2
K'a bʊnyaabaa do haay to kan ŋʊaar do haay kɩ,
noombakʊma kɩ,
a bɩ jɩm ba y,
b'a b'a bʊnyaa hɩ gɔsɩ ma y.
2 Amba nyɩnɔ poorero nɩ nyonhi ŋʊam bɩ,
k'a Woso lemim k'an mɩŋŋa bɩ ŋʊa tee… k'a a da ma a ma Woso zaa bɩ nɔ ʊ,
a bʊmbɔrɛ yɩ.
3 Bala,
Wosoci bɩ y'a hɩm denter,
a ʊ:
Awɔɔ b'a dɔ a ʊ,
Zuuba mɩŋŋa.
Woso gʊɔɔ m wɔɔ m
4 K'a zɔ Zuuba ma,
jaa mɩsɩr m,
gʊɔɔ n kaanm m,
bɩ,
Woso dɩga a jaa tɔzaa m,
an a bɔ ʊ.
5 K'a a zɔ ma,
bala,
awɔɔ bɔ kʊ ʊ kan jaa mɩsɩɩrɔ kɩ sɔ,
kʊ Woso n awɔɔ sa an awɔɔ ba Sɛnt-Ɛspri cɛ.
Awɔɔ yɩrɛ a mannɩbənno kʊ ŋ y'a mɩŋŋa ka ʊ,
k'a mannɩrɔ kʊ ŋ y'a to Sɛnt-Ɛspri zi rɔ wɔɔ ba a ŋ ka Woso ʊ,
a yɩ ŋ ŋʊam Yeezuu Krista tɔ ma.
6 Bala,
Wosoci bɩ nɔ ʊ,
n ʊ:
K'a dɩga a,
mɔɔ ɩ jaa paŋŋazaa cɩntam *Siyɔn ʊ,
mɔɔ y'a bɔ ʊ,
jaa tɔzaa m gʊta,
gʊaa k'a sɩra ka ʊ bɩ,
a bɩ nyannɩ bɩrɛ y.
7 Awɔɔ k'a sɩra ka ʊ rɔ wɔɔ,
jaa naa do tɔ ma awɔɔ ɩ lɛbɔʊrɛ m,
bɩ kʊ bɩsɩkənno wɔɔ nɩ,
Wosoci b'a hɩ,
a ʊ:
Jaa kʊ cɛdonno wɔɔ kaanm m bɩ y'a ba cɛ bɩ jɩrjaa paŋŋazaa.
8 Wosoci b'a y'a an a hɩ sɔ,
a ʊ:
Jaa bɩ do a ba gʊɔɔ gənzɛrɛ jaa,
ŋ dore jaa.
Kʊ ŋ n sɩra ka Woso lemim b'ʊ bɩ y'a ka ŋn'a gəm zɛm ma,
Woso lɛɛ ka an a cɩnta k'an yɩ ncɩnaaʊ.
9 B'awɔɔ,
gʊɔɔ kʊ Woso ŋ bɔ ʊ rɔ wɔɔ n'awɔɔ m,
cir m Woso m,
a mannɩbənno n'awɔɔ m,
gʊɔɔ kʊ Woso a so ŋ ʊ rɔ wɔɔ n'awɔɔ m,
Woso mɩŋŋa y'awɔɔ ba a hɔ,
k'awɔɔ n a zibəəro gʊtɔɔ wɔɔ pa da,
a y'awɔɔ bir an bɔ awɔɔ m monsigə ʊ,
an bʊr awɔɔ m a lɛɛgure k'an mɩŋŋa gʊta b'ʊ.
10 Biisi bɩ,
Woso bɩ gʊɔɔ bɛɛ n'awɔɔ nɩ y,
bɩ kɛɛrɛ naa,
a gʊɔɔ n'awɔɔ m.
Biisi bɩ,
Woso n a cicirzɛrɛ hɩnka awɔɔ nɩ y,
bɩ kɛɛrɛ naa,
a awɔɔ cicir zɛ.
Kristagʊɔɔ mɩsɩrbaa mim
11 M danyɩnɔ ŋʊarɛ nɔ ʊ,
k'a dɔ a ʊ,
cenlezannɔ n'awɔɔ m tara burə ʊ naa ʊ,
saanɔɔ n'awɔɔ m,
bɩ tɔ ma bɩ,
k'a gʊ lɛtaamarɔ bʊnyaarɔ wɔɔ ma,
a ka ŋ nawʊm ma k'a awɔɔ zaar ba.
12 K'awɔɔ nɩ gʊɔɔ kʊ kristagʊɔɔ bɛɛ nɩ ŋ mɩ bire ʊ bɩ,
k'a mɩsɩrbaa k'an zore ba,
k'an bɩr yɩrɛ ɩ ʊ,
kʊ ŋ y'awɔɔ tɔ zaar barɛ,
ŋn'a hɩrɛ ŋ ʊ,
gʊɔɔ bʊnyaarɔ n'awɔɔ nɩ,
kʊ ŋ n'awɔɔ zibəəro mɩŋŋɔɔ wɔɔ yɩ,
maam bɩ,
ŋ y'a lɛ bɔm Woso ʊ,
hinni k'a n'a hɩnkarɛ ŋ nɩ b'ʊ.
