8
अबर जोन गोट हामी बोलबु आचे तिकरले सबले बड़े गोट ये आय की हामर आसन महायाजक आय, जोन सरगट उपर महामदिमनर सिहनर बुजनी बाते बसु आये, 2 आवरी पवित्र जगह आवरी हायं सतर तम्बुर सेवक होयला जाहाके कोनी माने मन नाही, वरन् परभु ची टिआ उटायला आचे। 3 कसन बलले हर गोटक महायाजक भेंट आवरी बलिदान चेकायबा काजे संगाय जाउ आय, आय काजे आवश्यक आय कि ये महायाजक लगे काही चगायबा काजे अहो। 4 अगर हायं पृथ्वी ने होयता हेबे केबेह याजक ना हायेता, आय काजे व्यवस्थार अनुसार भेंट चगायबा लो तो आचेत। 5 आय सरग ने पने वस्तुमनर प्रतिरूप आवरी छाबर सेवा करू आत, जसन मुया तम्बु बनाय बा ताने रहे, तेबे ताके ये चेतावनी मिरला, दख, जोन वितिन तो डोंगरी ने दखालार रहे, तार अनुसार सबु के बनाय।" 6 भातर हायं याजक मन ले बड़ी करी सेवा यीशु के मिरला, कसन बलले आयं आवरी अधिक अच्चा चावार मध्यस्थ रला, जोन आवरी अधिक अच्छा प्रतिज्ञा मनर ले सहायता ले बांधलार आचे। 7 कसन बलले अगर आयं पहिलर वाचा बिना दोषर हाउ आय तेबे दुसर काजे अवसर ना डकरा के पड़ता। 8 भातर हाय तिकर उपर दोष लगायकारी बोलु आय, परभु बोलु आय, दख, आय दिन आउ आय कि मैं इस्त्राएलर संगे, आवरी यहूदार होरानेर संगं नुवां वाचा बांधवी। 9 ये हायं वाचार समान ना होयसी, जो मैं तिकर बाप दादार संगे हाय संगे बांधी रही जेबे में कि तार हाथ देरी करी तिके मिस्त्र देश ले निकराय आ नली,कसन बलले हायं मोर वाचा उपरे स्थिर ना रहे, हायं काजे मैं तार सुधि ना दरली, यही आसनी बोलु आय। 10 फेर परभु बलु आय कि, जोन वाचा मैं आय दिनर पाचे इस्त्राएला होरानेर संग बांधवी हायं ये आय कि मैं अपनार व्यवस्था के तिकर मनने सांेगायबी, आवरी मैं तिकर परमेश्वर संगायवी आवरी हायं मोर लोग होयबाय। 11 आवरी हर गोटक अपनार देश्र लोक के आवरी अपनार भाई के ये शिक्षा ना देबाय कि तुय परभु के चिताव कसन बलले शुरू ले बड़े तक मके जानबाय। 12 कसन बलले मैं तिक अधरमर विषय में दयावन्त होयबी आवरी तिकर पाय मन के ना सुरता करबी। 13 नुबा वाचार स्थापना ले आय पहिल वाचा के जुना सोगाय देला, बावरी जोन चीज जुना जीर्ण होई जाउ आय तार मेटबार जयरी आय।