20
फेर मुय गोटोक सरगदुत के सरगले उतरते दकली जहार हाथ ने अयाह कुड र चाबी आउर बड़े जंजीर रये । 2 सरगदूत हांय अजगर कि पुराना सांप के जोन इबलीस आउर शैतान आयु धरी करी हजार साल काजे बांधी देला। 3 आउर हांके अथाह कुंड ने सोंगाय करी ढाकी देला आउर हाय उपरे मुहर लगाय देला कि हांय हजार साल र पूरा होयते तक जाति जातिर लोक मन के फेर ना भटमाओ । एतार पाचे जरूरी आय कि हाय खिंकिक बेर काजे फेर खोली देओत । 4 फेर मुय सिंहासन दकली, आउर हंतार उपरे लोक मन बोलताय , आउर तिके नियाय करबार अधिकार देलाय । मुय तिकर आत्मा मन के बले दकली , जुहार मुंड यीषु मसीहर गवाही देबा काजे आउर मापरू र बचन र करन काबी दी र ओत , आउर जोन मन न हाय पषु र, आउर ना हांतार मुर्तिरपुजा कारलाय आउर ना हंतार छापा आपना कवारे आउर हाथ उपरे धरी रओत । हांय मन पी कारी मसीह संगंे हजार साल तक राज करते रओत । 5 जड़दाय ले ए हजार साल पूरा ना होयला तेबे ले बाकी मोरला लोक ना जी उठला । ए तो पयला पुनरूत्थान आय । 6 धन्य आउर पवित्र हांय माय , जोन ए पयला पुनरूत्थान र भाबी आय । असन लोक उपरे दूसरा मृत्यु र काई अधिकार नुआय, मातर हांय मन पारू आउर मसीह र याजक होयबाय आउर हांतार संगे हजार साल तक राज करबाय । 7 लड़दाय हजार साल पूरा होई रयसी नेबे शैतान कैद ले छाड़ी दी जायसी। 8 हांय , हांय जाति मन के जोन पृथ्वी चारों बाटे होयसी , जसन कि गोग आउर मागोग के जहार गिनती समुंद र रेती र बराबर होयसी , भस्मायकरी लड़ाई काजे जमा करबा काजे निकरसी । 9 हांय सबु पृथ्वी उपरे फैली करी पवित्र लोकर छावनी आउर प्रिय नगर के घेरली, आउर जोय सरग ले उतरी करी तिहे भस्म करली । 10 तिकर भरमायना बीती शैतान जोय आउर बांस र हांय झील जोन थने हांय पशु आउर ढगबाबीता भविष्यबक्ता बले हे डाली देबाय , आउर हांय रात दिन युगानुयुग दुका ने तड़ रबाय । 11 फेर मुय गोटोक बड़े सबु सफेद सिंहासन आउर हांके जोन हांतार उपरे बोसले आसे , दकला , हांतार छोमे ले पृथ्वी आउर आकाष पोरायला , आउर तिकर काजे सगा ना मिरला । 12 फेर मुय शुरू बड़े सबु मोरला लोक के सिंहासन र छोमे ठियां होसलार दकली, आउर पुस्तक मन खोललाय जसन कि जीवन र पुस्तक , आउर जसन हाय पुस्तक मन ने लिकलार आचे , असनी ची तिकर काम र बनुसार मोरला लोकर नियाय करी जायसी । 13 समुंद हाय मोरला लोक के जोन हायथाने रयेत दी देला , बाउर मृत्यु आउर भधोलोक हांय मोरला लोक जोन हांय थाने रये दी देला, आउर हांय थन ले हर एक र काम र अनुसार तिकर नियाय करलाय । 14 मृत्यु आउर अधोलोक जोय र झील ने डाली देलाय ए जोयर झील दूसरा मृत्यु आय। 15 आउर जोन कानी र नाव जीवन र पुस्तक ने लिकलार ना मिरे , हाय जोय र झील ने डाली जायसी ।