SURA PAULUS
D̄I RU'U B̄A
TITUS
Salam
1:1-4
1
Nahu la Paulus ada Allah Ta'ala ro rasul Isa Al Masih. Nahu ra nggadu d̄i mabantu ela-Na loakud̄u nancewi imbi ro naloa ka'ao ma ncewi taho mab̄oha ngoa ro tei ma poda ro ma ncihi mab̄oha Al Masih, ncihi ncao b̄une ra ngoa ro tei ade agama ndai. 2 Ngoa ro tei ma poda ro ma ncihi ede nambeiku au ra kane'ekai b̄a ndai b̄a one ndai d̄imatarima mori ma ede ro hi^di. Allah Ta'ala wa'ura sakena mori ma ede ro hid̄i ede sawatipu b̄a kandad̄i dunia, ro sake Allah Ta'ala ede poda-poda loa d̄i'imbikai. 3 Allah Ta'ala ma kasalama ndai ngoana ake, ncihi ncao d̄i wakatu ra wa'u katantu b̄a Sia ro ma wa'ura parentana nahu ^dimangoa ro kahabana.4 Titus, nggomi eded̄u poda-poda ana nahu, b̄a one nggomi lab̄o nahu sama-sama wa'ura imbi d̄i Sangaji Makasalama.
D̄i ne'e poda b̄a nahu raho-raho to'i mpa Allah Ta'ala, Ama ndaita ro Isa Al Masih mbeina bareka ro taho ro ntai d̄i nggomi.
Taki Ro Puta La Titus D̄i Kreta
1:5-16
5 Nahu tu'u wi'iku nggomi d̄i Kreta loakud̄u nggomi kanggori katahomu lampa rawi-lampa rawi ma mbuipu paralu ^di'ato. Ro loakud̄u nggomi hanta raumu dou-dou d̄imana'ekaina ela Ruma d̄i sanikina kota. Kawarapu au ra wa'u nggahi b̄a nahu d̄i nggomi, b̄a one dou ma taki uru ela Ruma pa^buaku: 6 dou ma wati iha ngarana ro sab̄ua mpa weina.a Ana^dohona pab̄ua rauku imbina d̄i Al Masih. Siad̄oho laina ana-ana ma ca'u rewo datantu ro lai rauna ma wati wa'u d̄ingoa ro tei. 7 Dou mana'ekai ela Ruma eded̄u dou ma kab̄ua wea karawi Allah Ta'ala. B̄ara ndedena, sia wati loana mori kai madab̄ae, wati loana sombo, laina dou ma ca'u mbani, laina ma ca'u nono ^dimawukai, laina dou ma ca'u ncao ro wati loana na'e ade d̄i piti. 8 Sia pab̄uaku ca'una tarima dou d̄i umana, naca'u d̄i lampa rawi-lampa rawi ma taho, nawa'u pi'i ade, rombo ro ntiri, raso d̄i ade mori ro wokona. 9 Sia pab̄uaku nenti kaciana d̄i ngoa ro tei ma loa ^di'imbi, ma ncihi ncao b̄une ra wa'u ngoa ro tei d̄i sia. Kai ndedena sia nawa'uku ngoa ro tei kataho dou kai dasa ngoa ro tei ma poda, ro nawa'uku rojo dou-dou ma wati ca'u d̄i Al Masih.
10 B̄a one mboto dou ma ca'u baronta, ma penti poda dou-dou ma wakatu ntoina agama Yahudi; siad̄oho tipuna dou makalai kai nuntu cowana. 11 Dou-dou ma b̄une ede pab̄uaku ^dikapu wea asana, b̄ara siad̄oho kakacona mboto iwa ro weki kai ngoa ro teina ma wati lu'u b̄a aka. Siad̄oho karawina ede b̄ara ne'ena raka piti ma mboto kai cara ma wati ncihi ncao. 12 Wara sab̄ua nabi, nabi ede dou Kreta ma parana nggahi, <<Dou-dou Kreta naca'u nuntu cowa ro siad̄oho b̄une binata nggange ma na'e ngaha ro ^daju.>> 13 Au ra nggahi b̄a nabi siad̄oho ede napodaku. B̄ara ndedena nggomi pab̄uapu rojo kapoda siad̄oho, loakud̄u siad̄oho ngge'e mpa imbina d̄i ngoa ro tei ma poda. 14 ro wati walira nentina d̄i mpama-mpama Yahudi atao atoran-atoran ra ndawi b̄a dou-dou ma tula ao ngoa ro tei ma poda ede. 15 Samenana ma wara eded̄u raso d̄i ru'u b̄a dou-dou ma raso. Pala d̄i ru'u b̄a dou-dou ma ntau kananu ma sampu ro ma wati ntau imbi, wati kone wara au-au rau ma raso, b̄ara kananu ro ade mpida siad̄oho wa'ura sampu! 16 Nggahi siad̄oho b̄a one siad̄oho napataku Allah Ta'ala, sapodakaina ruku ro rawi siad̄oho makatadana b̄a one siad̄oho wati ca'una d̄i Allah Ta'ala. Allah Ta'ala ni'i ade-Na d̄i siad̄oho b̄ara ruku ro rawina ede. Siad̄oho wati ngawana to'a d̄i Allah Ta'ala, ro siad̄oho poda-poda wati wa'una karawi ma taho.