Kiyoo kiimwa :Paawulō nkōō taayuu Akiriipa
26
1 Kumwoochi nyuun :Akiriipa Paawulō kilē, “Iting'ēy pārooyin ing'alaal akiituuk keey.” Kusut :Paawulō ēēruunyiin parak akimwa kilē, 2 “Pāytooyiin Akiriipa, āpkootēy kilē apaypay aniinee āryoong'ēē taayuung'uung' āmwoorēy ng'al choo āyēētēē keey akipō ng'al tōkōl choo mwoorēy :Yāwuutik akipō aneen. 3 Karaam mpō, āmu inkēt :inyēēn kukaraam ātēpuut tōkōl chēpō Yāwuutik nkōō mpō kiyoo kwiintoochinii :akwaaneek. Kunyuun oo, Akiriipa, āsoomiin kilē ikiring' akiitēērwoon kiyoo āmwoorēy.4 Nkēt :kāāntōōy chēpō Yāwuut wōloo kyootēptooy kung'eetee ku toochō mining' nkōō kōōrēēnyuun nkōō mpō nkōō Chēērusālēēm. 5 Kiikuunkētān nkōō pērēētuus chaa chaang' akuumuukēy mpō kumwooru, nēē chāmēy, kilē man kyoopō *Parisaay choo kārōōmēēn nkōō riipētoo ātēpuut. 6 Aku paannyēēnyi, āmii yēēnyi /kēērwookwoon nkōō kōōkwooni, āmu ārānēy nkōō moonyuun kiyoo kiiyoomiis :Iriin paapatiinēchooch. 7 Mii :kooriik tōkōl chu lēē taman nkōō ārēēny chēpō *Israayeel kupāyiisyēēchinii Iriin lang'a ākōō pērēēt akuurānēy nkōō moong'waang' kilē siltooy kilēē wōloo kiikuuyoomiistō :Iriin. Pāytooyiin Akiriipa, ng'ālyoontoonyēēnyi kuukēnēy nyi ka-ir :Yāwuutik kukuurtoochoon kōōkwō. 8 Kunyuun oo, ātēēpēy kilē āmu nee tāmoorānēēkwaan kilē ng'ēētēy :Iriin piich choo kiikumēērō?
9 Kyaacham :aneen kilē atyam oor aka tōkōl nyoo kiimuukēē anyariil piich choo kiituupēy araa Yēēsu nyēpō Naasareet. 10 Kyaanyariil :aneen piich chēpō Yēēsu nkōō Chēērusālēēm paani kikōōnān *:tisiik choo ēēchēēn kaamuuka. Kyaanam pichoochēē akaakany /keepa /keerat. Kii nēē /kicham /keekeet, ku kyaaneen ākoong'o nyoo kyoorānēy kilē /keekeet. 11 Kyoowēētootēy sinakōōkiin saayit aka tōkōl ānyāriilēy piich ākootyāmēy akar koong' kilē sikutay ng'alēēpō Yēēsu. Kyookōrōmiitu ākōy āwō mpō kōōrootin walak chēpō saang' ānyāriilootēy akwaaneek.
