ڃُوْطِ يَهُودَ
(ڢُطّࣷودٜ 35:23-26)
2
1 إِنَنْ ٻِٻّٜ إِسْرَاعِيلَ: رُبٜنْ إٜ سِمٜيࣷنْ إٜ لٜوِ إٜ يَهُودَ إٜ إِسَکَرْ إٜ جَبُلࣷنْ 2 إٜ دَنْ إٜ يُوسُڢِ إٜ بٜنيَمِنْ إٜ نَڢْتَلِ إٜ غَدْ إٜ أَسٜرْ. (ڢُطّࣷودٜ 38؛ 46:12)
3 ٻِٻّٜ يَهُودَ وࣷ إٜرْ إٜ أࣷنَنْ إٜ سٜلَ. وࣷ ٻِٻّٜ تَتࣷ ٻٜىٰنْ دٜىٰکِيکࣷ ٻِي کَنَانِنْکٜ بِعٜتٜىٰطࣷ سُوَ أࣷونْ رِمَنِ أࣷ. إٜرْ أَڢࣷ مَکّࣷ أࣷونْ وَطِ کࣷ بࣷنِ يٜىٰسࣷ جࣷومِرَاطࣷ دٜ کَمْ دُ، وَرِ مࣷ.
4 تَمَرْ دٜىٰ ٻِي يَهُودَ، رِمَنِ طُمْ ݠٜرٜسْ إٜ جٜرَکْ. ٻِٻّٜ يَهُودَ ڢُو وࣷ نجࣷيࣷ.
5 ٻِٻّٜ ݠٜرٜسْ وࣷ هٜسْرࣷنْ إٜ هَمُلْ.
(1 کَانَنْکࣷوٻٜ 5:11)
6 ٻِٻّٜ جٜرَکْ وࣷ سِمْرِ إٜ إٜتَنْ إٜ هٜمَنْ إٜ کَلْکࣷلْ إٜ دَرَ. ٻٜ ڢُو وࣷ ٻٜ نجࣷيࣷ.
(يࣷوسُوَ 7)
7 کَرْمِ رِمِ أَکَنْ. وࣷ أَکَنْ أࣷونْ وࣷنِ غَدَّنْطࣷ إِسْرَاعِيلَ بࣷنٜ سَابٜ بࣷنِّي أَمَانَ إٜ هࣷوڃُدٜ کُجّٜ شٜنِنَنَاطٜ جࣷومِرَاطࣷ.
8 إٜتَنْ رِمِ أَجَرِيَ.
9 ٻِٻّٜ هٜسْرࣷنْ وࣷ يٜرَمٜيٜلْ إٜ رَمْ إٜ کَالِبُ.
(لِمْلٜ 1:7؛ رُتُّ 4:19-22)
10 رَمْ رِمِ أَمِنَدَابُ. أَمِنَدَابُ رِمِ نَاسُنْ هࣷورٜىٰجࣷ ڃُوْدِ يَهُودَ. 11 نَاسُنْ رِمِ سَلْمَ، سَلْمَ رِمِ بࣷعَسْ. 12 بࣷعَسْ رِمِ أࣷبٜدْ، أࣷبٜدْ رِمِ يٜسَ. 13 يٜسَ رِمِ إٜلِيَبَ، أَڢࣷ مُوطُمْ، تَوْتِ أَبِنَدَبْ طِطَٻࣷ مُوطُمْ إٜ سِمٜيَ تَتَٻࣷ مُوطُمْ 14 إٜ نٜتَنٜلْ نَيَٻࣷ مُوطُمْ إٜ رَدَّيْ نجࣷيَٻࣷ مُوطُمْ 15 إٜ أࣷسٜمْ نجٜىٰغَٻࣷ مُوطُمْ إٜ دَاوْدَ نجٜطَّٻࣷ مُوطُمْ. 16 سَکِرَاٻٜ مَٻّٜ رٜوْٻٜ وࣷ سٜرُيَ إٜ أَبِغَيِلْ. ٻِٻّٜ سٜرُيَ وࣷ أَبِسَيْ إٜ يࣷعَبْ إٜ أَسَهٜلْ. ٻٜ وࣷرْٻٜ تَتࣷ. 17 أَبِغَيِلْ رِمِ أَمَسَ. بَابَ أَمَسَ أࣷونْ وࣷ يٜتٜرْ، إِسْمَاعِيلَنْکٜ.
18 کَالِبُ ٻِي هٜسْرࣷنْ رِمْدِ إٜ دٜىٰکِرَاٻٜ مُوطُمْ أَسُبَ إٜ يٜرِيࣷتْ ٻِٻّٜ وࣷرْٻٜ. إِنَنْ إِنْطٜ ٻِٻّٜ أَسُبَ وࣷرْٻٜ ٻٜىٰنْ: يٜسٜرْ إٜ سࣷبَبْ إٜ أَرْدࣷنْ. 19 أَسُبَ مَايِ، شَغَّلْ طُومْ کَالِبُ ٻَݝِ إٜڢْرَتَ. إٜڢْرَتَ أࣷونْ رِمَنِ طُمْ هُرْ. 20 هُرْ رِمِ أُرِ، أُرِ رِمِ بٜسَلٜلْ.
