Wōloo /kiipāypooytooy Iriin
13
1 Atasa taay āchoomnyēē āmu ātuupchō. 2 Ātookēy too mpō choo moonkēt. Āmu mii choo kii-ir kilēē nyoonēē kuti taak *malaykeen kimēēnkēt. 3 Āpkootēy piich choo mii korkoreet kilēē yoo āmii tōkōl. Ākoopkootēy mpō akwaaneek choo nyārilsōōt kilēē lēē yoo ānyārilēy :tōkōl.4 Maraat kuukoonyit :chiich aka tōkōl āpisyō. Aku maraat kuukoonyitēy keey :pooyoon ākōō cheepyooseenyiin āmu tilchinii :Iriin kiirwook piich choo siirēy karwa ākōō choo irēy takal. 5 Ā-istoorēē keey chamataa rōōpiyō akaakany kuyamaak tukun choo āting'ēy āmu mwoorēy :Iriin kilē, “Moomētooyiin āmoopistooyiin.”† 6 Kēēnyikāniituu nyuun akeemwaa kilē, “Iriin nyoo toorētoon, mā ākōy āwāriisyō, irwoon nee :chiich?”†
7 Apkaata kāāntōōyiikwook choo kyoomwook ng'alēēpō Iriin. Akaapkaat kee wōloo kiitēptooy :pichoochēē ākootiirō keey Iriin kilēē akwaaneek.
8 Māwālēē :Yēēsu *Kiriistō, lēē nyiinēē āmātuun, aniinee, amāwālēē ākōy. 9 Amaakany kuumēlmēēlook :koonēētuut walak choo chuunnyootēēn. Karaam kuukiil :Iriin kāāpkootuutēkwook nkōō chamateenyiin, āmookiilchi keey ng'ātuut chēpō āmiisyō choo mātoorētēy piich.
10 Kiting'ēēchaan kaapkōrōs nyoo /mākuchāmchinii *tisiik chēpō Yāwuutik ku-āmiisyēērēē. 11 Āpēy *:Tisiin nyoo Ōōw kērētiipō chaak Wōloo Tiliil Kitya mu *Kōpō Iriin /kēētētō akipō ng'ōōki, /akēē-āp panyeepō chaakiichoochēē /keepeela kōōrēē kamas pō saang'. 12 Nkōō oor nyoo lēē nyoonēē, ku kiimēērchi :Yēēsu kōōrēē kamas pō saang' sikuutiliilō piich kērētiichiich. 13 Kunyuun oo, akanya keepa kōōrēē kamas pō saang' wōloonēē /kiikumuulēē :Yēēsu /sikēēmuulēēch mpō achaan. 14 Mākuting'ēy nyuun nkōō ng'wēny kōōrēē nyoo tēpēē ākōy, aku kukānyēy kōōrēē nyoo chōōnēy. 15 Āmu kiyoo kii-ir Yēēsu, kēētō nyuun Iriin ākōy kōrōsēēpō kāāloosuunō. 16 Aku aroo kilē kaa-ir tukun choo kāroomēēn, ākootoorētēy keey, āmu kōrōsēēchoochēē :choo pāypooyēy Iriin.
17 Ākoonyitō kāāntōōyiikwook akaatuup kiyoo mwoorēy. Riipook :akwaaneek kuunkēt kilē /kutēēpēē ng'al kutuup keey nkōō riipsyooni. Nēē ākoonyit kāāntōōyiichoochēē, ā-irēy kupāypāyiituuy, aku nēē mookoonyit, ā-irēy kunārēēkyō, amākārāmiituuy nyoonēē nkōō akwaan.
18 Āsooywēēch āmu kiirānēy kilē pēērēy keey kāāpkootuutēchooch ākēēmārēy kilē kēētēpii nkōō oor nyēpō koonyit. 19 Āsoowoon taawaraka wōloonēē kilēēkit.
Saayat
20 Kiing'ēēta Iriin meerat Kiptaayaantēēnyoon Yēēsu nyoo mēsōwoon nyoo ōōw nyēpō kēēchiir aku-ir ārāruut nyoo tēpēē ākōy kuusilta nkōō kērētiipō Yēēsu. 21 Kukōōnook :Iriin nyēpō kaalya kir aka tōkōl nyaa karaam taa-ira kiyoo mārēy :inyeentee, akukōōnook Yēēsu *Kiriistō kaamuuka taapaypaaya Iriin. Kutōrōriit :inyeentee ākōy! Lēē nyoonēē.
Ng'alēēpō lēt
22 Choo kituupchō, āsoomook kilē āmurtoochii ng'aleechu āchēērēēnook āmu kaasirwaak kipaat nkōō nwookin. 23 Āsōwuu kilē /kiikeetyaayta tuupchēēnyoon Tiimōti mu korkoreet. Nēē sip kuchō, kēēpkoonēy tōkōl kēērōōtook. 24 Ataakweesa kāāntōōyiikwook tōkōl ākōō piipō *Kiriistō. Tookwēēsook chēpō Italya. 25 Kuupēēruurook tōkōl :Iriin.