Kipāyēy :Yēēsu piich ēlup ang'wan
8
1 Kiimii pērēētuu aka nyoo kiireer kuurumchi keey :piich chaa chaang' Yēēsu, aku kiimoomii :kiyoo tāku-āmēy. Kukuur :Yēēsu kiineetanichiich akilēēchi, 2 “Man kaariiree pichu. Kaakēētēpi nkōō akwaaneek pērēētuus sōmōk āmoomii :kir nyoo ka-am. 3 Pkoonēē :pichu walak wōloo lōōw. Nēē āmwoochi kupēēchi keey kaaw ku-āmēy :piri kuumuukēy kumistō nkōō aree.” 4 Kumwa :kiineetanichiich kilē, “Kōōrooni ku suur kwēēn. /Kunyōōrchinii ānō āmiisyō nyoo yāmēy piich choo tēēnō chu tōkōl?” 5 Kuteepee :Yēēsu kiineetanichiich kilē, “Āting'ēy makatiin ata?” Kuwālchi kilē, “Kiting'ēy choo lēē tisap.” 6 Kumwoochi :Yēēsu kiineetanichiich kumwoochi piich kutēpi ng'wēny. Kunam makatiinachoochēē lēē tisap akumwoochi Iriin kōōnkēy. Kupuutil akuutē kiineetanik kuchārchinootō piich. 7 Kiiting'ēy mpō :kiineetanik kaaraak choo ng'ērin choo mēnkēēchēēn. Kunam :Yēēsu kaaraakik, kumwoochi Iriin kōōnkēy akuutē kiineetanichiich kicharta. 8 Kyoomiisyō :piich kupiryoonchō. Kuurum :kiineetanik kiituukaan kuunyiriit kitaseen tisap. 9 Kii-itēy piichoochēē kiimii yoonēē ēlup ang'wan. 10 Kumwoochi nyuun :Yēēsu piich kupēēchi keey akuulaang' :inyeentee mēēli ākōō kiineetanichiich akupa ākōy kōōroo Talmanuuta.Kitāyēy :Parisaay kuuran Yēēsu
11 Kiipkoonchi *:Parisaay Yēēsu choo kiimārēy kuutyam inyeentee. Kilēēchi ku-ir ng'ālyoon nyoo ng'uutuuy kilē ting'ēy :Yēēsu kaamuuka nyoo chōōnēē wōloo mii :Iriin. 12 Kiinyita :Yēēsu akilē, “Āmu nee sikumārēy :piich walak ng'ālyoon nyēpō kwōng'uut? Koomwoorwook man kilē, moomii :kir nyoo ng'uutinii :Iriin piich choo lēē chu.” 13 Kumētō :Yēēsu pichoochēē akulaang' mēēlii nkōō kiineetanichiich akutilta araaray kuureer kamasta aka.
Kikirēy :Yēēsu kiineetanichiich akipō Parisaay ākōō Ērōōtē
14 Kiiruutyēērō :kiineetanik ku-āp makatiin nkōō wōloo kipkoonēē. Kiiting'ēy makatyaan ākoong'o kipaat nkōō mēēlii. 15 Kumwoochi :Yēēsu kiineetanichiich kilē, “Āriip keey, sōō *kimeereepō *Parisaay ākōō chēpō *Ērōōtē.” 16 Kung'alaala :kiineetanichoochēē ng'aleechoochēē akumwoochi keey kilē, “Kamwa kilēē nyoonēē āmu mākiting'ēy makatiin.” 17 Āmu kiinkēt :Yēēsu kiyoo king'āloolēē :kiineetanichiich, kuteepa kilē, “Āmu nee soong'āloolēy kilē mooting'ēy makatiin? Moosōwu ng'aleechu? Tōkōōlō :mētēwēyiikwook? 18 Āting'ēy koonyin āmoosōwuuy? Āting'ēy iitin, āmootēērēē? Moopkootēy :akwaan mpō? 19 Paani kyoopuutulēy makatiin muut /sikeepayee piich choo lēē ēlup muut oo, kyaarum :akwaan kitaseen choo lēē ata choo kiing'ētu?” Kilē :kiineetanik, “Kitaseen choo lēē taman nkōō ārēēny.” 20 Kuteepee :Yēēsu kuureer kilē, “Ki paani kyoopuutulēy makatiin tisap /sikeepayee piich choo lēē ēlup ang'wan oo, kyaarum :akwaan kitaseen choo lēē ata choo kiing'ētu?” Kilē :kiineetanik, “Kitaseen choo lēē tisap.” 21 Kumwoochi :Yēēsu kiineetanichiich kilē, “Toomō āsōwu mpō ng'aleechoochēē?”
