Amataakany kupaytaak :ng'ātuut
5
1 Kiikuutyaayteech *:Kiriistō, simaakupāytooyēēch :ng'ātuut. Kunyuun, aroo kilē kāātyookiisyō amataakany kuureer kupaytaak :ng'ātuut.2 Ātēērwoon ng'aleechuuch. Āmwoorwook :aneen Paawulō kilē nēē kaakany /kēēmurook kilē sikuchamaak :Iriin, kumēēlē toorētook kir mpō kiitēēn :meeraa *Kiriistō. 3 Akanya āmwoorwook kuureer kilē chiich aka tōkōl nyoo chāmtooy keey /kēēmur, ku maraat kuriip ng'ātuut tōkōl chēpō Yāwuutik. 4 Ku akwaan choo āmārēy kuchamaak :Iriin kilē ātiliilō āmu ātuupēy ng'ātuut chēpō Yāwuutik, ku kyoo-istoorēē keey wōloo mii *:Kiriistō. Kyaachuchuukee keey chamataa Iriin. 5 Āmwooraa kilēē nyoonēē, āmu kuting'ēēchaan man kupunuunō Toomirmiir nyoo Tiliil kilē kunyōōruuy kir aka tōkōl nyoo kiiyoomiis :Iriin piich choo tiirēē keey Yēēsu. 6 Nēē /kākumur chiich ntā nēē /mākumur, ku moomii ng'ālyoon nkōō wōloo mii :Yēēsu *Kiriistō. Kir nyoo maraat ku kutiirō keey :chiich Yēēsu akuting'ēy choomnyoot.
7 Kyoomiikwaan ātāsēy taay nyaa karaam. Ara ng'oo :nyi kiing'amaak ku maacham ng'ālyoon nyēpō man? 8 Māchōōnēē :ng'amwa nyoo lēē nyoonēē wōloo mii :Iriin nyoo kiikuurook ālēkuu laakōōchiich. 9 Irēy *:kimeera choo ng'ērin mayya chaa chaang' kukuutu. Kuumuukēy nyuun mpō :ng'ālyoon nyoo mining' kuwalaak tōkōl. 10 Ātiirēēyaa keey Kiptaayaan akipō akwaan kilē mooting'ēēkwaan kaapkootuut walak choo ng'ulēy. Ng'woonchinii chiich nyoo kēēpootook, mpō ntā ng'oo :chiichoonēē. 11 Tuupchēēnichuuch, ntā toomii aneen ānēētook kilē maraat /kēēmur chiich sikilēku chiich nyēpō Iriin, ntā /maakēē-usoon. Ntā kiilēē nyoonēē, ntā moomii :riiri nēē aneet :aneen akipō meeraa Yēēsu nkōō kimurtooyoon. 12 Āsoomaa kilē ntā til keey :pichoochēē mii kuu-iimook mētēwēy kilē ntā /kumurook.
Sopoon nyēpō Toomirmiir ākōō nyēpō ng'wēny
13 Tuupchēēnichuuch, /kiikēēlēwēnook /akeetyaaytaak nyoo maakupāytooyook :ng'ātuut. Kilēē paani /kiikeetyaaytaareenaak ng'ātuut, kumaa-ir nyuun kir aka tōkōl kilēē wōloo mārtooy pōōrwēyiikwook. Ātoorētēy keey nkōō choomnyoot. 14 Rumēy ng'ātuut tōkōl :ng'ātuutyoonoonēē mwoorēy kilē, “Icham piich walak kilēē wōloo ichāmtooy keey.”† 15 Akaaman maasur keey nyuun aku maa-am keey akutaan, āmu āmuukēy awaang' keey.
16 Āmwoorwook nyuun kilē āmāng'iisyēē kilēē wōloo mārtooy :Toomirmiir nyoo Tiliil simaa-ir tukun choo mārēy pōōrwēyiikwook. 17 Tukun choo mārēy :pōōrwēyiichooch kilē kee-ira, ku māmārwēēch :Toomirmiir nyoo Tiliil kilē ntā ku-ir. Ku tukun choo mārwēēch :Toomirmiir nyoo Tiliil kilē ntā ku-ir, ku māmārwēēch :pōōrwēyiichooch kee-ira. Mā-itinii keey :Toomirmiir nyoo Tiliil ākōō mākuut chēpō pōōrwēyiichooch. Moomuukēēkwaan nyuun a-ir kir nyoo āmārēy. 18 Ku nēē ntōrōōrwook :Toomirmiir nyoo Tiliil, ku maakupāytooyook :ng'ātuut.
19 Tookunoot :tukun choo irēy chiich nyoo pāyuuy makuut chēpō pōōr. Ng'aleechoochēē ku kusiir karwa murēnō ntā ku cheepyooso, sopoon nyoo mā tiliil, takalanat, 20 /kēēkutunchi kaanaamōōn, pan, keesas keey, pōlāt, ng'at koong', nārēēkyō, suuynoonti, pēēsyoot, 21 tuurinpō moo, pōōkitō, kimoo, nkōō walak choo karkeey nkōō choochēē. Lēyyē, akanya āmwoorwook kuureer kilēē paani kyoomwoorwook kilē chiich aka tōkōl nyoo tuupēy ng'aleechoochēē, ku mānyōōruuy kuchuut Kaa Iriin.
22 Ku nēē pāyu nyuun :Toomirmiiryēē nyoo Tiliil sopoonwēchooch, kēēnyōōru choomnyoot, pāypooyō, kaalya, kirintaar, riirataa keey, kāroomin, kaarana, 23 tāloosyō ākōō /kēēriip keey. Moomii :ng'ātuut aka tōkōl nyoo tāyēy tukun choo lēē chu. 24 Piich chēpō Yēēsu *Kiriistō ku kiikumētō mākuut chēpō pōōrwēyiikwaak nkōō tukun chaa raacheen choo mārēy :mootinēēkwaak. 25 Kilēē paani kiikukōōnēēch :Toomirmiir nyoo Tiliil sopoon nyoo rēēl, akanya kee-ira tukun choo mwoorwēēch Toomirmiiryoonoonēē kee-ira. 26 Kunyuun, amaakany keelasa keey, mākukwiintoochi piich amaakany kutuuriityēēch moo tukun chēpō piich.