इब्रानियों का बस्वास्या क नांऊ पौलुस को कागद
इब्रानियों
पोथी को परिचय
इब्रानियों का बस्वास्या क नांऊ पौलुस को यो कागद बड़ता बिरोध का बारा मं मसी मनखा का एक समाज न्अ माण्ढयो गियो छ, क वे आपणा मसी बस्वास न्अ कोन छोड़्अ। माण्ढबाळो खुदन्अ बस्वास मं बण्यो रेबा बेई थरचा बंधाव्अ छ। यो कागद सखाव्अ छ क, ईसु मसी ई परमेसर को साचो अर आखरी दर्सण छ। अस्यान करती टेम म वो तीन सांची बाता प्अ जोर देव्अ छ। पेली बात, ईसु मसी ई परमेसर को साचो बेटो छ, ज्यो दन-दन बाप की सांची आज्ञा मानबो सीख्यो। परमेसर का बेटा का रूप मं ईसु पराणा निम का परमेसर की ओड़ी सुं बोलबाळा, सरगदूत अर खुद मूसा सुं बड़ो छ। दूसरी बात, ईसु परमेसर की ओड़ी सुं अन्त का टेम ताणी महायाजक ठेरायो गियो छ ज्यो पराणा निम का महायाजका सुं बड़ो छ। तीसरी बात, ईसु की बजेसुं बस्वासी मनख पाप, अर सदामेस की मोत सुं बचाया गिया छ। इजरायली इतिहास का एकात खास मनखा का बस्वास को उदारण 11 वा पाठ मं मल्अ छ, माण्ढबाळो आपा पढ़बाळा सुं बस्वास मं बण्यो रेबा की अरदास करअ छ, अर 12 वा पाठ मं वो आपा पढ़बाळा सुं अरदास करअ छ क, वे अन्त ताणी बस्वास मं बण्या रेव्अ अर खुदकी आंख्या ईसु प्अ लगाया राख्अ। अर ज्यो वाप्अ दुख सताव आव्अ, तो वे वान्अ हिम्मत रांखर सेन करअ। यो कागद सला अर चेतावणी की लार खतम होव्अ छ।
रूप-रेखा
परमेसर को दर्सण 1:1–3
मसी, सरगदूता सुं बी खास 1:4—2:18
मसी, मूसा अर यहोसू सुं बी खास 3:1—4:13
मसी का याजक पद की मानत्या 4:14—7:28
मसी का वादा की मानत्या 8:1—9:28
मसी का बलिदान की मानत्या 10:1–29
बस्वास की मानत्या 11:1—12:29
आखरी उपदेस 12:1–25