Ŋa wi yɛn wunlunaŋa
110
1 Davidi Yɛnŋɛlɛ gbɔgɔyurugo.Yawe Yɛnŋɛlɛ lìgi yo maga ŋgban na tafɔ wi ni, ma yo fɔ:
«Cɛn wa na kalige kɛɛ ki na
fɔ mbe sɔɔn mbɛnfɛnnɛ pe ŋgbanga, mbe pe pye ma tɔɔrɔ ti tɛgɛsaga†.»
2 Yawe Yɛnŋɛlɛ li yaa ti ma wunluwɔ fanŋga ki lɛ le Siyɔn* ca ki na, mbe kari fɔ lege;
ma yaa cɛn ma juguye mbele pɔ̀ɔn maga pe go na.
3 Pilige ŋga ni ma kaa ma maliŋgbɔɔnlɔ pe gbogolo,
ma woolo pe yaa pan kotogo ni, mbe pinlɛ ma ni.
Wa yanwira kpoyi* ti na, ma lefɔnmbɔlɔ pe yɛn na paan ma kɔrɔgɔ,
paa pinliwɛ yɔn fɔɔngɔ yɛn.
4 Yawe Yɛnŋɛlɛ lì wugu ki na, li se yɔn sɔngɔrɔ naa fyew, ma yo fɔ:
«Ma yɛn saraga wɔfɔ* fɔ sanga pyew,
paa yɛgɛ ŋga na Mɛlikisedɛki* wìla pye†.»
5 Yawe Yɛnŋɛlɛ li yɛn wa ma kalige kɛɛ ki na nɔɔ sari,
li yaa wunlumbolo pele tɔngɔlɔ li naŋgbanwa pilige ki na.
6 Li yɛn na kiti kɔɔn cɛngɛlɛ sanŋgala ke na, gboolo pè wo pe yɛɛ na lagapyew.
Li yɛn na teele mbele pe yɛn laga tara ti lagapyew ki ni pe tɔngɔlɔ.
7 Mbe wunlunaŋa wi ta wa konɔ, wi yaa wɔ wa lafogo ki ni,
kona wi yɔlɔgɔ ki yaa pye wi na caw.