मत्ती 28

माइसाचाकाको न्हुसो,आथारको लाङ दिना झेङ्का पहरता मरियम मग्दालिनि क़ालाउ भेनेङ मरियम तोम खाङ्लि लोहि | 2 बारका भुइचान हानेहि,हाइपालिपानु परमप्रभुको ए:मि दुत स्वर्ग सो लेता खुहि,कालाउ लोतेङ उन्थुइ ला:पातेङ इङको सो पोमहि | 3 वाको र्-हाइ बिजुलिभाइपा कालाउ लगाइका धाबा हिउ भाइका जेका कालाउ जाहाका हिघाहि | 4 वासेहेङ थितेङ इङ्को र्-हुमको केलाइ लुकुइकुपा फिरहि,कालाउ सिनाङ भाइ हि | 5 कालाउ स्वर्गदुत इङ्को बेबालाइहेङ दोअ्हि,''नेलाइ माथिसु,हाइपालि पानु कासेहेङ थाहा हि,नेलाइ क्रुसता ताराइन्हाका येसु:हेङ भोसुखेना | 6 वा इता मान्ठु,हाइ पानु वाको दोकाबमोजिम वा सिन्हुतेङ ल्होका हि | मा:सानु लसु वासेङ ता:का थामे खाङ्सु | 7 एला मार्फा हानेतेङ वाको चात्यागेलाइहेङ बानाल पिसु,हाइपानु वा सिकासो सिन्हुतेङ ल्होका हि |'' 8 कालाउ इम्बालाइ वा इता मान्ठु,हाइ पानु वाको दोकाबमोजिम वा सिन्हुतेङ ल्होका हि | मा:सानु लसु वासेङ ता:का थामे खाङ्सु |थितेङ कालाउ रामाइतेङ तोमको थामेसो उल्हेतेङ हानाहि,कालाउ वाको चात्यागेलाइहेङ इनताको घातानाको बारेता तिङ्तेङ बानाल पिलि धापुहि | 9 ओदोङ्घुरि इङ्को बेबालाइ येसु:को चत्यागेलाइहेङ दोअ्पीलि धाअ्काताङ्पालाउ, येसु: इम्बालाको् आगाता जाअ्तेङ हिघाहि| भेटेतेङ दोअ्हि,''सान्ति''बेबालाइ येसु:को भेरपालोतेङ वाको खोकोइ चा:तेङ आराधना पाहि | 10 कालाउ येसु:इम्बालाइहेङ दोअ्हि,''मा थिसु,हानेतेङ काङ्को ओनेगेलाइहेङ गालिलता हानिलि दोपिसु,कालाउ इन्ता ओबालाइ कासेङ तिनावा | 11 एन्सालाउ इङ्को बेबालाइ दामाताङ हिघाहि | आधिमि र्-हुम्कालाइ सहरता हानेतेङ मुख्य धामि द्याङहेङ इन्ता जेङ्का काथागेलाइको बारेता बानाल पिहि | 12 कालाउ मुख्य धामिगेलाइ कालाउ यहुदी धर्मगुरुगेलाइ दोफाङ जोम्तेङ,इम्बालाइ साल्हा पाहि,कालाउ सिपाहि गेलाहेङ एसा दोतेङ हिन्जाङ घुस पिहि | 13 नेलाइ एसापा दोसु,केलाइ जिम्लाउ दोङ वाको चात्यागेलाइ लोतेङ वासेहेङ खुटेङ चुम्पुहि | 14 'इदोइ काथा हाकिमको न्हातोङ्ता थुकालाबुङ केलाइ वासेहेङ मानेपातेङ नेलाइहेङ बान्चेपाङ | 15 कालाउ इम्बालाइ इङ्को ताका र्-हुतेङ,जेसाउ धिर्पाहि इन्साङ वासेङ इन्सालाउसोङ यहुदिगेलाइता नानिको दिनाथेकापा इदोइ काथा दोङ चारचाराइ हि | 16 इङ्को तेन्हे झना चात्यागेलाइ गालिलको ओदोइपारको तिकारता हानिहि,इङ्कोङ थामेता हानेसु दोअ्तेङ,येसु:इम्बालाइहेङ आग्या पिका हिघाहि | 17 इम्बालाइ वासेहेङ तिङ्तेङ सेउपाहि, आधिमि चाहि साङ्का पाहि | 18 कालाउ येसु:इम्बालाइ दोफा लोतेङ दोअ्हि,'स्वर्ग र पृथ्विको गोताङ खाबारा कासेहेङ पिका हि | 19 ओदोङ भाअ्सिङ हानिसु,कालाउ गोताङ सारभिको द्याङगेलाइहेङ चात्या बानाइसु,कालाउ आबा,चान कालाउ पबितरो आत्माको मिङङ्ता इम्बालाइहेङ बप्तिसता पिसु | 20 का नेलाइहेङ आग्या पिका गोताङ काथा गेलाइपालि इम्बालाइहेङ धिरपासु |खाङ्सु,का युगको दोका थेकापा हेलालबुङ नेलाइदोफा का हाङ्का |