16
एबर हांय चंदार बारे ने जोन पवित्र लोक मन काचे करू आत,जसन आगिया मय गलतिया र कलीसिया के देली, असनि ची तोमि बले करा | 2 स्प्ताहर पहले दिन तोमि मन ले सबु कमानीर अनुसार काई आपना लगे छाड़ी राहा की मोर आयले चंदा ना करके पड़ो | 3 आवरी जड़दाय मय आयबी, तेबे जोनके तोमि चाहबास तिके मय चिट्टी देई करी पटाय देबी की तोमर दान के यरूशलेम ने पहुंचाय दियास | 4 आवरी मोर जीबार बले उचित होयसी, तो हांय मन बले मोर संगे जिबाय | 5 मय मकिदुनिया होई करी तोमर लगे आयबी, कसन बलले मोके मकिदुनिया होई करी ची जिबार आय | 6 मातर सम्भव आय की तोमर थाने ची ठेबबी आवरी शीत दाय तोमर थाने रबी, तेबे जोन बाटे मोर जिबार होयसी हांय बाटे तोमि मोके पहुंचाय दियास | 7 कसन बलले ऐबे बाटे मय तोमके भेंट करबा र ना चाँही ; मातर मोके आशा आचे की अगर परभू चायसी तो खिंडीक समेया ले मय तोमर संगे रबी | 8 मातर मय पिन्तेकुस्त ले एफिसिस ने रबी, 9 कसन बलले मोर काचे हांयती गोटक बड़े आवरी उपयोग बिती द्वार खोललार आचे, आवरी विरोधी मन खुबे आचोत | 10 आवरी तीमुथियुस आयले, तेबे दका की हांय तोमर थाने बिना डरे रहोत ; कसन बलले हांय मोर असन परभू र काम करू आय | 11 इ काचे हांके कोनी ना इतराहा, मातर ताके अच्छा ले ए बाटे पहुंचाय दियास की हांय मोर लगे आसके सको ; कसन बलले मय तार बाट दकबी आची की हांय भाई मन संगे आओ | 12 भाई अपुल्लोस के मय खुबे बिनती करली आची की तोमर लगे भाई मन संगे जाओ ; मातर हांय ए समेया ने जिबार इच्छा ना करला, मातर जड़दाय अवसर पायसी तेबे आयसी | 13 चेत ने राहा, विशवास ने मंदी राहा, पुरुषार्त करा बलवंत हुआ | 14 जोन काई बले करबास मया ने करा | 15 हे भाई मन, तोमि सितफनास र घराना के जानास की हांय अखया र पहला फल आय, आवरी पवित्र लोक मनर सेवा काचे तियार रउआत | 16 इ काचे मय तोमके विनती करबी आची असन मनर अधीन ना राहा, जसन सबु काचे जोन र काम ने परिश्रम आवरी संग र बिता आय | 17 मय स्तिफनास आवरी फरतुनातुस आवरी अइखकुस र आयला काचे हरिक आची, कसन बलले हांय मन तोमर घटी के पूरा करला आचे | 18 हांय तोमर आवरी मोर आतमा के चैन देला आचे, इ काचे असन के माना | 19 आसिया र कलीसिया बाटले तोमके जुआर ; अक्विला आवरी प्रिसका र आवरी तिकर घर र कलीसिया र बले तोमके परभू ने खुबे खुबे जुआर | 20 सबु भाई मन बाटले तोमके जुआर | पवित्र चुम्बन ले आपस ने जुआर करा | 21 मय पोलुस र आपना हाथ ले लिकला बीती जुआर | 22 आवरी कोनी परभू ने मया ना सोंगाये तेबे हांय शापित रहो | हे हामर परभू, आव | 23 परभू यीशु र अनुग्रह तोमर उपरे होयते रहो | 24 मोर मया मसीह यीशु तोमि सबुर संगे रहो आमीन |