Kuwēētii :Paawulō Makeetoonnya ākōō Kirik
20
1 Kii nēē kaakuuwoonyō :riiriinoonēē, kuuyooytō :Paawulō /pākēēkuurchi tuupiik chēpō Yēēsu. Kii nēē kaakucheer tuupiichoochēē, kumwoochi saaysērē akuwēēchi keey Makeetoonnya. 2 Kimii paan kuwēētii Makeetoonnya kucheera piich ng'al chaa chaang'. Nēē mii lētuun, kuwō kōōroo Kirik.a 3 Kitēpō wōloonēē āroo sōmōk. Kii nēē mii :Paawulō kuchēpēy keey sikuwēērō mēēli ākōy Siirya, kusōwu kilē kiikiikuchēp keey :Yāwuutik sikupar inyeentee. Kuupkaat nyuun nkōō yoonēē kuwaraka araa Makeetoonnya. 4 Kuwō :Paawulō nkōō piich chaa chaang' ākōy Pilipi. Pichoochēē ku: Sopaatro wēēroo Piirō nyoo kiichōōnēē Peereeya, Aristaarkō ākōō Sēēkuuntō choo kiipkoonēē Teesaloonika, Kayaas nyēpō Tēērpē, Tiimōti, Tukiikō ākōō Turōōpiimō choo kiipō kōōroo Eesya. 5 Paani tākēēmiichaan Pilipi, kusip kuuntoroor :pichoochēē, akupa kukanyeech Turoowa. 6 Kii nēē woonyō :pērēētuus chēpō *Pasaka, keeng'eeta Pilipi akeepeeree mēēli. Ku kaakusiirtō pērēētuus choo lēē muut, kēētuuyō nkōō pichoochēē Turoowa ākēēpērēnēē wōloonēē pērēētuus tisap./Kēēng'ēētēē Ēwutuukō meerat mu Turoowa
7 Nēē mii pērēētuu nyēpō taay nyēpō wiiki,b kēētuuyō tōkōl ārii ākoong'o sikēē-āmiisyēē tōkōl. Kuuneet :Paawulō piich lōkōōy chēpō Iriin. Āmu kiimārēy :Paawulō sikuwō paani kayyeech kōōrēē, kitas taay kuunēētiisyō ākōy ooro kwēēn. 8 Kiimii :taayitiisyak chaa chaang' kulārsōōt nkōō koot nyēpō parak nyoo kiikutuusōōt. 9 Kiimii :murēnēē aka nyoo /kiikikuurēē Ēwutuukō nyoo kiimii kitēpēē tiriisya. Paani mii :Paawulō kutāsēy taay kuunēētiisyēy, kunam Ēwutuukō :rwoon nyoo nyikiis. Kii nēē nam :rwoon, kichintaara koot nyēpō sōmōk akuwiir ng'wēny kilē ‘tul.’ Kii nēē /kipakeenam, ku kiikima. 10 Kurēytō ng'wēny :Paawulō, kuupiti chiichoonēē, kukwaar akimwoochi piich kilē, “Amoomuyō, tākusopoot :chiichi.” 11 Kuwaraka :Paawulō koot nyēpō parak akupa kupuutil makatyaan aku-am. Kitas taay :Paawulō kung'āloolchi piich ākōy kuurir kōōrēē. Kii nēē yyeech kōōrēē, kuwēēchi keey. 12 Kuumut :piich muroonoonēē kuwō kaaw kusopoot. Kipāypāyiituuy :pichoochēē nyēpō kwōng'uut.
Kimwoochinii :Paawulō kāāntōōy chēpō Ēpēēsō saaysērē
13 Kiiwēērō :Paawulō keel ākōy Aasō yoo kiimwa kilē wō kunyōōrchinēēch sikulaang' mēēlii. Keentoroor :achaan keepeeree mēēlii ākōy Aasō. 14 Kii nēē nyōōrchēēch :Paawulō Aasō, kuloong'u mēēlii akeepa tōkōl ākōy Mituleen. 15 Kii nēē yyeech kōōrēē, kēēng'ēētyēērēē Mituleen akeepeeree mēēli ākōy Kiiyōōs. Nēē mii pērēētuu nyēpō ārēēny, kee-it Saamō. Paani kāwō kuyyeech kōōrēē, kee-it wōloo /kiikikuurēē Milēētō. 16 Kiikiikutil :Paawulō kuwō kusiirtō Ēpēēsō simēēpoot pērēētuus chaa chaang' kumii Eesya. Kiitil kilēē nyoonēē āmu kiimii kichooytooy ku-it Chēērusālēēm nēē muukēē nkōō pērēētuu *Pēēntēkōōsti.
