Pāyuunāt nyēpō kēnyiis ēlup ākoong'o
20
1 Kyaaroo *malayiika kuchōōnēē kipsēnkwēt kuting'oonuuy yootēywoon nyēpō kēpēnoo ooy akiinam ang'wa nkōō ēēruunēchiich. 2 Kinam *:malayiikayaantaanoonēē kipaang'waanoonēē ōōw kiipō kēny nyoo *Syeetaani aku Puunyoon, akurat kēnyiis ēlup ākoong'o. 3 Kuwiirchi *:malayiikayaantaanoonēē *Syeetaani kēpēnoo kōōroo ooy. Kikarchi wōloonēē akimaal kurkee simātākuumēlmēēl piich ākōy kurook :kēnyiisyēchoochēē lēē ēlup ākoong'o. Nēē siirtō :nyoonēē, /keetyaayta nyoo matyaan.4 Nēē mii yoonēē, aroo ng'achareenipō pāyuunāt ākōō piich choo kātēpō ng'wēny nkōō ng'achareenichoochēē, akaaroo /kēētēnii kaamuuka kutil kiirwook. Areer aroo toomirmiirēyiipō pichoochēē /kiikutiltooy mētēwēyiikwaak, āmu kiimwaarta Yēēsu ākōō ng'ālyoontoo Iriin. Kiimaakutunchi :pichoochēē tyoonyoonēē ntā ku kāānoomwēēnyiin amāting'ēy turwoo pēēruutyoo tyoonyoonēē nkōō tōkōōchiikwaak ntā ku ēēruunēkwaak. Kusopyō :pichoochēē akupayta ākōō *Kiriistō kēnyiis ēlup ākoong'o. 5 Ng'eetataa meerat :nyi nyēpō taay. (Maasopyō :piich walak choo kiikumēērō kuti kuuwoonyō :kēnyiisyēchoochēē ēlup ākoong'o.) 6 Pēēruurootēēn aku tiliilō :pichoochēē nyōōruuy ng'eetataani pō taay. Mānyōōruuy akwaaneek :meerat nyoo pō ārēēny, aku irchinii :akwaaneek Iriin ākōō *Kiriistō pāyit aku pāytooy ākōō *Kiriistō kēnyiis ēlup ākoong'o.
/Kiikiityaayta Syeetaani /akēēpēl
7 Nēē woonyō :kēnyiisyō ēlup ākoong'o, /kēētyookuunō *Syeetaani wōloonēē /kiikirāti. 8 Kuwō kuumēlmēēlootō piipō ng'wēny nkōō kāmōōs tōkōl chēpō ng'wēny. Wēētiiy kōōroo Kōk ākōō Mākōk akuurum piipō pooryoot choo tēēnō asyaak. 9 Kiipkaana :luk ng'wēny tōkōl akuumuruut wōloo māng'ēy :piipō Iriin nkōō kōōroonoonēē chāmēy :Iriin. Aku kiichō :ma nkōō parak akulukur lukoonoonēē. 10 /Keenam *Syeetaani nyoo kiimēlmēēlēy pichoochēē, /ākēēwiirchi araaraypō ma nyoo ting'ēy korin choo larsōōt. Wōloonēē :wōloo /kiikuwiirchi tyoonyoonēē ākōō ōōrkooyoontoonoonēē pō ng'uurnan. Nyārilsōōt :pichoochēē kilēē nyoonēē pērēēt ākōō lang'a ākōy.
Tilwaa kiirwook nyēpō lēt
11 Nēē mii yoonēē, aroo ng'acharaa pāyuunāt nyoo rēēl aku ōōw ākōō chiich nyoo tēpēē yoonēē. Kuwiis ng'wēnyu ākōō parak nkōō taayuunyiin, amaanyōōru yoo kawung'a keey. 12 Kyaaroo piich choo kiikumēērō, choo ēēchēēn ākōō choo mēnkēēchēēn. Kiimii :pichoochēē kuuryoong'ēē taayuu ng'acharaa pāyuunāt /akiikuyaat kiitapuus. /Kiikuyaat mpō kiitapuu sopoon. /Kiikutilchi kiirwook pichoochēē kiikumēērō kutuup keey nkōō kiyoo kii-ir :chiich, kilēē wōloo sirootēēn mu kiitapuusyēchoochēē. 13 Kiikōōnu :araaray piich choo kiimēērchi wōloonēē. Kukōōnu :mpō Meerat ākōō kōōroo ooy piich choo kiikumēērō choo kiimii wōloonēē. /Kiikutilchi pichoochēē kiirwook kutuup keey nkōō kiyoo kii-ir :chiich. 14 Nēē mii yoonēē, /keenam Meerat ākōō kōōroo ooy /ākēēwiirchi araaray pō ma. Mayoonēē ku meerat nyēpō ārēēny. 15 Aku chiich nyoo /maakisirchi kaarineenyiin kiitapuu sopoon ku /kiikuwiirchi araaray nyēpō ma.