Eleetar i yi Sud akiñje i
Béekinineŋe bu kaawiit konde ni kikiñjee
Diye eleetar i yi Sud at'ute Yesu akiñje i. Yesu arahariin fu boko ni Saak. Eleetar yende enokooranokoor ni yite i Piyeer ésooboriyan i.
Sud akiñjakiñj eleetar yende bakan k'Atambatun ajifane ku. N'aaniin káwasiyoor kiŋki kaliiken ésuk i beewayee bu ni Hirim Heetoofe hu. Manoŋkar mooniin múwufoorawufoor kaanuku boko bákaniit bakate Yesu, ábuki mijakut. N'asok yooŋ buŋ b'Atambatun af'anij ariike tu bokondu kéenijaariit kii ajakee.
Iye i kaawiit konde kije fu:
1) Kasaafu ku (1-2)
2) Búmuje bite kiŋki kaliiken ésuk i beenooto bu bite toko (3-23)
3) Kalawu kiraanu ku (24-25)