17 Kii nēē it Milēētō, kuuyooytō :Paawulō /pākēēkuurchi kāāntōōyipō kaaniisa chēpō Ēpēēsō. 18 Kii nēē itu :kāāntōōyichoochēē, kumwoochi kilē, “Ānkēt :akwaan wōloo kyaamang'taa nkōō akwaan kung'eetee pērēētuuni pō taay ā-ituuy Eesya. 19 Kyoo-irchi Kiptaayaan pāyiisyeenyiin āmii ā-āpēy keey ng'wēny ākooriirēy nkōō akwaan ākoomurtooy nyāriluut choo kii-irwoon :Yāwuutik. 20 Ānkēt :akwaan kilē maawung'eenaak kir aka tōkōl nyoo toorētook āmii :tōkōl ārii ākoong'o ntā ku nkōō kooriikwook. 21 Kyooriirchi Yāwuutik ākōō Kirikik kilē kaykay kuwāliisyō nkōō ng'ōōkiikwaak nkōō taayuu Iriin akuuran Kiptaayaantēēnyoon Yēēsu.
22 Nkōō paannyēēnyi, ku kaaku-iran :Toomirmiir nyoo Tiliil āwō Chēērusālēēm aku moonkēt kiyoo irēē paani kaa-it wōliinēē. 23 Ānkēt :aneen kupaat kilē nkōō kōōr aka tōkōl ku mwoorwoon :Toomirmiir nyoo Tiliil kilē mii kukānyoonwoon :korkoreet ākōō nyaril. 24 Aku nyuun oo, pō puch sopoontanyuun nkōō aneen, ākōy kuti awaang' pāyiisyōōni kiikukōōnān :Kiptaayaan Yēēsu. Pāyiisyōōni ku amwaarta lōkōōy choo kāroomēēn chēpō chamataa Iriin.”
25 Kitas taay :Paawulō kumwoochi kilē, “Ānkēt :aneen mpō paannyēēnyi kilē moomii :chiich nkōō akwaan tōkōl chu kyoowēētootēy ā-āmchinii lōkōōy chēpō pāyuunātoo Kaa Iriin nyoo tākuurootoon kuureer. 26 Kunyuun oo, āmwoorwook pērēētuuni kilē māriirtoorēēnoon keey :chiich aka tōkōl nēē poot sopoontānyiin. 27 Āmwoorēy kilēē nyoonēē, tāmēēlē :chiich kyoomuung' :aneen mpō pērēētuu ākoong'o kumoomwoorwook tukun tōkōl choo mārēy :Iriin a-ir. 28 Āriip keey ākooriip mpō piich tōkōl choo kiikucham Iriin āmu kiikulēwēnook :Toomirmiir nyoo Tiliil āriip pichoochēē. Akwaan choo āriipēy kaaniisaa Iriin nyoo kiiwala kērētiipō wēēriinyiin. 29 Ānkēt :aneen kilē nēē koowēēchi keey, kupkoonēy :suuy wōloo āmiikwaan amēētuukēy kēēchiirēk. 30 Mpō nkōō kwēēnuung'woong', ku mii :piich walak choo pkoonēy akung'uurnaan sikuuchuut choo kiikuuran Yēēsu *Kiriistō kutuup akwaaneek. 31 Āriip keey nyuun piich choo lēē choochēē. Mārēy mpō āpkootēy kilē kyaatas :aneen taay nkōō kēnyiis sōmōk choo kaakusiirtō āchēērēy ākooriirchinii chiich aka tōkōl pērēēt ākōō lang'a.
32 Kunyuun oo, koomētyook ēēruunēpō Iriin ākōō ng'ālyoonteenyiin nyēpō choomnyoot sikuriipook. Tēēkook :ng'ālyoontoonoonēē akukōōnook pēēruur nyēpō Iriin āmu akwaan laakōōchiich. 33 Kiimaamārchaa keey rōōpiyoontoo chiich ntā ku siraa chiich aka tōkōl. 34 Ānkēt :akwaan man kilē kyoopāyiisyēērēē ēēruunēchuuch si nēē ng'at ānyōōru kir aka tōkōl nyoo kyoomārēy nkōō mpō tukun choo kiimārēy :choorweeyichuuch. 35 Kyoong'uutwook nkōō tukun tōkōl choo kyoo-irēy kilē nēē ākiil :akwaan keey kilēē paani kyookiil :aneen keey, ku kaykay kēēsāruu :piich choo mēēmuukēy keey, kēēpkootēy ng'alēēpō Kiptaayaan Yēēsu choo kiimwoorēy kilē, ‘Pēēruuroot chiich nyoo tētooy kusiir nyoo /kuutēnii.’ ”
36 Kii nēē waang' :Paawulō kumwoorēy ng'aleechoochēē, kukutung' nkōō pichoochēē tōkōl akusa. 37 Kuriiryō :akwaaneek tōkōl kilēēchinii Paawulō saaysērē. 38 Kiyoo kiing'woonchi pichoochēē kusiir kir aka tōkōl ku paani kiimwa :Paawulō kilē mākuurōōsēy :akwaaneek Paawulō pērēētuu aka. Kuuyoomiistō :pichoochēē Paawulō kuwō kuloong'ēy mēēli.