Paawulō ākōō kāāyooytooyiik choo mā pō man
11
1 Asoomook amurta nēē atas :aneen taay ang'alaal kilēē sālwō. 2 Āriipook kilēē wōloo riiptooyook Iriin. Ālēēkwaan cheeroos nyoo kyoomārchaa saan aku saantaanoonēē ku *Kiriistō. 3 Aku āwārchinii kilē muukēē /kēēchuunyookwaan ataya areeng'woong' nyoo karaam nyoo kyoonāmchi keey *Kiriistō kilēē paani kiimēlmēēlēy :kipaang'wa Aawa. 4 Lēē yoo āchāmēēkwaan nēē chō :chiich aka wōloo āmii aku-āmwook akipō chiich aka nyoo makarkeey nkōō Yēēsu nyoo kyoomtoochaan, ntā mpō nēē amwook akipō toomirmiir aka nyoo ng'ulēy nkōō nyoo kyoonyōōru, ntā nēē āmwook lōkōōy walak choo makarkeey nkōō choo kyaaran. 5 Moopkootaa kilē amanang' kusiir akwaaneek choo toroorēy keey kilē *kāāyooytooyiik. 6 Moomuukēy akarkeeyiit nkōō ng'ālooliin nyoo /kikiineet wōloo /kung'ālooltooy, aku āting'ēy nyuun ng'ōrōōmnyō. Āpkootēy kilē kyaarookwaan ng'oroomnyoonoonēē āmu kikēēng'uutwook nkōō oortin chaa chaang'.7 Kyoo-āmwook lōkōōy choo kāroomēēn chēpō Iriin nyoo maraakaak kir. Kyoo-āp keey ng'wēny /sikēē-āpkook parak. Ara kyaa-iraa kir nyaa ra? 8 Kyaamar :aneen rōōpiyō chēpō kaaniiseen chēpō kōōrootin walak saamuuk ā-āmwook lōkōōy choo kāroomēēn. 9 Aku paani kiikumii nkōō akwaan, akurārwoon rōpiyō ku kiimootō chiich aka tōkōl nkōō akwaan nyikiisin āmu kikōōnān choo kutuupchō choo kiipkoonēē Makeetoonnya kiyoo kyoomārēy. Kyooriip keey kilē mookōōnook nyikiisin nkōō oor aka tōkōl ākootāsēy taay ā-irēy kilēē nyoonēē. 10 Kilēē paani miitēēnoon :man nyēpō *Kiriistō, ku moomārēy kukōōnān rōpiyō :chiich mpō ākoong'o nkōō kōōroo Akaaya. 11 Āmu nee saa-ir :aneen kilēē nyoonēē? Ara, āmu moochāmook? Nkēt :Iriin kilē āchāmook.
12 Ātāsēy taay ā-irēy :aneen kilēē nyōōnēē simanyōōru :pichu pārooyin nyoo tēēnēēnēēch keey. 13 Mā *kāāyooytooyiik :pichoochēē chēpō man. Ng'oolook :pichu, aku-irēy keey akwaaneek kilē *kāāyooytooyiipō *Kiriistō. 14 Mākwōng'uut ng'ālyoontoonoonēē āmu irēy keey mpō *Syeetaani kilēē *malayiika nyoo āpuuy lēpooyin. 15 Kunyuun, mā ng'ālyoon nyēpō kwōng'uut nēē ka-ir keey :piich choo pāyiisyēēchinii *Syeetaani kilēku choo irēy pāyit nyēpō man. Pēētii kunyōōruuy siitēēng'waang' pichoochēē kutuup keey nkōō wōloo lēē :ātēpuutēkwaak.
