Eesiteer 10

Maardoosee nyandi diluŋkikaal

1 Ubɔti Asuweerusi nìn wɔ́b́ u-tinjaŋŋi kɔkɔ nib, ki kpáaǹ bin kóò ntimu mun tiŋku māntìi túee bi pà lampoo. 2 Dibaatandi din u cááyee nì atuŋkpaan ŋin u ŋáaǹee nì u nín yōoǹ Maardoosee yilpu u-beelin puee, bi ŋmàn̄ an bɔti kɔkɔ Meedi nì Peeriisi yab bɔtiibi gbɔŋkun. 3 Tiŋman, Maardoosee ujuudaja nìn sá unikpaan ní. Ubɔtikpaan Asuweerusi yaa nìn līntèe, Maardoosee di nìn pá. U-yab Juuda yab nìn néeń-u ní ki nìn tɔ́-u. U nìn pée mɔ̀ ki nyàab̀ bi-ŋanti ŋma ní, ní ki nìn mɔ́tí u-nibul kɔkɔ pu.