Ilan 53

Ubɔ bí ki nyàab̀ Unimbɔtaaa?

(Kpèè Ilan 14)

1 Daafiidi di ŋmàn̄ nlan nee ki tīī bilaŋgaaliibi kpiliu.

2 Bigbaambi lì bi-ban yii:

«Unimbɔti kpá!»

Bi gáatì ní ki ŋáań ntimbiil tuuŋŋi,

bi-kansikin ubɔ kaa pée ŋáań tin kítèe.

3 Doooo yilpu ní Unimbɔti gbóoń ki kpēē binib,

kí kpèè ubɔ yaa bí ki cáá iciin ki nyàab̀ Unimbɔti.

4 Bi-kɔkɔ wáŋkì, ugàntil kpá ki ŋáań tin kítèe,

báà ubɔ kaa bí ki ŋáań tin ŋān̄ee,

báà uniseen, an kpá ní^a.

5 «Bikpitiŋaliibi nee kalin sá bigbaambi níii?

Bi mùul̄ m-nibul ki jīǹ,

ní kaa pée jáaḿ-mi dalba dalba.»

6 Niinee ní bi fāŋkì bi-wunti bíi jìkì,

bíǹ bin kaa nìn fāŋkì ki kée,

di sá yii Unimbɔti làá yàaǹ u-nibul nannanliibi kpabiŋ.

Bi làá kɔ́ icoon,

di sá yii Unimbɔti dū-bi ki fá.

7 Ŋma làá nyānní doooo Siiyɔn kí fīī Isirayeel ní?

Unimbɔti yaa láa fātìi gíiǹní u-nib

bin bi nìn cúú kuyuŋuee,

Jaakɔb naantiibi làá dāá nīn fàal̀,

Isirayeel yab làá dāá nīn bí mmɔnni.