Karaam kuutoorētēy keey :piich chēpō Kiriistō
8
1 Kunyuun oo, tuupchēēnichuuch, kumārēēchaan āsōwuukwaan kilē tyaan :chamata nyoo kiinyōōru :kaaniiseen chēpō kōōroo Makeetoonnya. 2 Mpō ntā /kiikuutyam /keenyariil pichoochēē, ku kiipāypāyō. Mpō ntā kii mēēy :pichoochēē, ku kiireelacha :mootinēēkwaak sikuutētooy mpō rōōpiyō chaa chaang' kitya. 3 Koomwoorwook kilē kiipāsēy :pichoochēē rōōpiyō chaa chaang' choo tēēnō choo kiimuukēy akutāsi mpō walak. Kikōōnu :chiich kilēē wōloo kiichāmtooy inyeentee. 4 Kiisaarsaareech :akwaaneek /kēētēē pārooyin kuutoorēt piich chēpō *Kiriistō nkōō Chēērusālēēm. 5 Ki-ir :pichoochēē kir nyoo ōōw nyoo kiimākupkootiniichaan. Nkōō makaa Iriin, ku kiitē keey :pichoochēē Kiptaayaan kupōk akukōōnēēch keey lētuun. 6 Kusoomēy nyuun Tiitō nyoo kiisip kutoowu paswaani kuutoorētook awaantee pāyiisyōōni karaam pō chamat. 7 Akwaan mōkōrō chēpō tukun tōkōl: nēē kā kaarana, nēē kā /ku-āmtooy lōkōōy, nēē kā ng'ōrōōmnyō, nēē kā /kēētētō keey /kee-ir kir, ntā nēē kā choomnyoot. Karaam nyuun ākiilchi keey pāyiisyōōni /kuutoorētēē piich walak.8 Moomiiyaa āng'ātwook ng'ātuut. Āmāraa kipaat āsōwuu wōloo lēē :choomnyēēng'woong' nēē /kuukarkeeyiit nkōō nyēpō piikō walak. 9 Ānkēt :akwaan wōloo lēē :chamataa Kiptaayaantēēnyoon Yēēsu *Kiriistō. Mpō ntā kii mōkōryoon, kucham kilēku mēēywoon akipō akwaan soolēku mōkōrō kupunuunō mēēywoontiinyiin. 10 Wōloo ārōōtitooy ng'ālyoontooni ku kaykay awaantee pāyit nyoo kyootoowu kēnyiikoonyō, āmu kyoopō taay āpkootēy ātētō tukuuchoochēē akyoopō mpō taay a-ir kilēē nyoonēē. 11 Ātēē keey awaantee pāyiisyōōnoonēē kilēē paani kyootoowuuy, aku-ir :chiich kilēē wōloo muuktooy. 12 Nēē chāmēy :chiich kuutētō tukuuchiich, kuurōōtēy :Iriin kiyoo kēētētō kutuup keey nkōō kiyoo ting'ēy :chiichoonēē mēēlē kiyoo māting'ēy.
13 Makēēnyoon /kimākuu-iimaak /sikēētoorēt piich walak, wōloo kumārtoochaan ku kusopyō :piich tōkōl. 14 Āting'ēēkwaan paannyēēnyi tukun chaa chaang', ātoorētēē nyuun piich walak. Nēē mii pērēētuu nyoo ting'ēy :akwaaneek tukun chaa chaang', kuutoorētook mpō. Karkeey :piich tōkōl 15 kilēē paani /kikusir kilē: “Piich choo kiirum chaa chaang' ku mēēlē kiinyōōru choo kiisiirtō, ku choo kiirum choo ng'ērin ku mēēlē kiirārchi.”†
/Kēēyooytooy mpō Tiitō kupa Kōōriintō
16 Āmwoochinii Iriin kōōnkēy nyoo kiitē Tiitō moo nyoo lēē nyaanyaa akipō :akwaan. 17 Mēēlē kiicham kipaat :Tiitō kiyoo /kiikēēmwoochi, aku miitō kuchōōnēy wōloonēē āmiikwaan nkōō pāypooyō aku kacham :inyeentee ākityōōn. 18 Kumii kēēyookuuy kuchō nkōō tuupchēē aka nyoo loosuuy :kaaniiseen tōkōl akipō wōloo irtooy :inyeentee pāyiisyeenyiin nyēpō amtaarpō lōkōōy choo kāroomēēn. 19 Aku kitya ku kiikwar inyeentee :kaaniiseen kilē sikuwētootō ākōō achaan sikuriipēy tukun choo /kipāsēy. Ku-irēy pāyiisyōōni sikēēkoonyitō Kiptaayaan ākēēng'uutu moo nyoo kuting'ēy kēētoorētō piich. 20 Kaku-ir kilēē nyoonēē simakwiintaan :piich akipō wōloo kuriiptooy tukuuchu chaang' /kupāsēy. 21 Kiikiilchinii keey kee-ira kir nyēpō man amēēlē nkōō taayuu Kiptaayaan kipaat aku mpō nkōō taayuu piich.
22 Kumii kēēyookuuy tuupchēē aka kuchō nkōō mpō Tiitō. Kiikung'uutwēēch keey :tuupchoonoonēē nkōō oortin chaa chaang' kilē ting'ēē moo pāyiisyōōni aku aniinee kitya, āmu chēērēēnook keey :inyeentee kuyam. 23 Tiitō ku toorētiintēēnyuun ākēē-irēy :tōkōl pāyit nkōō wōloo āmii :akwaan. Aku mpō wēēchiichooch walak ku kiikwar :kaaniiseen aku piich akwaaneek choo koonyitēy *Kiriistō. 24 Kunyuun, āpāypāchii pichoochēē, tākuurō :kaaniiseen tōkōl choomnyēēng'woong' akusōwu kilē kiikuting'ēy man paani kiikusālook :kichaan.