِنࣷوٻٜ تࣷونْ أَرَنٜ وࣷ تَانِرَاٻٜ هَامْ. 41 يِمْٻٜ ٻٜ إِنْطٜ مُٻّٜنْ مبِنّدَا ٻٜىٰنْ نغَرِ وَکَّتِ لَامُ هٜسٜکِيَ، کَلْکِ هُکُمُوجِ إٜ نࣷکُّوجٜ شُوطࣷرْطٜ تَوَنࣷوطٜ تࣷونْ ڢُو. يِمْٻٜ نࣷکُّورٜ ندٜىٰنْ ڢُو کَلْکَا. ندٜىٰنْ ٻٜ نجࣷوطِي لُنّدٜ مُٻّٜنْ سَبࣷ نࣷکُّورٜ ندٜىٰنْ نَ وࣷوطَنِ دُرْنغࣷلْ. 42 وࣷرْٻٜ لٜنيࣷلْ سِمٜيࣷنْ 500 نجٜهِ دࣷوْ بَامْلٜ سٜيِيرْ. ݠٜلَتِيَ إٜ نٜهَرِيَ إٜ رٜڢَيَ إٜ أُجِّيٜلْ ٻِٻّٜ يِسٜيْ لَاتِنࣷو أَرْدِيٻٜ مَٻّٜ. 43 کَمْٻٜ کَلْکِ أَمَلٜکِنْکࣷوٻٜ هٜدِّنࣷوٻٜ ٻٜىٰنْ دٜ ٻٜ نجࣷوطِي نࣷکُّوجٜ مُٻّٜنْ ڢَا وَرْدٜ هَنّدٜنْ.