Kuusoopēy :Yēēsu kipkoroot mu Peetsaayta
22 Nēē mii pērēētuu aka, ku-it :Yēēsu ākōō kiineetanichiich Peetsaayta. Nkōō yoonēē, kuumuti :piich walak Yēēsu chiich aka nyoo kii koroot. Kisoom :pichoochēē Yēēsu kilē kutiing'ēē ēēruunyiin chiichoonēē sikusop. 23 Kunam :Yēēsu ēēruu chiichoonēē kii koroot akuurēētō kuwō wōloo kimālēēkitēē :chiich. Nēē it, kung'uti koonyiipō chiichoonēē akutiing'ēē ēēruunēchiich akuteepee kilē, “Irōōtēy kir aka tōkōl?” 24 Kitoowu :chiichoonēē kimararta akilē, “Ārōōtēy piich aku lēē keet choo pēētootēy.” 25 Kuureer kutiing'ēē :Yēēsu ēēruunēchiich koonyiipō chiichoonēē. Kusopyō akimararta kukaraam. 26 Kumwoochi :Yēēsu chiichoonēē kilē, “Wiyō kaaw ameeweemwaartaata kiyoo kaa-iruun.”
King'oong'chinii :Iriin Pēētērō kilē :Yēēsu ku Meesaaya
27 Nēē mii pērēētuu aka, kuwō :Yēēsu ākōō kiineetanichiich kōōrootin choo mii Kayisareeya Pilipi. Kumii aree kupēētii, kuteepee :Yēēsu kiineetanichiich kilē, “Mwoorēy :piich kilē aneen :ng'oo?” 28 Kuwālchi :kiineetanichiich kilē, “Mwoorēy :piich walak kilē inyēēn Koopootiisāniin Chowaana, kumwoorēy :walak kilē inyēēn *Eliicha, kumwoorēy walak kilē inyēēn ākoong'o nyēpō *ōōrkooyiipō Iriin.” 29 Kuureer kuteepa :Yēēsu kiineetanichiich kilē, “Aa akwaan, āmwoorēy kilē aneen ng'oo?” Kuwālchi Pēētērō kilē, “Inyēēn *Meesaaya.” 30 Kikir :Yēēsu kiineetanichiich mamwaarta kilē *Meesaaya inyeentee.
King'āloolēē :Yēēsu meereenyiin ākōō ng'ēētyēēnyiin
31 Kutoowu kuuneet :Yēēsu kiineetanichiich kilē nyōōruuy *:Wēēroo Chiich nyāriluut chaa chaang', akutāyēy :kāāntōōy, *tisiik choo ēēchēēn ākōō koonēēt chēpō ng'ātuut. /Kupārēy aku nēē mii pērēētuu nyēpō sōmōk kung'eetee meerat. 32 Kumwoochi :Yēēsu akwaaneek ng'aleechoochēē nyoo maawung'ee. Kii nēē teer Pēētērō ng'aleechoochēē, kuumut tapan Yēēsu akukar koong' nkōō ng'aleechoochēē kāmwoorēy. 33 Kuwarak keey :Yēēsu akuuro kiineetanik, akukar koong' Pēētērō kilē, “Istoorēēnoon keey *:Syeetaani! Ipkootēy kilēē wōloo pkootitooy :piich mā wōloo pkootitooy :Iriin.”
Nyōōruuy :chiich nyoo tuupēy Kiriistō nyaril
34 Nkōō yoonēē, kukuur :Yēēsu piich choo kiimii yoonēē ākōō kiineetanichiich, akumwoochi kilē, “Chiich aka tōkōl nyoo mārēy kutuup ng'aleechuuch, kutay keey, akicham /keenyariil akipō aneen,a akuchō kutuupkaan. 35 Chiich aka tōkōl nyoo mārēy kusāru sopoontanyiin, kuupootēy, ku nyoo kēētētō sopoontanyiin akipō aneen ākōō lōkōōy choo kāroomēēn, kusāruuy. 36 Kāroomin nee nyoo nyōōruuy :chiich nēē rumchi keey tukun tōkōl nkōō ng'wēny, akuupoot sopoontanyiin nyēpō ākōy? 37 Ntā nee nyoo muukēy kuwala :chiich sopoontanyiin? 38 Chiich aka tōkōl nyoo māmārēy kumwaartaareenaan keey akutay ng'aleechuuch mu kōōrooni pō ng'ōōki nyoo tāyēy :piich Iriin, ātāyēy :mpō *Wēēroo Chiich, pērēētuuni āchōōnēy ākōō *malaykeen choo tiliilēēn nkōō lēpooyin nyēpō Apoonyuun.”