21 ندٜ هٜسْرࣷنْ هٜوْتُنࣷو دُوٻِ 60 ندٜىٰنْ ٻَݝِ ٻِي مَکِرْ بَابَ غَلَادْ. دٜبّࣷ أࣷونْ رِمَنِ أࣷ سٜغُبَ. 22 سٜغُبَ رِمِ يَعِيرْ. يَعِيرْ أࣷونْ هٜٻِ غَلُّوجٜ 23 لٜيْ لٜيْدِ غَلَادْ. 23 أَمَّا غٜسُرِنْکࣷوٻٜ إٜ سِيرِيَنْکࣷوٻٜ تٜىٰتِ ٻٜ غُرٜ يَعِيرْ إٜ غَلُّورٜ کٜنَتْ إٜ غُرٜ ݠِيلِيطٜ ندٜ. طٜ ڢُو وࣷ طٜ غُرٜ 60. ٻٜىٰنْ ڢُو وࣷ ٻِٻّٜ مَکِرْ، بَابَ غَلَادْ. 24 شَغَّلْ مَايْدٜ هٜسْرࣷنْ، غࣷرࣷو أَبِيَ، کَالِبُ وࣷندِ إٜ إٜڢْرَتَ دٜىٰ هٜسْرࣷنْ بَمُّمْ أࣷونْ. إٜڢْرَتَ رِمَنِ أࣷ أَسُرْ بَابَ تٜکࣷوَ.
25 ٻِٻّٜ يٜرَمٜيٜلْ أَڢࣷ هٜسْرࣷنْ أࣷونْ وࣷ: رَمْ، أَڢࣷ مُوطُمْ إٜ بُنَ إٜ أࣷرٜنْ إٜ أࣷسٜمْ إٜ أَهِيَ. 26 يٜرَمٜيٜلْ أࣷونْ هࣷوڃِ دٜبّࣷ غࣷطّࣷ نَ وِعٜىٰ أَتَرَ. وࣷ أَتَرَ أࣷونْ وࣷنِ إِنَّ أࣷنَمْ. 27 ٻِٻّٜ رَمْ، أَڢࣷ يٜرَمٜيٜلْ أࣷونْ وࣷ: مَاسْ إٜ يَمِنْ إٜ إٜکٜرْ. 28 ٻِٻّٜ أࣷنَمْ وࣷ: سَمَّيْ إٜ يَدَ. ٻِٻّٜ سَمَّيْ وࣷ نَدَبُ إٜ أَبِسُرْ. 29 إِنّدٜ دٜىٰ أَبِسُرْ وࣷ أَبِهَيِلْ. أَبِهَيِلْ رِمَنِ أࣷ أَهَبَنْ إٜ مࣷلِدْ. 30 ٻِٻّٜ نَدَبُ وࣷ: سٜلٜدْ إٜ أَݠَّيِمْ. سٜلٜدْ مَايِ هٜٻَايْ ٻٜيْنغُ. 31 أَݠَّيِمْ رِمِ إِسٜيْ، إِسٜيْ رِمِ سٜسَنْ، سٜسَنْ رِمِ أَلَيْ. 32 ٻِٻّٜ يَدَ سَکِيکٜ سَمَّيْ وࣷ: يٜتٜرْ إٜ جࣷنَتَنْ. يٜتٜرْ مَايِ هٜٻَايْ ٻٜيْنغُ. 33 ٻِٻّٜ جࣷنَتَنْ وࣷ: ݠٜلٜتْ إٜ جَجَ. ٻٜىٰ نغࣷنِ ٻِٻّٜ يٜرَمٜيٜلْ.
34 سٜسَنْ وَلَانࣷ ٻِطّࣷ غࣷرْکࣷ أَمَّا نَ وࣷودُنࣷو ٻِٻّٜ رٜوْٻٜ. إِمࣷ وࣷودُنࣷو مَشُّطࣷ مِسِرَنْکٜ نَ وِعٜىٰ يَرْهَ. 35 ندٜلّٜ سٜسَنْ هࣷوڃِ غࣷوتࣷ إٜ ٻِٻّٜ مُوطُمْ رٜوْٻٜ ٻٜىٰنْ هࣷکِّ يَرْهَ مَشُّطࣷ مُوطُمْ أࣷونْ لَاتࣷو دٜىٰکُمْ. دٜبّࣷ أࣷونْ رِمِ أَتَيْ. 36 أَتَيْ رِمِ نَتَنْ، نَتَنْ رِمِ جَبَدْ. 37 جَبَدْ رِمِ إٜڢْلَلْ، إٜڢْلَلْ رِمِ أࣷبٜدْ. 38 أࣷبٜدْ رِمِ يٜهُ، يٜهُ رِمِ أَجَرِيَ. 39 أَجَرِيَ رِمِ هٜلٜسْ، هٜلٜسْ رِمِ إٜلٜيَسَ. 40 إٜلٜيَسَ رِمِ سِسِمَيْ. سِسِمَيْ رِمِ سَلُّمْ. 41 سَلُّمْ رِمِ يٜکَمِيَ، يٜکَمِيَ رِمِ إٜلِسَمَ.
