Āriipēē keey piich choo lēē ng'uur
4
1 Chamanichu, kumaaran ng'alēēpō chiich aka tōkōl nyoo kāmwoorwook kilē ting'ēy Toomirmiir nyoo Tiliil. Achamchama ng'alēēpō pichoochēē toosōwu nēē ting'ēy man Toomirmiir nyoo Tiliil, āmu kiikupka piich chaa chaang' choo irtooy keey kilē *ōōrkooy chēpō Iriin akuunēētēy piich ng'al chēpō ng'uurnan. 2 Akanya āmwoorwook wōloo āsōwuuntooy piich choo ting'ēy Toomirmiir nyoo Tiliil. Chiich aka tōkōl nyoo mwoorēy kilē kiichō :Yēēsu *Kiriistō ng'wēny ku chiich, ku ting'ēy :chiichoonēē Toomirmiir nyoo Tiliil. 3 Ku aka tōkōl nyoo mēērānēy kilēē nyoonēē akipō Yēēsu ku māpō chiichoonēē Iriin. Puunipō *Kiriistō piich choo lēē choochēē. Āpkootaa kilē kyaateer :akwaan kilē chōōnēy :Puunyoontoo *Kiriistō, āmwoorwook nyuun kilē mii mpō kipāyiisyēy paanyēēnyi.4 Laakoochu, āpookwaan Iriin. Kyoopēlikwaan koonēētiichoochēē pō ng'uurnan, āmu ōōw Toomirmiiryooni āting'ēy kisiir *Syeetaani nyoo mii ng'wēny. 5 Pō ng'uurichoochēē ng'wēny. Ng'āloolēy ng'al choo tuupēy keey ākōō sopoon nyēpō ng'wēny, aku tēērchinii :piich chēpō ng'wēny ng'aleekwaak. 6 Ku achaan kēēpō Iriin. Akwaaneek choo chāmēy Iriin kutēērēēch ku akwaaneek choo māpō Iriin kimātēērēēch. Lēē nyoonēē wōloo āsōwuuntooy piich choo mworēy man ākōō choo ng'uurnoonēy.
Choomnyoo Iriin
7 Chamanichu kēēchoomnyēē, āmu toowunēē choomnyoot wōloo mii :Iriin. Chiich aka tōkōl nyoo chāmēy chiitō aka ku kiikupāyiit Iriin akuunkēt Iriin. 8 Ku chiich nyoo māchāmēy piich walak, ku mēēnkēt wōloo lēē :Iriin āmu Iriin ku choomnyoot. 9 Kiing'uutu :Iriin choomnyēēnyiin kilēē nyi: Kiikōōnu wēēriinyiin nyoo kii ākoong'o kipaat kuchō ng'wēny tākēēnyōōruu *sopoon nyēpō ākōy kipunuunō Wēēroonēē. 10 Choomnyoot ku nyi: Maakicham :achaan Iriin aku kiichameech :inyeentee kuti kōōnu wēēriinyiin kilēku tisēn nyoo āpēy ng'ōōkiichooch /tākēēnyōōywēēch kaat.
11 Chamanichu, āmu chāmēēch :Iriin kitya kilēē nyoonēē, kēēmārwēēch kēēchoomnyēē mpō. 12 Moomii :chiich aka tōkōl nyoo kiikuuro Iriin, aku nēē kuchoomsōōt kēēmii kipakoong'o ākōō inyeentee, akutooku choomnyēēnyiin nyoo marartaaraat nkōō wōloo kimii.
13 Kisōwuuchaan nyuun kilē kimii kipakoong'o ākōō Iriin āmu kiikukōōnēēch Toomirmiiryeenyiin. 14 Kii keeroo nkōō koonyiichooch ākēēmwoortooy kilē kiikōōnu :Paapaan wēēriinyiin kuchō kisāru ng'wēny. 15 Nēē cham :chiich kilē Yēēsu ku Wēēroo Iriin, kimii kipakoong'o :chiichoonēē ākōō Iriin. 16 Kiikēēsōwuuchaan choomnyooni chāmēēch :Iriin, ākēētiirēē keey choomnyoonoonēē.
Iriin ku choomnyoot. Chiich aka tōkōl nyoo nāmēy choomnyoonoonēē, ku ākoong'o ākōō Iriin. 17 Nēē kiting'ēy choomnyoot akēētēpō kilēē wōloo kiitēptooy :Yēēsu mu ng'wēny, kēēmii kēēng'uutuuy choomnyoot nyoo marartaaraat. Mākuwāriisyēy nyuun nēē-it pēērēētuuni pō kiirwook. 18 Moomii :kāāwāriisyō nēē mii choomnyoot. Wōloo nyuun ōōnēy choomnyoot koowāriisyō. Nēē wariisyēy chiich āmu kiirwook, kung'uutuuy nyoonēē kilē toomō kisōwu choomnyoo Iriin kukaraam.
19 Kichoomsōōt nyuun āmu kiisip kichameech :Iriin. 20 Nēē mwa :chiich kilē chāmēy Iriin aku sāsēy tuupcheenyiin, ku ng'uuriin :chiichoonēē. Chiich nyoo māchāmēy tuupcheenyiin nyoo rōōtēy, ku chāmtooy ānō Iriin nyoo toomō kuuro? 21 Kiikukōōnēēch :Iriin ng'ātuutyēēnyiin kilē nēē kuchamēy inyeentee keecham mpō choo kituupchō.