Ātēpii kilēē wōloo tēptooy :laakōōpō Iriin
3
1 Aroo kee, pō kwōōng'uut nyaa tyaan choomnyoo Iriin! Kiichameech kuti kuurēēnēēch laakoochiich, akiilaakoochiich nyuun kisop. Mēēnkētēēch nyuun piich chēpō ng'wēny āmu mēēnkēt Iriin. 2 Ku nyuun oo, chamanichu, mpō ntā kichaan laakōōpō Iriin, ku toomō kēēng'oong'wēēch kilē kilēkuuy nee nkōō pērēētuus choo pkoonēy. Kiyoo kuunkēt kipaat ku nyi: paani kākung'oong'u *Kiriistō keekarkeeyiitu ākōō inyeentee ākēērōōtēy inyeentee kilēē woli lēē. 3 Chiich aka tōkōl nyuun nyoo rānēy kilēē nyoonēē kuutiliilēy keey āmu tiliil *Kiriistō.4 Chiich nyoo irēy ng'ōōki, ku pistooriin āmu /kee-ir ng'ōōki ku /kēēpistēērēē ng'ātuut. 5 Ankēt :akwaan kilē kiichō *Kiriistō ng'wēny tākuupuuytoowēēch ng'ōōkiichooch ākoonkēt :akwaan mpō kilē kiimaa-ir :inyeentee ng'ōōki. 6 Nee tuup :chiich *Kiriistō, ku maakutāsēy taay ku-irēy ng'ōōki, ku nēētas taay :chiich ku-ir ng'ōōki, ku toomō kicham :chiichoonēē *Kiriistō amēēnkēt kilē ng'oo *Kiriistō.
7 Kunyuun oo laakōōchu, amaakany kēēmēlmēēlook. Chiich nyoo irēy kiyoo mārēy :Iriin ku tiliil kilēē paani tiliil :Yēēsu. 8 Chiich nyuun nyoo irēy ng'ōōki, kipō *Syeetaani, āmu kiiku-iroonuuy *:Syeetaani ng'ōōki king'eeta kēny. Kiichō :Wēēroo Iriin ng'wēny tākuululuuk pāyiisyōōn chēpō *Syeetaani. 9 Moomii :chiich nyēpō Iriin nyoo tāku-irēy ng'ōōki, āmu ting'ēy kāsuryoontoo Iriin. Maaku-irēy ng'ōōki āmu kiikulēku laakwaa Iriin. 10 /Kusōwuuy laakōōpō Iriin ākōō chēpō *Syeetaani kilēē nyi: nēē ir chiich kir nyoo māpō man ntā ku macham tuupcheenyiin, ku mā laakwaa Iriin.
Kēēchoomnyēē kilēē wōloo chāmtēēch :Yēēsu
11 Ng'al choo kyootēēroonuukwaan king'eeta kēny ku kēēchoomnyēē. 12 Kimakisas nyuun choo kituupchō kilēē Kayiin nyoo kiisas wēēriing'waang' kuti par āmu kiipāyuuy inyeentee *:Syeetaani. Akanya āpkootwook nyuun kilē kiipar Kayiin wēēriing'waang' āmu kiiraacha :oortineechiich, kipō man chēpō wēēriing'waang'. 13 Tuupchēēnichuuch, kumookwōng'yō nēē sasaak :piich chēpō ng'wēny choo mēērānēy Iriin.
14 Kuunkēt nyuun kilē kiikeepkaanee wōloo mii meerat akiikee-itu wōli mii sopoon. Kuunkēt kilēē nyoonēē āmu kichāmēy choo kituupchō. Aka tōkōl nyuun nyoo māchāmēy choo tuupchō, kuta kumii wōloo mii meerat. 15 Aka tōkōl nyoo sāsēy nyoo tuupchō ku rumiin, ākoonkēt :akwaan kilē mānyōōruuy :rumiin *sopoon nyēpō ākōy. 16 Kiyoo kōōnēēch kēēsōwu wōloo lēē choomnyoot ku nyi: Kiitētō keey *:Kiriistō kima akipō achaan. Kilēē nyoonēē nyuun, kēētētēē mpō sopēēnyoon akipō choo kituupchō. 17 Nēē mii chiich nyoo ting'ēy tukun akuurōōtēy tuupcheenyiin kunyarilēy amariira oo, kuumuktooy ānō kumwa :chiichoonēē kilē ting'ēy choomnyoo Iriin? 18 Laakoochuuch, amaakany keeng'alaalēē :kuut kipaat kilē kuchoomsōōt, aku akanya kitookuunō :choomnyoonoonēē man ākōō pāyiisyōōn choo ku-irēy. 19 Nēē ku-ir kilēē nyoonēē kēēsōwu nyuun kilē kipō man akeekaalyan nkōō tayuu Iriin. 20 Mpō nēē rwōōkwēēch kāāpkootuutēchooch, kēēnkēt kilē ōōw Iriin kusiir akuunkēt kir aka tōkōl akipō achaan. 21 Chamanichu, nēē mēērwōōkwēēch kāāpkootuutēchooch, kēēting'ēy man kilē kuuryoong'ēē taayuu Iriin nyoo mākuuwārēy, 22 aku kōōnēēch :inyeentee kir aka tōkōl nyoo kisoomēy, āmu kuriipēy ng'ātuutēchiich akēē-irēy kiyoo pāypooyēy inyeentee. 23 Wōloo martooy Iriin ku keeran wēēriinyiin Yēēsu *Kiriistō ākēēchoomnyō kilēē wōloo mwoortooy ng'ātuutyoo Kiptaayaan. 24 Aka tōkōl nyoo tuupēy ng'ātuut chēpō Iriin kimii kipakoong'o ākōō Iriin, Tāmirmiryeenyiin nyi kiikōōnēēch nyoo kisōwuunēē kilē kimii kipakoong'o ākōō inyeentee.