Kisooyēy :Yēēsu
17
1 Kii nēē kaakuuwaang' :Yēēsu kumwa ng'aleechoochēē, kuuro kipsēnkwēt akimwa kilē,“Paapa kaaku-itu saayitiinyuun. Itōrōōroon sootōrōōrin. 2 Inyēēn nyi kiikōōnoon kaamuuka nkōō wōloo mii :piich tōkōl sootē piich choo kiikōōnoon *sopoon nyēpō ākōy. 3 Sāpoon nyēpō ākōy nyuun ku nyi: kisōwuun :piich inyēēn Iriin nyoo ipō man, akusōwoon aneen Yēēsu *Meesaaya nyoo kiiyookwoon. 4 Kyoong'uuti piich kilē i-ōōw :inyēēn nkōō pāyiisyōōni kaawaang' nyoo kiiyookwoon a-ir. 5 Paapa, kanyaan āchō pākēētēpii :tōkōl kēēting'ēy tōrōōrin kilēē kēny kutoomō /kee-ir ng'wēny.
6 Kyoong'uuti pichu kiikōōnoon kilē inyēēn ng'oo. Chookuuk :pichoochēē ākiikōōnoon. Akuukoonyitēy :pichoochēē ng'ālyoontēēng'uung'. 7 Nkēt mpō paannyēēnyi kilē kir aka tōkōl nyoo kyaa-ir ku kiichōōnēē wōli imii. 8 Kyoo-āmchi pichoochēē lōkōōy choo kiimwoorwoon akiikutaak lōkōōyichoochēē. Nkēt :pichoochēē kilē āchōōnēē man wōli imii akuurānēy kilē inyēēn nyi kiiyookwoon.
9 Āsoochinaa piich choo kiikōōnoon āmu chookuuk :pichoochēē, moosoochinaa piich chēpō ng'wēny. 10 Piichuuch tōkōl ku chookuuk, aku piikuuk tōkōl ku chaachuuch. Ātōrōōroot akipō pichoochēē. 11 Maatēpooyaa ng'wēny aku tākumii :pichoochēē. Āmāraa āchō wōloonēē imii. Paapa nyoo tiliil! Iriip pichoochēē nkōō kaamuukēēng'uung' nyoo kiikōōnoon, sikulēku :pichoochēē kir ākoong'o kilēē paani inyēēn kir ākoong'o ākōō aneen. 12 Paani kiitoomii nkōō pichoochēē, ku kyooriip nkōō kaamuukēēng'uung' ku ma-am :kir. Kyooriip :aneen nyoo moomii mpō :ākoong'o nyoo kiipēt, king'atu kipaat :nyoo kiiwō kupēt kilēē paani mwoorēy :siruut. 13 Paapa, āmii āchōōnēy wōli imii. Ākoomwooraa ng'aleechu nkōō ng'wēny kutoomii sikunyōōru :pichoochēē pāypooyō kuyam akwaaneek tōkōl. 14 Kyoo-āmchi pichoochēē ng'ālyoontēēng'uung'. Kisas :piich chēpō ng'wēny pichoochēē āmu mā pō :pichoochēē ng'wēny, kilēē paani moopaa ng'wēny. 15 Moosoomiin kilē i-āpō pichoochēē ng'wēny. Āsoomiin kilē iriipēē pichoochēē :Kipng'ōōkiyoon. 16 Māpō :pichoochēē ng'wēny kilēē paani moopaa ng'wēny. 17 Itiliil pichoochēē kilēku piich chēpō man. Ng'ālyoontēēng'uung' kupō man. 18 Kulēē paani kiiyookwoon āchō ng'wēny, ku āyooytooy pichoochēē kipa ku-ir pāyiisyēēng'uung' nkōō ng'wēny. 19 Kaatapaan keey ātētō sopoontanyuun akipō akwaaneek sikuutāpooniisyō akwaaneek nkōō man.
20 Moosoochinii kiineetanik ākityōōn, āsoochinii mpō piich choo rānoon āmu ka-ir lōkōōyichu mwoochinii kiineetanik kuuranan. 21 Paapa, āsooyēy kilē kilēku :pichoochēē tōkōl kir ākoong'o kilēē paani aneen kir ākoong'o nkōō inyēēn. Āsooyēy mpō kilē kilēku :pichoochēē kir ākoong'o nkōō achaan sikuuran :piich tōkōl kilē kiiyookwoon. 22 Kyootē pichoochēē lēpooyin nyoo kiikōōnoon sikulēku :akwaaneek kir ākoong'o, kilēē paani aneen kir ākoong'o nkōō inyēēn 23 ālēku :aneen kir ākoong'o nkōō akwaaneek ākiilēkuunyēēn kir ākoong'o nkōō aneen. Āsooyaa kēēlēkuu tōkōl kir ākoong'o, sikusōwu :piich tōkōl kilē kiiyookwoon ākiichāmēy akwaaneek kilēē paani kiichamaan.
24 Paapa! Kiikōōnoon pichoochēē, ākoomārēy pichoochēē kupka wōli āmii sikuurō tōrōōrin nyoo kiikōōnoon āmu kiichamaan kutoomō /kee-ir ng'wēny. 25 Paapa nyēpō man! Mēēnkētin :ng'wēnyu, aneen nyi ānkētiin, akuunkēt :pichu kilē :inyēēn nyi kiiyookwoon. 26 Kyaa-ir :aneen pichu kusōwuun, ākootāsēy taay ā-irēy kilēē nyoonēē sikunam :pichu choomnyoot nyoo iting'ēēnoon ākoolēku kir ākoong'o nkōō pichu.”