Ilan 48

Ubɔtikpaan tiŋki

1 Nlan. Koora dicaŋkun yab laŋŋu.

2 Ti-Dindaan sá ukpaan

ní ki máaǹ bí nyɔ̄ŋkì-u

úǹ ti-Nimbɔtiu tiŋkin,

u-circir jool pu.

3 Dì ŋān̄ ki fɔ̀kɔ̀ ní ki tìì kitiŋ kɔkɔ mmɔn.

Ŋgan pú kúnti kuntee, Siiyɔn jool dee, ubɔtikpaan tiŋki^a.

4 Siiyɔn guŋŋi poonee,

bi nyí Unimbɔti nín sá bi-balilaŋkee.

5 Kpèè, bibɔtiibi nìn kóoǹ ki kpáfì,

bi còom̄ dicilpu ki cá kí já nì Siiyɔn tiŋki.

6 Ama ŋyunti ŋun bi ká ti-Dindaanee,

ní an ŋá-bi bitii.

Bi fāŋkì ní ki sáǹ ki kátì.

7 Dibɔbil pu niin ní bi-wunti kpíì,

a lì kii unimpu un kā imatiŋween puee.

8 A lì kii ŋwìiń nyalaŋki pú buŋku

nín wìil̄ Taarsiisi meelab puee.

9 Tin ti gbìl̄ bi sòon̄ee

lafun sá tin ti ká

ti-Dindaan Mpɔŋkɔdaan tiŋkinee,

an dàkà yii ti-Nimbɔtiu tiŋkin.

Unimbɔti di ŋúb́-kì kí nīn cá jaanjaan.

10 Unimbɔti, ti téetí

a-neeŋkpaandi pu a-diiku poon.

11 Unimbɔti, kii a-yindi nín gbītì

ki tin sāā kitiŋ gbeennyɔkɔ puee,

míǹ ní a-nyɔŋkii mun gbītì.

Deedee gbí a-ŋaŋgiilin.

12 Siiyɔn jool bíi fàal̀,

Juuda timmu bí mmɔnni

a-bɔsooŋyi pu.

13 Còom̀maan kí màntīí tū Siiyɔn jool,

kàam̀maan u-gunlɔkɔŋi.

14 Kpèèmaan digundi din bi máń ki tú-dèe,

kàam̀maan di-bɔtinaakɔti

kí dāá dūú māafì bin baa láá màl̄ee

15 yii Unimbɔti gbanti di sá ti-Nimbɔtiu kí nīn cá jaanjaan.

Úǹ di làá nīn kpòotī-ti ŋyunti kamaa.