13 K'a yɛ lɛɛzannɔ kʊ ŋ nɩ durnya ʊ naa ʊ haay rɔ wɔɔ ma Zuuba tɔ ma.
Kʊ cir nɩ,
k'a yɛ ma k'a m cir bɩ tɔ ma.
14 Kʊ gʊɔɔ kʊ cir n cɩncɩnta kʊ ŋ n a so lɛɛrɔ ʊ wɔɔ nɩ,
k'a yɛ ŋ ma sɔ,
ŋ cɩncɩnta a ʊ,
kʊ ŋ nɩ gʊɔɔ kʊ ŋ n'a bʊnyaa bam nɔ wɔɔ hʊnhʊr,
ŋn'a lɛ bɔ gʊɔɔ kʊ ŋ n'a mɩŋŋa bam nɔ wɔɔ ʊ.
15 Bala,
Woso lɛ taa k'awɔɔ n bɩr a mɩŋŋa bam,
kʊ gʊɔɔ kʊ ŋ hɔɔn ba ʊ,
ŋ n hɔsɩ dɔ rɔ wɔɔ b'a da ma ŋnɩ hɔsɩ hɩ y.
16 K'awɔɔ a so a mɩŋŋɔɔ ʊ bɩ,
k'a mɩsɩrbaa ba,
b'a bɩ yo soamɩŋŋaʊ bɩ do ma,
k'a bʊnyaa ba y.
Bɩ k'a mɩsɩrbaa bɩ ba,
kʊ Woso zibəənyɩnɔ n'awɔɔ m bɩ tɔ ma.
17 K'a gʊɔɔ haay da ʊ,
k'a danyɩnɔ Krista nɔ ʊ rɔ wɔɔ ŋʊa,
k'a nyi ba Woso m,
k'a cir da ʊ sɔ.
Ʊ Krista hɔbaa sa
18 Awɔɔ kʊ zibəənyɩnɔ n'a mɩ rɔ wɔɔ,
k'a yɛ a soʊrezannɔ wɔɔ ma daʊrɛ gʊta nɔ ʊ,
k'a ba ncɩnaaʊ kan bɔɔ n nyɩnta kan awɔɔ kɩ,
ŋn'a mɩŋŋa barɛ awɔɔ m nɔ wɔɔ kɩ.
K'a ba ncɩnaaʊ sɔ,
kan bɔɔ n kʊsɩ rɔ wɔɔ kɩ.
19 Bala,
kʊ gʊaa ɩ yɛm fɩr ma Woso tɔ ma,
bɩ kʊrɔ bɛɛ a ʊ ma an nɩ fɩr bɩ do yɩrɛ,
Woso nɔ ɩ yɩm bɩ zaa ra.
20 Bɩ,
k'awɔɔ bʊnyaa ba,
ŋnɩ fɩr karɛ awɔɔ ma,
nka n'a lɛ bɔrɛ awɔɔ ʊ naa tɔ ma?
Bɩ,
k'awɔɔ mɩŋŋa ba,
n nɩ bɔkarɛ n nɩ fɩr karɛ awɔɔ ma,
awɔɔ nɩ yɛm ma bʊraama nɔ ʊ,
Woso nɔ ɩ yɩrɛ awɔɔ ra naa nɔ ʊ.
21 A n bɔkarɛ Woso bɩ,
awɔɔ bir a ʊ,
naa tɔ ma.
Bala,
Krista fɩr yɩ awɔɔ tɔ ma,
an n'a ŋʊam k'awɔɔ n a hɔbaa sa.
22 A mɩŋŋa n mimbʊnyaa sɩ ba y,
a n ŋʊaar ba fɩɩga y,
23 n y'a sʊnsɔ wʊ,
b'a n a sompi gʊaa n'ʊ y,
gʊɔɔ fɩr ka ma,
b'a n nyaa ba kan ŋ kɩ y,
a mɩŋŋa to a ʊ,
Woso wɔ ʊ,
bɩ n nɩ dʊdɔ kam tɩrga.
24 A mɩŋŋa ɩ yɛ an wɔɔ mimbʊnyaarɔ wɔɔ sa
an fɩr yɩ ŋ nɩ,
an ga gɔdarkʊra ma,
k'an bɩr yɩrɛ ɩ ʊ,
gəəno n wɔɔ m wɔɔ mimbʊnyaarɔ wɔɔ lɛɛ,
k'ʊ mɩsɩrbaa ba tɩrgabaa nɔ ʊ.
A mɩŋŋa sampɔɔrlɔ wɔɔ tɔ ma m,
awɔɔ n laafɩɩ yɩ.
25 Bala,
biisi bɩ,
awɔɔ nyaam am seero hɔ bɩ m,
bɩ kɛɛrɛ naa,
awɔɔ a bɔ a bʊr a dundor bɩ zi,
an nɩ dɔrɛ awɔɔ ma sɔ.