Āmāng'iisyēē kilēē wōloo mārtooy :Iriin
4
1 Āmu kiinyaril *:Kiriistō, āchēp keey nyuun :mpō akwaan ānyārilyēē, āmu chiich nyoo nyārilēy ku kaakumētoorō keey ng'ōōki. 2 Tēpēē :chiichoonēē nkōō sopēēnyiin tōkōl kilēē wōloo mārtooy Iriin, amaakutuupēy mākuut chaa raacheen chēpō pōōr. 3 Kyoopoot pērēētuus chaa chaang' kitya kēny ā-irēy kilēē wōloo irtooy :piich choo mēērānēy Iriin. Kyoo-irēēkwaan takal, ātuupēy mākuutēkwook chaa raacheen, āpōōkitsōōt, ā-āmēy tuumwēy, ārēēsyēy kitya ākookutunchinii kāānoomōōn. 4 Kwōng'ēy :choo kii choorwayiikwook, āmu moochuutēēkwaan keey ng'ōōki choo irēy, aku ng'āloolēēnook nkōō oor nyaa ra. 5 Rāruuy :pichoochēē ng'aleekwaak nkōō taayuu Iriin nyoo tilchinii kiirwook piich choo sāpyootēēn ākōō choo kiikumēērō. 6 Ki-ir :ng'ālyoontooni /kēē-āmchi lōkōōy choo kāroomēēn mpō piich choo kiikumēērō sikuumuuk kusopyō toomirmiirikwaak mpō ntā kiikumēērō :akwaaneek.Āpāyiisyēērēē kōōnuunēy chēpō Toomirmiir nkōō oor nyaa karaam
7 Kiikuriiku :lētuu kir aka tōkōl. Maraat nyuun ālēku choo chikānootēēn ākooriip keey taamuuka asaa. 8 Kir nyuun nyoo mii, ku atasa taay āchoomnyō kitya, āmu tukēy :choomnyoot ng'ōōki chaa chaang'.a 9 Ataaka keey nkōō kooriikwook ākoomētō kwiintaan. 10 Kiikuutē :Iriin chiich aka tōkōl nkōō akwaan kōōnunō nyēpō Toomirmiiryeenyiin sootoorētō piich walak. Nkanyi, maraat āpāyiisyēērēē kōōnunēyiichoochēē ng'uloong'ulēy nkōō oor nyaa karaam. 11 Nēē ng'āloolēy :chiich, kumārēy kung'ālaal kilēē yoo ng'āloolēy Iriin, ku nyoo toorētiisyēy, ku mārēy kuunkēt kilē Iriin nyoo kōōnuuy kaamuuka. Nēē ku-ir kilēē nyoonēē, /kēēloosu Iriin nkōō tukun tōkōl kupunuunō Yēēsu *Kiriistō. Kutōrōriit :inyeentee akupayta ākōy. Lēē nyoonēē.
Ānyārilēy āmu ārānēy Kiriistō
12 Chamanichuuch, āmookwōng'yō nēē āpuntoorēē nyāriluut choo tyāmook. Amaaroo nyoonēē ka-ira nkōō wōloo āmiikwaan kilēē kir nyoo lēē toon. 13 Aku āpāypāyiituu, āmu āmii ānyārilēy nkōō *Kiriistō, soonyōōruu pāypooyō nyoo ōōw nēē kung'oong'u :ōōwintanyiin. 14 Nēē /kumuulook, āmu ārānēy *Kiriistō, ānyōōruuy pēēruur āmu āmii nkōō Toomirmiir nyoo tōrōōr nyēpō Iriin. 15 Kiimaanyaril aka tōkōl nkōō akwaan kilēē chiich nyoo kārumiisyō, ntā nyoo kāchōōrsyō, ntā nyoo ka-ir ng'al chaa raacheen, ntā ku nyoo keechuut keey ng'alēēpō piich walak. 16 Aku nyuun, nēē anyaril āmu ātuupēy *Kiriistō, ku mānāmook :sōōrnān, aku āmwoochii Iriin kōōnkēy, āmu āpō *Kiriistō. 17 Kaaku-it :pērēētuu nyoo /kitilchinii piich kirwook akēētoowuunēē piipō *Kiriistō. Ara oo, nēē toowunēēnēēch, kilēkuuy nee nyuun nkōō wōloo mii :piich choo tāyēy lōkōōy choo kāroomēēn choo pkoonēē Iriin? 18 Kilēē paani mwoorēy :siruut kilē, “Nēē kōrōōm nkōō piich choo kāroomēēn /kēēsāru, ku lēkuuy nee nkōō kipng'ōōkiis?”† 19 Maraat nyuun piich choo /kakiinyariil kilēē wōloo mārtooy :Iriin, kutiirō keey Iriin nyoo /kiirānēy akutas taay ku-ir ng'al choo kāroomēēn.