Filemoŋ i

Eleetar i yi Pool akiñje i Filemoŋ

Béekinineŋe bu kaawiit konde ni kikiñjee

Diye eleetar i yi Pool akiñje i áwiyo Filemoŋ. Ániine ondu ite Kolos, abe an ómbokun t'ésuk yeeniin. Abinabina ajam Pool ti kawaare Hirim Heetoofe hu, n'ahaŋ áyilen, abe n'ayooso hikarjenaate hu. N'abaj ake tu búsukateen boone huruwu hoone Onesim. Onesim n'abin atey, abe n'ajuk Pool t'akulee du. Pool n'awaaroo Hirim Heetoofe hu, heesoke hu bite b'Anahaan u Yesu *Kiris. N'ayooso yooŋ bítim bu.

Pool n'akiñj Filemoŋ eleetar yende, eeeno aboŋket Onesim. Onesim humuumo aja fu ne yo. T'eluwa yite kóŋkeyin, Filemoŋ áyinooni yéeni kaniju t'Onesim ásukateen oone naane ámaŋie i, man yooŋ n'ayoolo. Pool n'áwasiyano t'eleetar yende aano atum'ajok Onesim naane ásukateen eeteye. Aanoen kep ajoko áwariee, ábuki hahiyu káhina t'afeeneŋ ti Yesu Kiris.

Iye i kaawiit konde kije fu:

1) Kasaafu ku (1-3)

2) Pool n'aane Atambatun eyeehen iŋ'ite hu Filemoŋ (4-7)

3) Pool n'áwasiyan Filemoŋ iŋ'ite hu Onesim (8-22)

4) Kasaafu kiraanu ku (23-25)