Cɛngɛlɛ ke ni fuun kaa Yɛnŋɛlɛ
67
1 Yurukɔɔlɔ to wi sɛwɛ yurugo, ŋga pe maa koo na ŋgɔni gbɔɔn. Yɛnŋɛlɛ gbɔgɔyurugo. Yurugo.2 Yɛnŋɛlɛ sa we yinriwɛ ta, li duwaw we na!
Laa we wele kajɛŋgɛ ni! Wɔnmatigiwɛn laga.
3 Jaŋgo laga tara na, leele pɔɔn kapyege ki jɛn,
cɛngɛlɛ ke ni fuun kege jɛn fɔ mboro ma yɛn shɔfɔ we!
4 E, Yɛnŋɛlɛ, ki yaga cɛngɛlɛ kaa ma sɔnni!
Ki yaga cɛngɛlɛ ke ni fuun kaa ma sɔnni!
5 Tara woolo paa yɔgɔri paa nayinmɛ yuuro koo;
katugu ma maa kiti wi kɔɔn cɛngɛlɛ ke na kasinŋge ni.
Ma maa tara woolo pe yɛgɛ sinni laga tara na. Wɔnmatigiwɛn laga.
6 E, Yɛnŋɛlɛ, ki yaga cɛngɛlɛ kaa ma sɔnni!
Ki yaga cɛngɛlɛ ke ni fuun kaa ma sɔnni!
7 Tara na yarilire ti maa yɔngɔ.
Yɛnŋɛlɛ, we Yɛnŋɛlɛ, ma maa duwaw we na.
8 Ee, Yɛnŋɛlɛ sa duwaw we na!
Leele pe ni fuun paa fyɛ li yɛgɛ fɔ sa gbɔn wa dunruya wi kɔsaga ki na!