Dʊndɔrɛ kʊ gʊɔɔ n yaa da Woso m
2
Hɔ kʊ mɔɔ lɛɛ ka m n'a yɛm bɩ,
a yɛ mɔɔ nawʊrɛ,
kʊ gʊɔɔ n yaa da Woso m gʊɔɔ haay tɔ ma,
a ŋ mim haay da Woso wɔ ʊ,
a yaa da m barka ŋ tɔ ma.
2 K'a yaa da cinno wɔɔ tɔ ma,
kan lɛɛzannɔ haay kɩ tɔ ma sɔ,
k'ʊ nyɩnta laafɩɩ nɔ ʊ,
ʊ bɩr zum Woso ʊ zenyy…,
mɩsɩrbaa zore nɔ ʊ kan daʊrɛ kɩ.
3 Naa m mɩŋŋa,
an Woso kʊ wɔɔ bʊmbɔrɛzaa m bɩ nɔ yɩ,
4 a lɛ taa kʊ gʊɔɔ haay n bʊmbɔrɛ yɩ,
kʊ ŋ n'a da ma,
ŋnɩ sɩra dɔ.
5 Bala,
Woso deem n ta ʊ,
gʊaa deem taan… nɩ gʊɔɔ zɛm kʊ ra kan Woso kɩ,
Krista Yeezuu m.
6 A ɩ yɛ an a mɩŋŋa ka zɛ ma,
kʊ gʊɔɔ haay n bʊmbɔrɛ yɩ.
Dɔmɩm kʊ Woso a cɩnta bɩ k'a b'a ku an naa ba bɩ,
a yɩ kasɛtɩ,
an a hɩnkarɛ a ʊ,
Woso lɛ taa k'a gʊaa haay bʊmbɔ.
7 Naa mɩŋŋa tɔ ma m Woso n mɔɔ bɔ ʊ kʊ m yɩ a lemim padər,
an mɔɔ ba kristazibəəzaa,
sɩra mɔɔ n'a hɩm,
mɔɔ bɩr ŋʊaar barɛ y,
mɔɔ cɩnta a ʊ,
kʊ m sɩrakarɛ kan sɩra kɩ dɩnda do vantɔɔ gʊɔɔ wɔɔ m.
8 Naa minto bɩ,
mɔɔ lɛ taa kʊ gʊɔɔ yaarɔ wɔɔ n yaa da Woso m,
lɛɛ haay ʊ,
ŋn'a wɔrɔ busu brama kʊ mimbʊnyaa bɩ nyɩnta ŋ gʊr zi y,
ŋ bɩ nɔmaa kan nyaa kɩ to a heer ʊ ŋnɩ yaa bɩ da y.
Lannɔ mim
9 Kʊ lannɔ wɔɔ nɩ,
mɔɔ lɛ taa,
kʊ ŋ nɩ huu k'a ga kʊ ʊ ba du a ma,
ŋnɩ bɩr sappɩ,
mɩŋŋahɩnkarɛ ba ŋ zi y,
ŋ b'a ka mim kʊsɩrɛ waasɩ ma,
gɛɛ sarma nyɛɛnnɔ ma y,
gɛɛ busoo gʊta huu ma,
gɛɛ mɩŋŋabankarɛ waasɩ ma y.
10 Bɩ,
kʊ ŋ n'a ka zi mɩŋŋa barɛ ma,
bala,
lannɔ kʊ ŋ ʊ,
a ɩ zum Woso ʊ rɔ wɔɔ,
a ga a wʊm kʊ ŋ n'a ba ncɩnaaʊ.
11 Hɔdɩndarɛ wakatɩ ʊ,
lannɔ wɔɔ a ga m,
ŋnɩ zɛ sɩɩ…,
ŋnɩ yɛ hɔ haay ma.
12 Mɔɔ bɩ yɛm kʊ lannɔ n hɔ dɩnda gʊɔɔ yaarɔ m,
ŋn'a so ŋ ʊ y,
a a ga m,
ŋnɩ zɛ sɩɩ….
13 Bala,
Adam Woso lɛɛ ka an a da,
Ɛɛvɩ n bɔkarɛ an a nya ʊ.
14 Adam bɛɛ Sʊtaana bra ba nɩ y,
Ɛɛvɩ a bra ba m,
an yɛ,
an bɩsɩ ka Woso lɛ ma.
15 Bɩ,
k'a yɛ nyɩdazaambaa ma an a tʊntɔ ʊ sɩrakarɛ nɔ ʊ,
kan ŋʊarɛ kɩ,
mɩŋŋabaa kɩ,
mɩŋŋazerle kɩ,
a bʊmbɔrɛ yɩm.