12 Nēē mii pērēētuu aka ku kyoomii āwēētii Tamaskaas ku kaakukōōnān *:tisiik choo ēēchēēn kaamuuka kilē anam pichu. 13 Kii nēē tēēnō saayit lo nyēpō pērēēt, ku toomii aree āwēētii Tamaskaas, aroo :lēpooyin nyoo kichōōnēē parak aku lēpō kusiir asiis. Kuulaampuusan :lēpooyinoonēē ākōō choorwayichuuch. 14 Kiikiiputyō tōkōl akaateer :aneen chiich kung'āloolwoon nkōō kuutii Yāwuut kilē, ‘Sāwulō, Sāwulō, kēēnyāriilchoon nee? Imiinyēēn ichuutēy mā nēē irēy kilēē nyoonēē.’ 15 Ateep :aneen kilē, ‘Inyēēn ng'oo, aa Kiptaayaan?’ Kuwālwoon kilē, ‘Aneen Yēēsu, nyoo imii inyāriilēy. 16 Ng'eeta nyuun paannyēēnyi akiiryoong'. Koong'uutuun keey soolēwēnin ilēku kipāyityoontēēnyuun akiimwaartaata kiyoo keeroo nkōō mpō kiyoo āwoong'uutuun. 17 Āsāruunēēniin piikuuk ākōō mpō piich choo mālēē Yāwuutik, chu āyooytēēn iwō wōloo mii akwaaneek 18 iweeyaat mētēwēyiikwaak akiikany kupkaana wōloo mii :tuurin akupka :lēpooyin, akupkaana wōloo pāytooy *:Syeetaani kupka wōloo mii :Iriin. Si nēē tiirēēnoon keey, /kēēnyōōchi kaat ng'ōōkiikwaak akunyōōru kumāng'iisyō ākōō piich walak choo /kiikēēlēwēn.’ ”
19 Kitas taay :Paawulō kumwa kilē, “Kunyuun oo, pāytooyiin Akiriipa, maatay :aneen aran ng'oong'uutyoonoonēē kiichōōnēē kipsēnkwēt. 20 Kyoo-āmchi kupōk piich choo kiimii Tamaskaas. Nēē ityō, āchōōn ā-āmchi chēpō Chēērusālēēm ākōō chēpō Chuuteeya tōkōl nkōō mpō walak choo kiimālēē Yāwuutik. Ā-āmchi pichoochēē kuwāliisyō nkōō ng'ōōkiikwaak akicham Iriin akung'uutuunō tukun choo kāroomēēn choo irēy kilē kiikuwāliisyō. 21 Ng'ālyoontoonoonēē nyoo kii-ir Yāwuutichu kunaman nkōō piriiruu *Kōpō Iriin akuutyam kuukeetan. 22 Wōloo nyuun kiiriipootoon :Iriin ākōy pērēētuunnyēēnyi toomwoochi chiich aka tōkōl ng'aleechu, piich choo mēnkēēchēēn ākōō choo ēēchēēn. Kiyoo āmii āmwoortooy ku nyi kiimwoorēy *:ōōrkooy ākōō *Muusa kilē irēē. 23 Kiilē nyarilēy *:Meesaaya aku inyeentee nyēpō taay /kēēng'ēētēē meerat sikung'uuti lēpooyin Yāwuutik ākōō piich choo mālēē Yāwuutik kilē muukēē /kēēsāru.”
24 Paani kamwa :Paawulō ng'aleechoochēē, kupōlchi :Pēēstō kilē, “Paawulō kiiwōōsēē! Kiiku-irin :soomanēēng'uung' nyoo ōōw iwōōsēē.” 25 Kuwālchi :Paawulō kilē, “Pēēstō, poontooni koonyitoot, māwōōsō mpō kiitēēn. Kiyoo āmii āmwoorēy ku ng'ālyoon nyēpō man akurootoot. 26 Nkēt mpō pāytooyiin Akiriipa ng'aleechoochēē. Ākoong'ālooluun nyoo mooting'ēy koowāriisyō. Ānkēt :aneen kilē moomii :kir mpō ākoong'o nkōō ng'aleechu nyoo mēēnkēt :inyēēn Akiriipa, āmu kiimaa-iriisyō :ng'aleechu nkōō wōloo kiiwung'aat.” 27 Kuteep :Paawulō Akiriipa kilē, “Pāytooyiin Akiriipa, irānēē ng'alēēpō *ōōrkooy? Ānkēt kilē irānēy.” 28 Kuwālchi :Akiriipa Paawulō kilē, “Mā lōōw iwalaan ālēku chiich nyēpō *Kiriistō.” 29 Kuwālchi :Paawulō kilē, “Nēē kā lēēkit ntā ku lōōw, ku āsooyēy Iriin kilē mālēku :inyēēn kupaat nyoo keewalee. Āsooyēy kilē kukarkayiit ākōō aneen :chiich aka tōkōl nyoo mii kutēēroon aniinee, kung'ētu ratwaani.”
30 Kiiryoong' :Akiriipa ākōō Pēēstō ākōō Paanis ākōō piich tōkōl choo kiitēpiisōōt ng'wēny nkōō akwaaneek. 31 Kipa saang', nēē mii ku-āmchinii keey lōkōōy, kilē, “Maa-ir :chiichi ng'al choo rookēē /keekeet, ntā /keerat mpō.” 32 Kumwoochi :Akiriipa Pēēstō kilē, “Ntā kāmoosoom :chiichi kilē /keekany kuwō taayuu *Kayisaari /kēērwoochi, ntā /kākiityooktooy.”