Tiite i

Ho vũahṹ na ó o Poole túara nɔn o

Tiite

Vũahṹ túaró ɲúhṹ

O Tiite hĩ́a lé o Poole nì-kenínii. O yínɔń zúifù (Kalasiisa 2.1-3). O hĩ́a wee bè là a Poole à ɓa sá le Dónbeenì bín-tente bueró tonló.

Pã̀ahṹ na ó o Poole wee túa ho vũahṹ na kà á à na a yi, ká a wi ho Kɛrɛɛte yi á wee loń ɓa kèrètĩ́ɛwa kuio na wi hã lórá na bĩ́n yi bìo, à hã wé va lè mí yahó (1.5).

Mu nín-yání ó o Poole zéenía bìo á ɓa kèrètĩ́ɛwa kuure ya-díwá ko ɓa ɓua lè míten (1.5-16).

Bṹn mɔ́n ó o Poole zéenía o Tiite làa bìo ó o ko ò o wé kàrán lè ɓa kèrètĩ́ɛwa kuio. Hɔ̃́n kuio so lé ɓa nì-kĩ́a kuure, lè ɓa hã́-kĩ́a kuure, lè ɓa yàrówá kuure, lè ɓa wobáaní kuure (2).

O mún zéenía bìo ɓa kèrètĩ́ɛwa ko ɓa ɓua lè míten à dàń kɛɛnínáa mín wán lè ho hɛ́ɛrà, ká hã zía lè hã bín-zàwa lè ho sankaró mía ɓa pã̀ahṹ. Bṹn mɔ́n ó o tɛ̀ɛnía ɓa yi (3).