Maraat /keetay koonēētuut chēpō ng'uurnan
4
1 Ng'uutuuy :Toomirmiir nyoo Tiliil kutooku nkōō pērēētuus choo pkoonēy kilē chuunnyēērēē :piich ng'ālyoon nyēpō man akutuup ng'alēēpō :toomirmiirēy chēpō ng'uurnan ākōō koonēētuut choo pkoonēē wōloo mii *toomirmiirēy chaa raacheen. 2 Mēlmēēliisyēy :pichoochēē amaakuunkēt ng'uurnan ākōō man. 3 Rēētēē :pichoochēē piich ku-āpiisyō. Mwoochinii piich kutaya keey ku-āmēy tukun walak mpō ntā kii-irēy :Iriin āmiisyō kilē kutaak :piichiich choo nkēt man aku-am kumwoochinii inyeentee kōōnkēy. 4 Āmwooraa kilēē nyoonēē, āmu karaam :kir aka tōkōl nyoo ki-ir :Iriin. Māmārēy /keetay kir mpō ākoong'o nēē /kutookēy /kēēmwoochinii Iriin kōōnkēy, 5 āmu irēy :ng'ālyoontoo Iriin ākōō saayeet :kir aka tōkōl kutililiit.6 Nēē ng'uuti tuupchēēnichooch ng'aleechu, ku kee-ir pāyiisyoo Yēēsu *Kiriistō nkōō oor nyaa karaam. Itiirēē keey ng'ālyoon nyēpō man nyoo /kiikuuneetin nyoo ituupēy. 7 Itayee keey siiyēēn chēpō sālwoonti choo mānāmēy keey nkōō araa Iriin. Mārēy ineet keey itēpēē kilēē wōloo mārtooy :Iriin. 8 Nēē ineet ichuulaata pōōrtāng'uung', kuutoorētiin nkōō ng'wēny, ku nēē tēpēē nyuun kilēē wōloo mārtooy :Iriin, ku sāruun nkōō sopoon nyēpō ng'wēny ākōō nyēpō kōōrēē nyoo chōōnēy.
9 Pō man ng'ālyoontooni aku karaam kuuran :chiich aka tōkōl. 10 Kiikiilēēchaan keey kēē-irēy pāyit kwōng'uut ākēēnyārilsōōt kilē sikuuran piich ng'ālyoon nyēpō man. Kitiirēē keey Iriin nyoo sopoot nyoo inyeentee ku *Sāruuniin nyēpō piich tōkōl choo kiikutiirō keey inyeentee.
11 Maraat ikiil ng'aleechoochēē paani inēētiisyēy.
12 Kumeekany kureeng'in :piich āmu teemanang'. Inyēēn nyuun nyoo mārēy kuurōōtēēniin :piich tōkōl choo kiikuuran ng'ālyoontēē, wōloo ing'ālooltooy ākōō wōloo itēptooy, wōloo ichāmtooy piich, wōloo irāntooy Iriin, ākōō tiliilin nyoo iting'ēy. 13 Ipāyiisyēērēē pārooyin nyoo mii ku toomō a-itu, isōōmānchi piich ng'ālyoon, i-āmchinii akiinēētēy. 14 Kimeereeng' kaamuukaanoonēē kiikōōnin :Iriin kupunuunō kiyoo kiimwooru *ōōrkooyoontō aka paani kiikōnōōriin :kāāntōōy chēpō piich chēpō *Kiriistō ēēruunēkwaak. 15 Itē keey tukuuchoochēē akiikiilchi keey kilē siiny sikuurō :chiich aka tōkōl wōloo itāstooy taay. 16 Maraat iriip sopoontāng'uung' akiiriip ng'al choo inēētēy. Imurtoochi ng'aleechoochēē āmu nēē i-ir kilēē nyoonēē, inyōōruuy nkōō piich choo inēētēy *sopoon nyēpō ākōy.