Nyāriluut choo kiinyōōru :Paawulō
16 Āmārēy nyuun alas keey kiitēēn. Moo-irēy kilēē nyoonēē soo-āpoon kilēē :chiich nyoolēē sālwō. Ntā nēē āpkootēy kilē aneen sālwō, ataakaan kilēē wōloo /kutooktooy sālwō. 17 Nēē āng'āloolēy ālāsēy keey kilēē nyi, ku moong'āloolēy kilēē wōloo kātāng'ālooltooy :Kiptaayaan, aku āng'āloolēy kilēē chiich nyoo lēē sālwō. 18 Kilēē paani lāsēy keey :piich chaa chaang' kilēē wōloo lāstooy keey :piich chēpō ng'wēny, akany alasaa keey mpō kilēē nyoonēē. 19 Kyaacham :akwaan nyuun choo āng'ōrōōmō kitya ātēērēy choo lēē sālwēy. 20 Āchāmēēkwaan āmurtoochinii pichoochēē irook ōōtwook, akusārēēnook tukuukwook, mēlmēēlook, aku āpēy keey parak ntā kumuulook mpō. 21 Muutyō āmu kiimākiting'ēy kaamuuka nyoo yāmēy kee-irwaak kilēē nyoonēē.
Nēē lāsēy keey :pichoochēē, akany alasaa keey, mpō ntā sālwoonti :nyoonēē. 22 Epuraanik :pichu? Aneen mpō nyoonēē. *Israayeelik :akwaaneek? Aneen mpō nyoonēē. Pō kōpō Apraam? Nku āpaaneen mpō. 23 Pāyiisyēēchinii :akwaaneek *Kiriistō? Nku ā-irchinaa mpō kusiir akwaaneek. (Āng'āloolēy kilēē chēēpkōōsoot.) Kyookiil keey nyēpō kwōng'uut. /Kiikeerataanwaan āsip chaa chaang', kēētwooroonwoon choo mēē-iitiisyēy, aku kyaachirila meerat kunyil akunyil. 24 Kiitwoorān :Yāwuutik kunyil muut sitiit choo lēē sosom nkōō sokool. 25 /Kiikeelapeenaan kaarya kunyil sōmōk /akeewiireenaan mpō pērēētuu aka korin. Kyoowēērō mēēliin choo kiiputiisyō nkōō araaray kwēēn āsip sōmōk. Ātēpō pērēētuu aka araaray kwēēn lang'a ākōō pērēēt. 26 Āmii oor pērēētuus tōkōl. Kyaachirila meerat mu ēēnwoon, chēēlōsōōs, piich chēpō kōōrēēnyuun ākōō mpō piich walak, mu kōōrootin, mu suur kwēēn, mu araaray, ākōō mpō piich choo kuurēē keey tuupchōōsyēk. 27 Kyoopāyiisyō ākiilēy keey āmoorwēēy pērēētuus walak. Kiiku-aman piri nkōō maral akyaarukuutaanu keey. Kiiku-aman yoomēt āmu kiimooting'ēy sirooy choo yāmēy.
28 Aku kitas keey nkōō choochēē tōkōl, ku ā-iimchinii keey kitya wōloo tāstooy taay :kaaniiseen nkōō wōltō tōkōl. 29 Nēē miitō :chiich nyaa tawarar, ku aneen tawarar kitya, aku nēē mētō :piich kaaraneeng'waang', ku paanta āmētooy mpō.
Ōōw :kaamuukaa Kiriistō mu chiich nyoo tawarar
30 Aku nēē āmārēy alas keey, ku ālāsēē keey tāwārāryēēnyuun. 31 Nkēt :Iriin nyoo loosuunoot ākōy, nyoo paapaa Kiptaayaan Yēēsu *Kiriistō kilē āmwooraa man. 32 Kiimii :chiich aka ng'wēnyuu pāytooyiin Areeta nyoo kiiryoontooy Tamaskaas. Kimwooru :chiichoonēē kilē /kēēriip koopooruu kōōroonoonēē /sikeenaman, 33 /kiikuuchuutan nyuun soompur /akēēkoortoorēēnoon koong' nyoo kiimii tēēnkō nyēpō kōōroonoonēē. Achirilaa nyuun ēēruunēchiich.