Kiriip :kāāntōōy piipō Kiriistō nyaa karaam
5
1 Kunyuun oo, āmārēy acheeraak kāāntōōy chēpō piipō *Kiriistō. Aneen mpō kāāntōōyiin, akyaaroo wōloo kiinyarilta *:Kiriistō ākoonyōōruuy ākōō akwaan tōrōōrin nyoo kupa /kēēng'oong'uuy. Āmwoorwook kilē: 2 Āriipō kēēchiir choo kiikukōōnook :Iriin. Āmooriip āmu kākuusiichook, aku āriipō āchāmēy kilēē paani mārēy :Iriin. Moolēku choo āchāmēy rōōpiyō, aku ā-irchii Iriin pāyit nkōō moo ākoong'o. 3 Amaareeng' piich choo /kiikēēkōōnook āryoontō, aku ātēpii nkōō oor nyaa karaam tākuumuustook :pichoochēē. 4 Aku nēē chō :Māsōwoontee nyoo ōōw /kēēkōōnook mālāk nyoo ōōw nyoo mēēluluukēē.Āmining'iitō keey ākooryoonchō kukaraam nkōō Iriin
5 Āmārēy acheeraak mpō akwaan naran: ākoonyitō kāāntōōy. Maraat āmining'iitēy keey tōkōl, āmu mwoorēy :siruutēpō Iriin kilē, “Kārēy :Iriin nyoo lāsē keey, akuupēēruurēy nyoo āpēy keey ng'wēny.” † 6 Āmining'iitii keey :Iriin nyēpō kaamuuka tōkōl, sikuutōrōōrook nkōō pērēētuu nyoo yamaat. 7 Ā-āpchii kāā-iimutēkwook tōkōl Iriin, āmu riipook.
8 Āriip keey akaachikan! Mii :puunyoontēēng'woong' Kipng'ōōkiyoon kuulēēpootēy aku pōōrōōrootēy kilēē ng'ētuny nyoo āmēy piri kuwāsēy chiich nyoo āmēy kuuwaang'. 9 Ākiilō nkōō kaaraneeng'woong' taakartee puunyoontoonoonēē, āmu ānkēt kilē mii mpō choo ātuupchō nkōō ng'wēny tōkōl kupuntēērēē nyariluut choo lēē choochēē. 10 Mpō nēē anyaril pērēētuus choo ng'ērin, kuchēērook :Iriin nyoo chāmook akiikuyoomiiswook tōrōōrintanyiin nyēpō ākōy nkōō Yēēsu *Kiriistō tookiilō ākooryoonchō kukaraam. 11 Pāytooy :inyeentee ākōy. Lēē nyoonēē.
Kooyoomiisō
12 Āsirwook ng'aleechu ng'ērin kupunuunō ēēruunēpō Siila, tuupchēē nyoo ārānēy. Koomārēy acheeraak ākoomwoorwook kilē ākiilyō nkōō chamataa Iriin nyēpō man.
13 Tookwēēsook :piipō *Kiriistō nkōō Papulōōna choo /kiikēēlēwēn kilēē akwaan akuutookwēēsook :mpō wēēriinyuun Maarkō. 14 Ataakweesa keey :tōkōl nkōō choomnyoot.
Ātēpiisyēē nkōō kaalya :akwaan tōkōl choo āpō *Kiriistō.