42 إِنَنْ ٻِٻّٜ کَالِبُ، سَکِيکٜ يٜرَمٜيٜلْ: مٜسَ، أَڢࣷ مُوطُمْ أࣷونْ وࣷنِ بَابَ سِڢْ إٜ مَرٜسَ بَابَ هٜبٜرࣷنْ. 43 ٻِٻّٜ هٜبٜرࣷنْ وࣷ: کࣷورَ إٜ تَݠُوَ إٜ رٜکٜمْ إٜ سٜمَ. 44 سٜمَ رِمِ رَهَمْ، بَابَ يࣷرْکٜيَمْ. رٜکٜمْ رِمِ سَمَّيْ. 45 سَمَّيْ رِمِ مَعࣷنْ، مَعࣷنْ أࣷونْ وࣷنِ بَابَ بَيْتِ-سُورَ. 46 إٜڢَ، نَاتَّاطࣷ کَالِبُ أࣷونْ رِمِ هَرَنْ إٜ مࣷسَ إٜ غَجٜسْ. هَرَنْ رِمِ غَجٜسْ. 47 ٻِٻّٜ يَدَيْ وࣷ رٜغٜمْ إٜ يࣷتَمْ إٜ غٜسَنْ إٜ ݠٜلٜتْ إٜ إٜڢَ إٜ سَاڢْ. 48 مَاکَ، نَتَّاطࣷ کَالِبُ أࣷونْ رِمِ سٜبٜرْ إٜ تِرْهَنَ. 49 أࣷ رِمِ دُ سَاڢْ، بَابَ مَدْمَنَ إٜ سٜوَ بَابَ مَکَبٜنَ إٜ غِبٜيَ. کَالِبُ نَ وࣷودِ ٻِطّࣷ دٜبّࣷ نَ وِعٜىٰ أَکِسَ. 50 کَمْٻٜ نغࣷنِ ٻِٻّٜ کَالِبُ.
إِنَنْ ٻِٻّٜ هُرْ، أَڢࣷ إٜڢْرَتَ أࣷونْ: سࣷبَلْ، ݠُطُّطࣷ وُرࣷ کِرِيَتْ-يَرِمْ 51 إٜ سَلْمَ ݠُطُّطࣷ وُرࣷ بَيْتِلَامَ. هَرٜڢْ ݠُطُّطࣷ وُرࣷ بَيْتِ-غٜدٜرْ. 52 ٻِٻّٜ سࣷبَلْ ݠُطُّطࣷ وُرࣷ کِرِيَتْ-يَرِمْ وࣷ هَرࣷيٜ إٜ ڢٜشّٜرٜ مَنُهَتِنْکࣷوٻٜ.
53 شُوطِ کِرِيَتْ-يَرِمْ وࣷ يِتِرِنْکࣷوٻٜ إٜ ݠُتِنْکࣷوٻٜ إٜ سُمَتِنْکࣷوٻٜ إٜ مِسِرَيِنْکࣷوٻٜ. وࣷ إٜ ٻٜىٰنْ سࣷرٜيَتِنْکࣷوٻٜ إٜ إٜسْتَوْلِنْکࣷوٻٜ ڃُورِ. 54 سَلْمَ وࣷنِ بَابَ وُرࣷ بَيْتِلَامَ إٜ وُرࣷ نٜتࣷڢَ إٜ نغࣷ أَتْرࣷتْ-بَيْتِ-يࣷهَبْ إٜ وُرࣷ سࣷرَ إٜ ڢٜشّٜرٜ يِمْٻٜ مَنُهَتْ. 55 تَوْتِ شُوطِ وِنّدࣷوٻٜ جࣷوطِيٻٜ يَبٜسْ طُمْ وࣷنِ تِرٜيَتِنْکࣷوٻٜ إٜ سِمٜيَتِنْکࣷوٻٜ إٜ سُکَتِنْکࣷوٻٜ. کَمْٻٜ نغࣷنِ کٜنِيَنْکࣷوٻٜ ڃُورُٻٜ إٜ هَمَتْ، بَابَ سُودُ رٜکَبْ.