18
यीशु ये गोट मन के बली करी आपना चेला मन संगे किद्रोन नालार हांय पाक गला | हायती गोटक बाड़ी रये, जोनती हांय आवरी तार चेला मन गलाय | 2 हाके धरायबा बिता यहूदा बले हांय जगाके जानते रये, कसन की यीशु आपना चेला मन संगे हायती जीबार आय | 3 तेबे यहूदा, पाईक मनर गोटक दल के गोटक बड़े मुखिया आवरी फरिसी मन बाटले प्याद मनके धरी करी, दीया आवरी मसाल मन आवरी मारबाटा मनके धरी करी हायती आयला | 4 "तेबे यीशु, हांय सबू गोट मनके जोन हातार उपरे आयबा बीती रये जानी करी, निकरला आवरी हांय मनके बलला, ""काके डगरायबा आस ?""" 5 "हांय मन ताके जबाब देलाय, ""यीशु नासरी के |""यीशु तिके बलला, ""मूय आय |""ताके धरायबा बिता यहूदा बले तिकर संगे ठिया रये |" 6 "हातार ये बलते ची, ""मूय आय, ""हांय मन पीटी बाटे गूची करी भई ने घसरलाय |" 7 "तेबे हांय आवरी तिके पुचला, ""तोमि काके डगरायबा आस |""हांय मन बललाय, ""यीशु नासरी के |""" 8 "यीशु जबाब देला, ""मूय तो तोमके बली सरायली आची की मूय आय, अगर मोके डगरायबा आस आले ये मनके जायके दीयास |""" 9 "ये ई काचे होयला की हांय बचन पूरा होओं जोन हांय बली रये :""जोंन मनके तूय मोके देलीस हांय मनले मूय गोटक के बले ना भुलकली |""" 10 तेबे शमोन पतरस खण्डा, जोन तार लगे रये, झिकला आवरी बड़े मखिया र दास उपरे मारी करी हातार बुजनी कान के उड़ाय देला |हांय दासर नाव मलखुस रये | 11 "तेबे यीशु पतरस के बलला, ""आपना खण्डा के नाराने सोंगाव |जोन बोटका बुआ तोके देला आचे, काय मूय ताके ना पीई ?""" 12 तेबे पाईक मन आवरी तिकर सूबेदार आवरी येहुदी मनर प्यादों मन यीशु के धरी करी बान्दलाय 13 आवरी आगे ताके हन्ना लगे नेलाय, कसन की हांय हांय बरसर बड़े मुखिया काईफा र सुसरा रये | 14 ये हाई काईफा आय, जोन यहूदी मनके उआट सांगी रये की हामर लोक मन काचे गोटक मानेर मोरबार अच्छा आय | 15 शमोन पतरस आवरी गोटक दूसरा चेला बले यीशु र पीटी बाटे होयला |ये चेला बड़े मुखिया र जान पयचान रये, हाई काचे हांय यीशु संगे बड़े मुखिया र दुआर ने गला, 16 मातर पतरस बाहरे दुआर ने ठिया रये |तेबे हांय दूसरा चेला जोन बड़े मुखिया र जान पयचान रये, बाहरे निकरला आवरी बाट रऊ के बली करी पतरस के भीतरे धरी आयला | 17 "हांय दासी जोन बाटे रऊ रये, पतरस के बलला, ""केनी तूय बले ये मुनुक र चेला मन ले तो नुआस ?""हांय बलला, ""मूय नुआय |""" 18 दास आवरी प्यादा मन सीतर लागी मोसी के धराय करी ठिया होई जोय छेकते रयेत, आवरी पतरस बले हांय मन संगे ठिया होई जोय छेकते रये | 19 तेबे बड़े मुखिया यीशु ले तार चेला मनर बारे ने आवरी तार उपदेस र बारे ने पुच पचार करला | 20 "यीशु तिके जबाब देला, ""मूय सोसार ले उगाड़ी करी गोट करली;मूय मण्डली घर मन ने आवरी मंदीर ने, जोनती सबू यहूदी मन रुंडा होऊ आत, सबू दाय उपदेस करली आवरी ना जानते काई बले ना बलली |" 21 "तूय मोके काय काचे पुचबी आस ?