Kiityaak :Waawee ratwee nyēpō tisap
8
1 Kii nēē tyaak :Waawee ratwee nyēpō tisap kusiis :kipsēnkwēt kareeran nyēpō saayit ākoong'o. 2 Nkōō yoonēē, aroo malaykeenichoochēē lēē tisap choo kiiryoong'ēē taayuu Iriin /kēētēnii ryampuun tisap. 3 Kichō *:malayiikayaantee aka nyoo kiiting'ēy kimētēroo kōrōs nyēpō *kōōlti akuuryoong'ō kaapkōrōs. /Kiikiitō *malayiikayaantaanoonēē tukun chaa chaang' choo ng'uutooy choo ānyinyēēn sikupēēlchi Iriin kipootō soowuutēpō piipō *Kiriistō mu kaapkōrōsuu *kōōlti nyoo mii taayuu ng'acharaa pāyuunāt. 4 Kiiwēētii taayuu Iriin :iirēt nyēpō tukuuchoochēē ng'uutooy choo ānyinyēēn kipootō soowuutēpō piipō *Kiriistō chu kiitētooy *:malayiikayaantaanoonēē. 5 Kinam *:malayiikayaantaanoonēē kimētēroo kōrōs akurāmuunō ma kaapkōrōs akuwiirchi ng'wēny. Kutul :iilat, kuuryal kōōrēē, akuchō :kiprang'rang'.Ryampuun ang'wan chēpō taay
6 Nēē mii yoonēē, kuchēp keey :malaykeenichoochēē tisap kukuut ryampuun.
7 Kikuut *:malayiikayaantee nyēpō taay ryampuunyiin, paanoonēē kupka :tonkoros ākōō ma kuuwoorēy kērēti ākēēroonchi ng'wēny. Kilar :keereeran ākoong'o nkōō sōmōk nyēpō ng'wēny. Kulārō keeti nkōō ng'wēny choo tēēnō choochēē, akulārō :suusō choo nyāriilēēn tōkōl.
8 Kukuut *:malayiika nyēpō ārēēny ryampuu nyaanyiin. /Kēēwiirchi araaray tul nyoo ōōw nyēpō ma. Kuwal :kareeran ākoong'o nkōō sōmōk nyēpō araarayoonēē kilēku kērēti. 9 Kurook :kareeran ākoong'o nkōō sōmōk nyēpō tyoong'in choo mii araaray, akumilta :mēēliin choo tēēnō choochēē choo kiimii araaray.
10 Nēē rook kukuut *:malayiika nyēpō sōmōk ryampuu nyaanyiin. Kichinuuna parak :kookeelyaanta nyoo ōōw nyoo kilārēy kilēē teereer, akichinchi kareeran ākoong'o nkōō sōmōk nyēpō ēēnwoon ākōō koonyiipō pēr. 11 /Kukuurēē kookeelyaantaanoonēē ‘Ng'woonin.’ Kunyuun, kiing'wooniituuy kareeran ākoong'o nkōō sōmōk nyēpō pēr tōkōl. Kiimēērō :piich chaa chaang' mu ng'wēny āmu kiing'woonō :pērēēchoochēē.
12 Kukuut *:malayiikayaantaa ang'wan ryampuu nyaanyiin. /Keerus kareeran ākoong'o nkōō sōmōk nyēpō asiis, nkōō araawa /akeerus kookeel choo tēēnō choochēē, kutuuriituuy :kāmōōsichoochēē. Kiimoomii :kareeran ākoong'o nkōō sōmōk nyēpō lēpooyin pērēēt ākōō lang'a.
13 Paani kaamararta, ateer chēēpsiirērō nyoo kiitiriirtooy nkōō kōōr parak nyoo kiinchwēēy kilē, “Ng'woonin, lēyyē, ng'woonin, ng'woonin! Tyaan :ng'woonin nyoo chōōnchinii piich tōkōl choo mii ng'wēny, nēē kuut :malaykeenik sōmōk chu ng'ātuunootēēn ryampuunēkwaak!”