7
ये मलिकिसिदकर ज्ञालेमर राजा, आवरी परम प्रधान परमेश्वर याजक, सबु दाय याजक बनी रहु आय। जेबे अब्राहम राजा मन के मारकरी आयबार आय, तेबे आयी ताके भेट करी ताके आशीष देला। 2 येकी येके ची अब्राहिम सबु चीजर दसवां अंश पने देला। ये पहिले अपनार नाव अर्थ बाटले धरमर राजा, आवरी फेर शालेम माने शांतिर राजा आय। 3 जहार ना बाबा, ना आया, ना कुटुम्ब आचे, जहार दिनरना आदि आय आवरी ना जीवनर, अन्त आय भातर परमेश्वर बेटा असन रूप रंग होथी करी आय सबु दाय काजे याजक बनी रहु आय। 4 अबर येतार उपर ध्यान करा कि आय कसन महान रहे जहाके कुलपती अब्राहम चोरी करी अच्चा ले अच्चा भालर दसवां अंश देला। 5 लेतीर सन्तान मनले जोन याजकर पद पाउ आत, तिके आज्ञा मिलला आचे कि लोग कन माने अपनार भाइ मन ले चाहे अब्राहमर शरी ले ची चाहे जनमी रहोत, व्यवस्थार अनुसार दसवां अंश ले। 6 भातर एतार ले, जोन तिकरवंश ले ना रहे, अब्राहम ने दसवां अंश दलर, आवरी जहामें प्रतिज्ञार मिली रहे ताके आशीष देला। 7 ये मन ले एक नहीं आय सुरू बड़े ले आशीष पाउ आय। 8 आवरी हेताने तो भरबा माने मन दसवां अंश दरू आत, भातर आय लगे आय ची दरू आय जहार ग्वाही देउ आत कि आय जीव आचे। 9 तेबे हामी ये पने बोलके सकु कि लेबी पने जोन दसवां अंश दरू आय, अब्राहम बाटले दसवां अंश देला। 10 कसन कि जोन समय मलिकीसिदक ने अपनार बेटा ले भे गाट होयलाय, आय समय ने हाय अपनार बाबार देह ले ने रहे। 11 अगर लेवीय याजकर पद बाटले सिद्धी प्राप्त होयके सके (जोनमन सहारा लोमनर व्यवस्था मिली रहे) तेबे फेर काय लागते रहे, कि दुसर याजक मलिकिसिदकर रीति उतर टिआ अहो, आवरी हारूनर रीतिर ना बोला जायसी। 12 कसन बलले जेबे याजकर पद बदलाय जाउ आय, तेबे व्यवस्थार बदलवार बने जरूरी आय। 13 कसन बलले जाहार विषय ने ये गोट बला जाउ आय कि आयं दुसरा बसर (गोत्र) आय, जहार ले कोनी वेदीर सेवा ना करलाय। 14 तेबे निकरू आय कि हामर परभु यहोदार बस ले निकरला आचे, आवरी ये बसर विषय ने मुसा चाजकर पदर विषय ने गोट बाट ना करला। 15 हामर दावा आवरी पने अच्चा ले निकरू आय, जेबे मालिकीसिदकर समान गोटक आवरी याजन जनम होई जाउ आय, 16 जोन शरीर आज्ञार व्यवस्थार अनुसार नुआय, भातर बिना नाश होयबार जीवनर सामथ्र्य अनुसार नियुक्त होयलार होओ। 17 कसन बलले हार ने ये गवाही देलार आचे, "तुय मलिकिसिदकर रीति उपर जुग-जुग ले याजक आय।" 18 असनी ची, पहिल आज्ञा बीना बदल आवरी बिना फलर होयबा ने लोप होई गला। 19 (आयं काजे व्यवस्थार कोनी गोट ले सिद्ध ना करला), आवरी तार जगह उपर असन अच्चा आसा सगायलाय जाहार बाटले हामी परमेश्वरर लगे जायके। 20 मसीहरे नियुक्ति बिना किरिमार ना होयला। 21 कसन बलले हाय बीन किरियार याजक संगायलाय भातर येह किरया संगे तार बाटले नियुक्त करलाय जोन तार विषय ने बोलल। "परभु किरया खायला, आवरी आय तार ले फेर ना पश्ताहु आय कि तुम जुग-जुग ले याजक आया।" 22 असनी ची यीशु गोटक अधिक अच्चा बाचार जामीन रला। 23 आप मन तो कुबे बड़े संख्या ले याजक बनते आयलाय, आय काजे येह रहेत कि मरने तिके रयके ना देयते रहे, 24 भातर ये जुग-जुग ले रहु आ, आय काजे इतार याजकर पद रहुची आय। 25 आय काजे जोन तार बाटले परमेश्वर लगे आउ आत, आय तिकर सबुके उद्धार करके सके, कसन बलले आय तिकर काजे विनती कवा काजे सबुदाय जीव आचे। 26 अतः असनी ची महायाजक हामर योगर रहे जोन पवित्र आवरी बीना चल खपट, आवरी निर्मल, आवरी पराये मन ले अलग आवरी सरग ने पनी उपरे करलाय अहो। 27 आय महायजक मनर समान ताके आवश्यक ना करे, रोजे पहिले अपनार पापमन आवरी फेर लोग मनर पा काजे बलिदान चढ़ाआ, कसन बलले तिकरले अपनार ची बलिदान चढ़ाय करी गोटक ची हार सराय देला। 28 कसन बलले व्यवस्था तो बीना बलर माने मनर महायाजक नियुक्त करू आय, भातर आय किरियार वचन, जोन व्यवस्था पाचे खायलार रहे, आय बेटा नियुक्त करू आय जोन जुग-जुग गाजे सिद्ध करलार आये।