Amurtee kilēē Yēēsu
12
1 Āmu kuunkēt kilē kēēmuruutēēch akurōōtēēch :pichoochēē chaang' kiirānēy Iriin, akany nyuun kēēmētēē mpō kir aka tōkōl nyoo riikēēch ākōō ng'ōōki choo rātoorātēēch akeemurta kēēmwēr cheemuraani kimii. 2 Akanya keeroota Yēēsu nyoo toowuuniin aku kaawoontooriin nyēpō kaaraneenyoon. Nyoo maachuchuuka keey nyaril nkōō kimurtooyoon, aku kiimurta akipō pāypooyō nyoo kiimii kukānyoonuuy. Akuwō kutēpō ēēruu taay nyēpō Iriin kupāyta :tōkōl. 3 Āpkootēy nyuun inyeentee nyoo kiimurta muulēt nyēpō kipng'ōōkiin, simāchoosyō mukuuliiriikwook akaasaalta keey.Chuulēēch :Iriin
4 Toomō āpooryēērēēkwaan rāyiityoo ng'wēny ākōy atarta kērētiikwook. 5 Apkaata kee ng'al choo chēērēēnook :Iriin kilēē laakōōchiich kumwoorēy kilē,
“Wēēriinyuun, meereeng' nēē isuun :Iriin,
ntā nēē chuulin, ku meekany kimeerin :moo,
6 āmu chuulēy :Iriin chiich aka tōkōl nyoo chāmēy,
akuutēnii siitēt chiich aka tōkōl nyoo kuurēē laakweenyiin.”†
7 Nēē /kuchuulook āmurtooy, āmu āpook :Iriin kilēē laakōōchiich. Mii :laakwa nyoo māchuulēy :paapeenyiin? 8 Nēē /makuchuulaak kilēē paani /kuchuulēy laakōōy, kung'uutuuy kilē maakwaan laakōōchiich kisop. 9 Kiikiting'ēy :tōkōl mpō paapatiin choo kiichuulēēch akiikuukoonyitēy. Kunyuun oo, kārāmiituuy nyaa tyaan nēē kuumining'iiti keey Paapa Iriin nyoo chuulēēch akukōōnēēch sopoon? 10 Kiichuuleech :mpō paapatiinēchooch chēpō ng'wēny nkōō pērēētuus choo ng'ērin kilēē wōloo kiirōōtitooy :akwaaneek kilē karaam. Aku Iriin, kuchuulēēch āmu mārēy sikēētililiituu kilēē inyeentee. 11 Ng'woonchinēēch nēē /kuchuulēēch amākupāypāchinii. Aku lētuun nyuun ku-irēy man akunyōōru kaalya :piich choo /kichuulēy.
Mēērōōtēy :nyoo matiliil Kiptaayaan
12 Ākiilō ēēruunēkwook choo kaakuchoosyō akaachuul kuutung'ēyiikwook choo mēērootēēn. 13 Apee oor nyoo chuulaat, simapunukō yoo mākiiloot, aku nyuun, tākusop.
14 Ākiilō keey āmāng'iisyēē ākōō piich tōkōl nkōō kaalya, ākootililiitu āmu moomii :chiich nyoo rōōtēy Kiptaayaan nēē mā tiliil. 15 Āriip kumārārchi :chiich chamataa :Iriin. Aroo kilē mapiit :keet nyaa ng'waan nyoo muukēy kuu-iimaak akunyeera piich walak chaa chaang' nkōō ng'wooneenyiin. 16 Aroo kilē moomii :chiich nyoo irēy takal, ntā ku nyoo mēēwārey Iriin kilēē Eesaaw, nyoo kyaalteera kaamukeenyiin nyēpō kipooreet āmiisyō kipaat. 17 Ānkēt :akwaan kilē /kiikutaya lētuun paani kiimārēy kunyōōru pēēruur nkōō wōloo mii :paapeenyiin. Kiimēēmuukēy kuwal kāāpkootuutēpō paapeenyiin mpō ntā kiiriir kilē /kēēpēēruur.
Keepee kōōr nyoo mēētimtiimēē
18 Maariichiikwaan tulwoo Sinaay nyoo lārēēy ma, akimii tuurin ākōō yoomēt nyoo ōōw ākōō tulāt, 19 chērwoo ryampu ākōō kuut nyoo ōōw. Kii nēē teer :piich kuutiinoonēē, kisaarsaar kilē kiyam /kumātākēēmwoochi ng'ālyoon aka, 20 āmu kiimaakuumuukēy ng'alēēchoochēē kiimwooruuy :Iriin kilē “Nēē tiing' :tyoony tulwoonoonēē /keewiira korin ākōy kima.”† 21 Kii-ir :ng'alēēchoochēē *Muusa kumwa kilē, “Kāāwārisyō kitaapootan!”† 22 Aku nyuun kyooriichiikwaan tulwoo *Saayoon, kōōroo Iriin, Chēērusālēēm nyēpō kipsēnkwēt wōloo tuuyēēchinii *:malaykeen chaa chaang' kitya nēē ku-āmēy tuum nyēpō pāypooyō. 23 Kyooriichi nyuun kipōōrēētōōy choo sirootēēn kaariikwaak mu kipsēnkwēt akyooriichi wōloo mii :Iriin nyoo tilchinii piich tōkōl kiirwook, ākōō wōloo mii :toomirmiirēy chēpō piich choo kāroomēēn choo /kikee-ir kutililiituuy. 24 Kyooriichi wōloo mii :Yēēsu nyoo kyoopu ārāruut nyoo rēēl akyooriichi wōloo mii :kērētiichiich choo /kiikuraanta choo mwooruuy kir nyaa karaam kusiir kērēti choo kiipō Āpēēli choo mwooruuy raaytaar pō mukētuut.
25 Āriipō keey nyuun, amaatay ateer iit Iriin nyoo ng'āloolwook. Nēē maachiril :piich choo kiitay kuteer iit Iriin nyoo kiing'āloolchinii nkōō ng'wēny oo, kēēchirilēēchaan kilē nee, nēē makiteer iit Iriin nyoo ng'āloolwēēch kuchōōnō kipsēnkwēt? 26 Kii nēē ng'ālooluunō tulwoo Sinaay kuutimtiimō ng'wēny, aku aniin ku kiikuuyoomiis kilē,
“Toorēērēy ātimtiimēy ng'wēny āsip ākoong'o,
ākoo-irēy mpō parak kuutimtiimō.”†
27 Ng'ālyoontoonoonēē lēē ‘āsip ākoong'o’ kung'uutuuy kilē /kiināmuuy tukun choo timtiimiisōōt choo mii ng'wēny ākōō parak, sikung'ētu choo mēētimtiimiisōōt. 28 Āmu kipētiiy kēēnyōōruuy kōōr nyoo mēētimtiimēē, kēēmwoochi Iriin kōōnkēy ākēē-irchi pāyit nkōō oor nyoo pāypāchinii kēēwārēy inyeentee akēēkoonyitēy, 29 āmu :Iriin ku ma nyoo woong'uuy piich.†