सुनबा लोक के पुच की मूय हांय मनके काय बलली |दक, हांय मन जानेत की मूय काय काय बलली |""" 22 "तेबे हांय ये बलला, तो प्यादा मन ले गोटक जोन लगे ठिया रये, यीशु के चापड़ मारी करी बलला, ""काय तूय बड़े मुखिया के ये परकार जबाब देबी आस ?""" 23 "यीशु ताके जबाब देला, ""अगर मूय गलत बलली आले हांय गलती र गवा देस; मातर अगर अच्छा बलली, तो मोके काय काचे मारबी आस ?""" 24 हन्ना ताके बांदला काईफा बड़े मुखिया लगे पटाय देला | 25 "शमोन पतरस ठिया होई जोय छेकते रये |तेबे हांय मन ताके बललाय, ""केनी तूय बले हातार चेला मन संगर तो नुआस ?""हांय नाई बली बलला, ""मूय नुआय |""" 26 "बड़े मुखिया र दास मनले गोटक जोन हातार कुटुंब र रये जाहार कान के पतरस काटी रये, बलला, ""काय मूय तोके हातार संगे ना दकी रई ?""" 27 पतरस आवरी नाई बलला, आवरी अड़की ची दाय कुकड़ा डाकला | 28 तेबे हांय मन यीशु के काईफा र लगले किला बाटे नेलाय, आवरी झील पुल अंधार र समेया रये, मातर हांय मन किलार भीतरे ना गलाय की अशुद ना होओत मातर फसल खायके सकोत | 29 "तेबे पिलातुस हांय मन लगे बाहरे निकरी आयला आवरी बलला, ""तोमि ये मुनूक उपरे कोन गोटर निदा करबा आस ?""" 30 "हांय मन हाके जबाब देलाय, ""अगर हांय कुकरम करू ना होयता तो हामी ताके तोर हाथे ना सोपतु |""" 31 "पिलातुस तिके बलला, ""तोमि ची एके नेई करी आपना बेबसता र अनुसार तार नियाय करा |""यहूदी मन ताके बललाय, ""हामके अधिकार नियाय की काहरी जीव के धरु |""" 32 ये ई काचे होयला की यीशु र हांय गोट पूरा होओं जोन हांय ये चीना देयते बली रये की तार मोरना कसन होयसी | 33 "तेबे पिलातुस आवरी किलार भीतरे गला, आवरी यीशु के हाग देई करी हाके पचारला, ""काय तूय येहुदी मनर राजा आस ?""" 34 "यीशु जबाब देला, ""काय तूय ये गोट आपना बाटले बलबी आस की दुसरा लोक मोर बारे ने तोके ये बलला आत ?""" 35 "पिलातुस जबाब देला, ""काय मूय यहूदी आय ?तोर ची जाति आवरी बड़े मुखिया मन तोके मोर हाथे सोपला आत |तूय काय करली आस ?" 36 "यीशु बलला, ""मोर राज ये सोसार नुआय; अगर मोर राज ये सोसार वर होयता, तो मोर सेवक मन लड़ताय की मूय यहूदी मनरहाथे सोपा ना जायती :मातर मोर राज ईतीर नुआय |""" 37 "पिलातुस ताके बलला, ""तो काय तूय राजा आस ?""यीशु जबाब देला ""तूय बलबी आस की मूय राजा आय |मूय ई काचे जनम धरली आवरी ई काचे सोसार ने आयली आची की सतर गवा देबी |जोन कोनी सतर आय, हांय मोर गोट के सुनू आय |""" 38 ". पिलातुस ताके बलला, ""सत काय आय ?""ये बली बली करी हांय आवरी यहूदी मन लगे निकरी गला आवरी हांय मनके बलला, ""मूय तो तार ने काई दोष ना पाई |" 39 "मातर तोमर ये निती आय की मूय फसल ने तोमर काचे गोटक मुनूक के छाड़ी देबी |तेबे: काय तोमि चायबा आस की मूय तोमर काचे यहूदी मनर राजा के छाड़ी देबी ?""" 40 "तेबे हांय मन आवरी चिचाय करी बललाय, ""इके नाई, मातर हामर काचे बरअब्बा के छाड़ी देस |""आवरी बरअब्बा डाकू रये |"