Kāāntōōy chēpō kaaniisa
Tiitō 1:5-9
3
1 Pō man ng'ālyoontooni. Nēē mārēy :chiich kuuntōrōōrchi piich chēpō *Kiriistō, ku kaakulēwēnchi keey pāyit nyēpō koonyit. 2 Ku maraat nyuun, :kāāntōōyiintoonoonēē ku chiich nyoo māting'ēy lēēluut. Mārēy ku chiich nyēpō cheepyooso ākoong'o aku chiich nyaa chikanaat, nyoo nkēt kiyoo irēy, nyoo koonyitoot, nyoo tookēy too aku chiich nyoo muukēy kuunēētiisyō. 3 Mā maraat ku chiich nyoo lēē kipōōkityoon ntā ku kipriiriyoon. Maraat ku chiich nyoo tala amākwiintoochinii chiich, aku mā chiich nyoo chāmēy :rōōpiyō. 4 Maraat ku chiich nyoo nkēt kuriip katanyiin kukaraam. Mārēy kuuro kilē koonyitēy akutēērēy inyeentee :laakōōchiich. 5 Nēē mēēmuukēy :chiich kuriip katanyiin kukaraam, oo, kuumuukēy kuriip kilē nee kaaniisaa Iriin? 6 Mā maraat /kēēlēwēn chiich nyoo toomō kukiil nkōō ng'ālyoontoo Iriin kuuntōrōōrchi piich walak. Nēē /kilēwēn chiich nyoo lēē nyoonēē, kuumuukēy kulas keey, /Kēērwoochi nyuun kilēē wōloo kiikuurwoochiintō *Syeetaani. 7 Maraat kāāntōōyiintoonoonēē ku chiich nyoo koonyitoot nkōō wōloo mii :piich choo toomō kuuran Iriin simachuut ng'ērēpoo *Syeetaani /akeeng'alaala nkōō oor nyaa ra.Toorētiik
8 Maraat :toorētiipō piich chēpō *Kiriistō ku piich choo koonyitootēēn choo māsākēy ng'alyap, mā kipōōkitiis, ama piich choo chāmēy :rōōpiyō. 9 Mārēy kuukiilchi keey ng'ālyoon nyēpō man nyoo /kiikēēng'oong'wēēch aku-irēy kir nyoo nkēt kilē pō man. 10 Kutoomō /keekwar kilēku toorētiipō piipō *Kiriistō, kumārēy /keetyamta. Ku nēē /kaakeero kilē māting'ēy ng'ālyoon, /kēēchāmchi kilēku toorētiik.
11 Mārēy :mpō chēēpyōōsōōy choo lēē toorētiika ku piich choo koonyitootēēn, choo māmwoorootēy seemseem. Mārēy ku chēēpyōōsōōy choo chikānootēēn /ākēērānēy nkōō kir aka tōkōl.
12 Maraat toorētiik kuting'ēy cheepyooso ākoong'o aku chiich nyoo riipēy laakōōchiich ākōō katanyiin nkōō oor nyaa karaam. 13 Chiich aka tōkōl nyoo kaaku-ir nyaa karaam kuuloong'uuy keey nkōō wōloo mii ng'ālyoontoo Iriin akunyōōru koonyit akukiil nkōō man nyēpō Yēēsu *Kiriistō.
Man nyēpō Iriin
14 Kaasiruun ng'aleechu ākoopkootaa soonyeen nkōō moonyuun kilē lēēkit āchō wōloonēē, 15 si nēē koo ratan :ng'ala nkōō wōli, ku ānkēt wōloo maraat kutēptō :piich chēpō *Kiriistō. Pichoochēē ku choo kiikwar :Iriin nyoo sopoot kilēku kaaniiseenyiin. Pichoochēē ku kiptālēny aku tiiriir choo tiirēy man. 16 Ng'ālyoon nyēpō man kilē ōōw :kiyoo kiikung'oong'wēēch :Iriin ku nyi:
/Kiikunam inyeentee kilēē chiich aka tōkōl,
king'uutu :Toomirmiir nyoo Tiliil kilē pēērēy keey.
Kiiro *:malaykeen.
/Kiikyaamtaata inyeentee nkōō kōōrootin.
/Keeran inyeentee mu ng'wēny,
/ākēē-āp kuwō im wōloo mii :tōrōōrin.