7
1 Tuupchēēnichuuch, kilēē paani /kiikiiyoomiisēēch tukuuchu ku maraat kēētiliilō keey nkōō wōloo mii :kir aka tōkōl nyoo nyēērēē pōōr nkōō sopoon nyēpō chiich. Kēēkiilō keey kēēlēku piich choo tiliilēēn ākēēkoonyitēy Iriin.Choomnyoo Paawulō akipō piich chēpō Kōōriintō
2 Lēyyē, ātyookiisyēē akaachameech. Maaku-irchi chiich aka tōkōl kir nyaa ra amaakunyeeree ātēpuut chēpō chiich aka tōkōl amaakusaree chiich aka tōkōl kir. 3 Mēēlē āmwooraa ng'aleechu ārwookook. Kyoosip āmwoorwook kilē āchāmook kitya ākēēmii tōkōl nēē kāchōōnēy :sopoon ntā ku meerat. 4 Āsirwook parwaani nyoo mooting'ēy koowāriisyō ākoolāsēy keey akipō akwaan. Kacheeran ng'aleekwook choo /kaakēēmwoorwoon aku kōōnān apaypayiit mpō ntā kumii :nyaril.
5 Nēē mii paani kaki-itu Makeetoonnya, ku maakunyōōru kiimuny. /Kikiinyariileech nkōō oor aka tōkōl. /Kēē-usēēch, ākēēting'ēy kāāwāriisyō akipō akwaan. 6 Aku kiicheereech :Iriin nyoo chēērēy piich choo ting'ēy kāāwāriisyō paani kāwō kuchō :Tiitō. 7 Mēēlē kiikupāypāyiitu kipaat āmu kichō :Tiitō, aku kiikuchēēriisyō mpō āmu kyaacheer :akwaan inyeentee nkōō wōloonēē. Paani kāmwoorwoon :Tiitō kilē āmook :ēēmō kilē ntā kaarootaan, nkōō kāāwāriisyō nyoo kiinamaak akipō ng'aleechu kii-irisyō, akuureer kumwoorwoon kilē ārānēy ākoochāmēēkwaan ng'aleechu āmwoorwook, ānyōōru pāypooyō nyoo ōōw.
8 Mpō ntā ki-iraak :parweenyuun āmuyēē, ku mēē-iimoon kilē kyooyooku. Kyoopkootēy kilē kyaa-ir kir nyaa ra paani kyooyookuuy āmu kyoonkēt kilē ng'woonchinook nyoo matyaan. 9 Apaypay aniinee āmu kyooyookwook parwaanōōnēē. Mēēlē āmu kiing'woonchook, aku āmu kii-iraak āwāliisyēē. Kunyuun, /kiing'woonchook kilēē wōloo kiimārtooy :Iriin, ku maaku-ir :achaan nyuun kir nyoo ng'āmook. 10 Muukēy nyuun kupāyisyēērō :Iriin ng'woonin kuwal chiich, /ākēēsāruunō chiichoonēē ng'ōōki. Karaam :ng'woonin nyoo lēē nyoonēē. Aku ng'woonin nyoo mākōōnuuy walat ku-āpuuy meerat. 11 Aroo kee mpō kiyoo kiiku-āpkook :ng'woonintoni choonēē wōloo mii Iriin: Kiiku-iraak ātēē keey Iriin ākootililiitu. Kiiku-iraak ānārēēchii chiich nyoo kiiku-ir lēēluut ākoowāriisyō akipō kiyoo kiiku-ira. Kiiku-iraak ātēpi āmārēy kir nyēpō man ākoomārēy achuul ng'ālyoontooni, ākootō chiich nyoo kiikuleel siiteenyiin. Āmu kyaa-ir ng'aleechu tōkōl kāroomēēn, kung'uutuuy kilē kyootiliil keey. 12 Kunyuun oo, paani kyoosirwook, mēēlē kyoosirēy kipaat akipō chiichi kiiku-ir ng'al chaa raacheen ntā akipō nyoo /kiikēē-irchi ng'al chaa raacheen. Kyoosirēy kilē soosōwuukwaan nkōō taayuu Iriin kilē kyookōōnēēch keey kilē siiny. 13 Kiikucheereech :ng'alēēchoochēē tōkōl.
Kitas keey nkōō chēēruutēkwook, ku kiikupāypāyiitu keeroo kilē kyaapaypaay :akwaan Tiitō āmu kyaa-ir kukaalyan :mētinyiin. 14 Kyoomwoochi Tiitō wōloo ālāstooy keey akipō akwaan, amēēlē kyaanyaaltaan nyuun. Kulēē paani kii man :kir aka tōkōl nyoo kiikumwoorwook, kupō man wōloo ālāstooy keey akipō akwaan. 15 Chāmook :Tiitō nee pkaat kilē kyootēērchiikwaan tōkōl ng'alēēchoochēē akaataak inyeentee nkōō koonyit. 16 Apaypay :aneen kitya paannyēēnyi āmu ātiirēēnook keey kilē siiny.