Cheepyooso ākōō tyoonyoonēē kōrōōm
12
1 Kutooku :kir nkōō parak nyēpō kwōng'uut. Kii cheepyooso nyoo kiilaak asiis akimii :araawa ng'wēnyuu kēēlyēēchiich. Akiilaak nkōō mētinyiin kuutwoo pāyuunāt nyēpō kookeel taman nkōō ārēēny. 2 Kiiting'ēy tuum :cheepyoosoonoonēē. Paani kiikurēy, kuunchō nkōō ng'woonin nyoo kiiting'ēy.3 Kutooku :kir aka nyēpō kwōng'uut nkōō parak nyoo kii tyoony nyoo pirir. Kiiting'ēy mētēwēy tisap ākōō kuuyiir taman, aku kiilaak nkōō mētēwēyiichiich kuutwēēnipō pāyuunāt tisap. 4 Kiipuukēē :tyoonyoonēē saaruuryeenyiin kookeel kareeran ākoong'o nkōō sōmōk nkōō parak akuwiirchi ng'wēny. Kiiryoong'ēē :tyoonyoonēē taayuu cheepyoosoonoonēē kiimārēy kuutuum, si nēē tuum ku-am laakwee kilē weel. 5 Kiituum :cheepyoosoonoonēē wēēri, murēn nyoo pāytooy ng'wēny tōkōl nkōō kaarya nyēpō karin. /Kiikuuteer laakwaanoonēē /ākēē-āpchi Iriin nkōō ng'achareenyiin nyēpō pāyuunāt. 6 Kuwiisi :cheepyoosoonoonēē suur kwēēn wōloo kiichēpchi :Iriin, /tākēēriip inyeentee nkōō pērēētuus 1,260.
7 Nēē mii yoonēē, kuchār :pooryoot mu kipsēnkwēt. Kiipooryēērō :Mikayeel ākōō malaykeenichiich tyoonyoonēē ākōō lukeenyiin. 8 Aku nyuun /kiikuupēl tyoonyoonēē ākōō lukeenyiin. Kuupoot āriing'waang' nkōō parak. 9 Nkōō yoonēē /keewiiru tyoonyoonēē kuchō ng'wēny. Inyeentee kipaang'waanoonēē kiipō kēny nyoo /kikuurēē *Syeetaani ākōō Puunyoon nyoo kiing'oolēy piich tōkōl mu ng'wēny. Kunyuun, /kiikuwiiru tyoonyoonēē nkōō kipsēnkwēt kipootō lukeenyiin tōkōl kupka ng'wēny.
10 Nēē mii yoonēē, ateer kuut kuchōōnēē parak kukuurtooy kilē,
“Kaaku-itu nyuun :sāruunō ākōō kaamuuka
ākōō pāyuunātoo Iriin ākōō kaamuukaa *Kiriistō,
āmu /kaakēēchuunu kuchō ng'wēny :kiitoomiin
nyēpō choo kituupchō.
Kiitoomēy akwaaneek pērēēt nkōō lang'a nkōō taayuu Iriin.
11 Kiipēliisyō choo kituupchō
nkōō kērētipō *Waawaa keecha
ākōō man nyoo kiimwooru :akwaaneek
akiichamta keey kumēērō.
12 Kunyuun, kupaypayiit kipsēnkwēt
ākōō piich choo māng'ēy wōloonēē!
Tyaan ng'woonin, nyoo nyōōruuy :kir aka tōkōl nyoo mii ng'wēny ākōō araaray,
āmu kiikurēku *:Syeetaani kuchō ng'wēny.
Nareekaat :inyeentee kitya,
āmu nkēt kilē ting'ēy :pērēētuus choo ng'ērin.”
13 Paani keero :tyoonyoonēē kilē koo /kaakēēchuunu kuchō ng'wēny, kutoowu ku-us cheepyoosoonoonēē kiituumēy wēērii. 14 /Kiikiitē cheepyoosoonoonēē kapapay ārēēny choo ēēchēēn choo lēē chēpō chēēpsiirērō kutiriirtoorēē ākōy wōloo /kiikuchēpchi mu suur kwēēn, /tākēēriip nkōō wōloonēē kēnyiis sōmōk nkōō kareeran nyoo mēēmuukēy kunyōōru inyeentee :kipaang'waanoonēē. 15 Kuung'uung'u :kipaang'waanoonēē pēr nkōō kuutiinyiin kilēku een siku-āp cheepyoosoonoonēē. 16 Aku kiitoorēt cheepyoosoonoonēē :ng'wēnyu, āmu kiyaata akulukur pērēēchoochēē kiing'uung'uuy tyoonyoonēē. 17 Kiinārēēchi :tyoonyoonēē cheepyoosoonoonēē, akuwō kupooryēērō laakōōk walak chēpō cheepyoosoonoonēē. Laakōōchoochēē walak ku choo kiiriip ng'ātuutēpō Iriin akuukoonyitēy ng'alēēpō Yēēsu. 18 Nēē mii yoonēē, kuuryoong'ō :tyoonyoonēē tapanuu araaray.