/Kiikiiwaang' pāyuunāt nyēpō ng'ōōki
6
1 Ki-ir nee nyuun? Ara kitas taay sōō kee-ir ng'ōōki sikutāsu keey :chamataa :Iriin? 2 Acha sōō, mālēē nyoonēē mpō kiitēēn. Maakupāywēēch :ng'ōōki. Ara muukēē kilē nee nyuun keetas taay kee-ir ng'ōōki? 3 Moonkēt :akwaan sōō kilē paani /kikuupaatiisaneech kēēlēkuu kir ākoong'o nkōō Yēēsu *Kiriistō ku kiirook ātēpuutēchooch chēpō taay? 4 Kiima :Yēēsu, /kēētup /akeeng'eeta meerat nkōō kaamuuka nyēpō Paapa Iriin. Nkōō oor nyoo lēē nyoonēē, ku kiikēēmēērō /ākēētupēēch paani /kiikuupaatiisaneech sikēēnyōōru sopoon nyoo rēēl. 5 Āmu kii kēēlēku kir ākoong'o nkōō *Kiriistō nkōō meereenyiin paani /kikuupaatiisaneech, ku man kilē /kiing'ēētēēch nkōō inyeentee, kēēnyōōruu sopoon nyoo rēēl. 6 Kiinkēt kilē kiikēēmētoochi ātēpuut choochooch chēpō ng'ōōki kimurtooyoontoo *Kiriistō simaakuting'ēy :ng'ōōki kaamuuka aka tōkōl mu sopoontonyoon ku-ireech kēēlēku ōōtwook chēpō ng'ōōki. 7 Kii nēē kumēēro nkōō *Kiriistō, /keetyaataareeneech kaamuuka nyēpō ng'ōōki. 8 Āmu kiikumēērō nkōō *Kiriistō, kēērānēy nyuun kilē kusāpyootēēn kilēē paani sopoot :inyeentee. 9 Kiinkēt kilē /kiikuung'eeta *Kiriistō meerat, amaakumēērēy kuureer, kunyuun maakupāyuuy :meerat inyeentee. 10 Paani kiimēērēy *Kiriistō, ku kiima sikuuwaang' kaamuuka nyēpō ng'ōōki kilē chiim akumāng'iisyēy aniin kupāyiisyēēchinii Iriin. 11 Mārēy āsōwu ākwoonēēk kilē /kikeetyaaytaareenaak kaamuka nyēpō ng'ōōki. Ku maraat nyuun āpāyiisyēēchi Iriin kilēē paani pāyiisyēēchinii :Yēēsu. 12 Maakany nyuun kupaytaak :ng'ōōki sima-iraak a-ir tukun chēpō ng'ōōki. 13 Āmoochāmchi kamas aka tōkōl nyēpō pōōrwēyiikwook ku-ir ng'ōōki. Akanya kupāywook :Iriin āmu, /kiikēēsāruunēēnook meerat ānyōōru sopoon. Āpāyiisyēērēē pōōrwēyiikwook ku-ir tukun choo chāmēy :Iriin. 14 Māmārēy kutakupaytaak :ng'ōōki, āmu maakuriipook :ng'ātuut. Choomnyoot nyuun nyēpō Iriin nyi pāytooyook./Kiikuutyaaytaareenaak ng'ōōki akiikupaytaak :tiliilin
15 Ara nee nyuun? Kitas taay sōō kee-ir ng'ōōki, āmu chamat nyēpō Iriin nyi pāytooyēēch, maaku :ng'ātuut nyi riipēēch? Acha! 16 Inkēt sōō kilē nēē cham ilēku ōōtwookiintoo chiich, ku mārēy ituup kiyi mwoorēy :chiichoonēē? Nēē cham kupāyuun :ng'ōōki inyōōruuy meerat. Ku nēē cham ikoonyit Iriin, kuchāmiin :inyeentee. 17 Mpō ntā kiipāytooyook ng'ōōki, kēēmwoochinii Iriin kōōnkēy, āmu kyaacham nkōō moo ākoong'o kiyoo /kiikiineetaak. 18 /Kiikiityaaytaareenaak ng'ōōki aku kiikupāywook :man.
19 Āmiiyaa ā-āmēy pooryoot ārārwook tukuuchu āmu tookuskusō nkōō sopoon nyēpō araa *Kiriistō. Nkōō sopoon nyoong'woong' nyēpō taay, ku kyaakany kupaytaak :kaapkootuut chaa raacheen ākōō ng'al choo mātiliilō. Ku paannyēēnyi nyuun, kēēmārēy kupaytaak :ng'alēēpō man ākōō tiliilin.
20 Paani kiitākupāywook :ng'ōōki, ku kiimāpāywook :ng'alēēpō man. 21 Ara, kāroomin nee nyoo kiikōōnook :ng'aleechu kyaa-ir chu liilook paannyēēnyi? Āpuuy :ng'aleechoochēē meerat. 22 Kunyuun, paannyēēnyi āmu /kiikeetyaaytaareenaak ng'ōōki akaakupaytaak :Iriin, ānyōōruuy nyuun man, aku lēt ānyōōru *sopoon nyēpō ākōy. 23 Kunyuun, mālāk nyēpō :ng'ōōki ku meerat. Ku kōōnunō nyēpō :Iriin ku *sopoon nyēpō ākōy kupunuunō Yēēsu *Kiriistō Kiptaayaantēēnyoon.