4
Íñj'endu ti káwasiyani bonde hágila Atambatun,
ni Yesu *Kiris eeja u bíbatikeina ti Jáyi joone,
abe n'ajoonan keeroŋe ku ni keekete ku:
2 atoof,
átaañi,
a̱waare hirim hite Atambatun,
abe n'aŋ'a̱sooñoor kep.
A̱joŋooran kéehinaariit ku ajakee,
a̱kamoor ti kiŋki kahoofoor,
abe n'á̱wutiyeniin sihel kéehin ajakee.
A̱liikeniin ni kámuñu kómbokun.
3 Ábuki bibin birko ésuk i it'iŋki kámaŋi kajamatan bimbi kaliikenee bite bu nu múniyo.
Boko kajoŋoor nu wúfaŋi wooniin.
Boko kaŋesu bakan keehooje iŋi kabin kaliikeniin bimbi kámaŋi kajamu.
4 It'iŋki kajamatan múniyo mu,
bare boko káwuŋgu mo kiñaawu,
keejamatan bite kúsuwanooru ku.
5 Bare awe á̱jokumooro tu buroon bu fe,
á̱muñ ti sílaam su,
á̱ñiŋkaan a̱awaare Hirim Heetoofe hu,
abe n'a̱reeŋan burok b'Atambatun asaani bu.
6 Íñje bare,
ewahatu i ereeŋa y'iware i kásikiee *iisarahee,
eket íima ereeŋa.
7 Ítuumatuum étuum yeejake i,
iteyatey yooŋ bija t'iware du karaan,
abe iwasut káyilen ku.
8 Hahiyu hisiibanu hite an eeheeke u hondiam ti kanahan.
Ho heemo fu hisiibanu hite an éejube h'Anahaan u,
ajoonana éejube u aja hu kasaanam hunak hite Kajoonan ku.
Abe íñjeiit barebare a aja fu kasaan ho;
o kasaan ho yooŋ kéesike ku siheliin fe kanaŋ ti bíbatikeina boone.
Pool n'aane Timote anabano
9 Á̱hin wáhowah a̱abin á̱ŋaabeinam ahilee.
10 Ábuki Demas ateyamtey aŋarkeyi naane buroon bite bu t'etaam ye b'ámaŋie fu,
abe aja Tesalonik.
Kiresens aja Galasi,
abe Tit aja Dalmasia.
11 Luk unoono aamo fee n'íñje.
Abe n'a̱bin ni Mark,
ábuki áñjeriŋamñjeriŋ tu burok bite Atambatunb.
12 Iboñaboñ Tisik bija Efeesc.
13 Af'á̱yemi ti bibin,
n'aŋ'a̱binam n'éfartuus y'iwase i t'ésuk ite Trowas ti Karpus.
A̱bin yooŋ nu wuwiit wu,
áhaŋum wuwu wubooneed.
14 Aleksandur atibana u átumbatumba áhinam átaañi naane.
Anahaan u kajaamio b'áhine bue.
15 Awe yooŋ a̱naŋ te o hikawi,
ábuki ásokumasokum ni sembe kawaare kite k'uni.
16 Hítiyar hu dók h'íhamine hu ti báajoonanum bu kaanuku iiramooro,
an areeŋeitam;
kareyi fe kateyamtey.
Atambatun atum'ajokiin bo doon!
17 Bare Anahaan u aseeŋamseeŋo,
abe n'awunam sembe isooñen n'íyini kawaare Hirim Heetoofe hu hireyi fe,
keenooto ku Esuwif kareyi fe kayak kajam ho.
Abe Anahaan u n'áhin iifak ti bíŋaŋ buf.
18 O karamiam ti meejakut mánoman,
abe o kajukaram kaanuku iibin iyooso ti Jáyi joone jite ju t'etiir.
Aja ákini kániku ku hiraanu!
Amiin.
Kasaafu kiraanu ku
19 A̱saafam Pirisil,
n'Akilas,
nu butoŋ bite Onesifoorg.
20 Erasit ariikariiko Korent,
abe Tirofim n'íwasino Mile,
ábuki ásomutasomuth.
21 Á̱hin wáhowah a̱abin bala haajam hu huyooso.
Ébulus,
nu Pudens,
ni Linus,
nu Kuloja,
ni bakaaku *kéeyilene ku fe kasaafi.
22 Anahaan u aja áyemi n'awe.
Atambatun yooŋ aja ásoniyanuun.