Kiyoo irēy /kēēsāru chiich
3
1 Choo kituupchō, āpāypāyiituu nkōō Kiptaayaan. Moo-iimaa keey nēē ā-ōōchi keey ng'aleechu, āmu toorētook.2 Āriipēē keey ng'uurichoochēē, pichu irōōtēy ng'al chēpō rāyiityō, akutilootēy pōōrwēy chēpō piich, akimwoorēy kilē tōkōl /kēēmur chiich /tākēēsāru. 3 Achaan nyuun choo */kikēēmurēēch nyēpō man, āmu kikutunchinii Iriin nkōō kaamuukaa Toomirmiir. Mākutiirēē keey tukun choo ku-irēy kipaat aku kutiirēē keey Yēēsu *Kiriistō nyoo sārwēēch. 4 Āmuukaa mpō alas keey nkōō kiyoonēē lāsēē keey :pichoochēē walak. Nēē mii :chiich nyoo mwoorēy kilē tiirēē keey tukun choo irēy :piich kipaat, āting'aa ng'ālyoon nyoo siirēy choochēē. 5 /Kiikimuraa āting'ēy pērēētuus sisiit ākōō *Israayeeliin nyēpō kōpō Peenchaman, Ipurooniin koot. Kyooriipaa ng'ātuutēpō *Muusa kilēē *:Pārisooyiin, 6 akyookōrōōm kitya nyoo kyoo-usēy piipō *Kiriistō. Kyooriipēy ng'ātuutēchoochēē nyoo kiimoolēēlēy. 7 Wōloo nyuun tukuuchoochēē tōkōl kyoo-iitaa kilē kii kāroomō, ā-iitēy paanyēēnyi kilē kilēēn akipō kiyoo kiiku-irwaan *:Kiriistō. 8 Ng'ālyoon nyoo ōōw nyoo siirēy choochēē tōkōl ku ānkēt Yēēsu *Kiriistō Kiptaayaanteenyuun. Kyoomētō kir aka tōkōl akipō inyeentee. Aroo tukuuchu tōkōl kilēē sikē soonāmchi keey *Kiriistō, 9 ākēēlēku ākoong'o nkōō inyeentee. Moo-iitēy kilē akaraam nkōō taayuu Iriin, nēē ātuupēy ng'ātuutēpō *Muusa, aku akaraam āmu kyootiirō keey *Kiriistō takusārwoon. Iriin ākityōōn :nyoo irēy chiich kutililiit nēē tiirō keey inyeentee. 10 Kiyoo āmārēy kipaat ku āsōwu *Kiriistō ākōō kaamuuka nyoo /kiing'eeta inyeentee meerat. Āmārēy akarkeeyiit nkōō inyeentee nyoo /kiikiinyariil ākōy /keepar 11 si nēē ng'at /keeng'eeteenaan meerat kilēē Yēēsu.
Āwiisēy awaanta kiyoonēē kiilēwēnchoon :Yēēsu
12 Moomwoorēy kilē kyaawaanta ntā kyaa-it lēt, aku tookiilēy keey kilē a-ir kiyoonēē kiilēwēnchoon :Yēēsu *Kiriistō. 13 Choo kituupchō, moopkootēy kilē kyoonyōōru. Ā-irēy kir ākoong'o kipaat, āruutyēērō kir aka tōkōl nyoo mii lētuunyuun ākookiil keey ā-iti kiyoo mii taayuunyuun. 14 Nkanyi, āwiisēy awaanta soonyōōru mālāk nyoo kōōnoon :Iriin kupunuunō :Yēēsu *Kiriistō.
15 Mārēēchaan tōkōl choo kiikēēkiilyō kēēting'ēy kaapkootuut choo lēē choochēē. Ntā nēē āting'ēēkwaan :walak kaapkootuut choo makarkeey nkōō choochēē, kung'uutwook :Iriin. 16 Aku nyuun oo, akanya keetasa taay kēētēptēē lēpooyinoonēē kiikēēnyōōru.
17 Choo kituupchō, aroo kiyoo ā-iraa akaatuup, akaaneetee keey piich choo irēy kilēē aneen. 18 Kyoosip āmwoorwook kinyil chaa chaang' akutoomwoorwook āriirēy kilē chaang' :piich choo tāyēy kimurtooyoontoo *Kiriistō. 19 Pētsōōt :pichoochēē. Ntōrōōrchinii :mootinēēkwaak akulāsēy keey nkōō kir nyoo kātā-ātyēēchinii akuupkootēy tukun chēpō ng'wēny kipaat. 20 Wōloo nyuun kupoochaan kipsēnkwēt woli māng'ēy :Kiptaayaan Yēēsu *Kiriistō ākēēmii kēēkānyēy inyeentee kuchōōnō kipsēnkwēt kilēē Sāruuniintēēnyoon. 21 Pāyiisyēērēē kaamuukeenyiin nyoo pāyunēē kir aka tōkōl kuwal pōōrwēēyiichooch chu pō ng'wēny kukarkeeyiit nkōō pōōrtanyiin nyēpō tōrōōrin.