2
हेरोदेस राजार दिन ने जेबे यहूदियार बैतलेहम ने यीशुर जनम होयला, तेबे पूरब ले कतक उजर यरूशलेहम ने आईकरी पचार लाय, 2 रयहुदिर राजा जान्हार जनम होयला आचे कोलगे आचे? कसन की आमी पूरब ने तार तारा दकलुआचे आवरी ताके सरन करके आयलू आचे | 3 हे सुनीकरी करी हेरोदेस राजा आवरी तार संगर सबू यरुशलेहम घबरायला | 4 तेबे आंय लोगर सबू बड़े याजक मन के आवरी शास्त्री मन के कूड़ा करी पचार ल, मसीहर जनम कोनती होयबार आचे ? 5 हांय मन ताके बलाय,यहूदियार बैतलेह्म ने, कसन की भविस्बकता मनर बाटले हे लिखला आत; 6 ये बैतलहम, जोन यहुदार परदेस ने आचीस, कोनी रिती ले यहुदार मुख्या मन ले सबू ले सुरु नुहास;कसन कि तोर ले गोटक अधिपती नीकर सी, जोन मर परजा के दक रक करसी| 7 तेबे हेरोदेस बामन के लुकीकरी आग देला कि तारा कोन समय दका देई रहे, 8 आवरी हांय बलि करी बैतलहम पटाय ला,जआ,हांय पिलार बारे ने अचा अचा मालूम करा,आवरी जेबे हांय मिला आले मके समाचार दिया कसन कि मै पणे आई करी सरन करबी 9 हांय मन राजार गोट सुनीकरी गलाय,आवरी जोन तारा हांय मन पुरब ले दकी रहेत आय तीकर चोमे चोमे गला; आवरी जोन ताने पिला रहे,हांय जगार उपरे पौंची करी तेबेलाय | 10 आय तारा के दकी करी हांय मन कुबे अरिक होयलाय | 11 हांय मन आय घर ने जाई करी हांय पिला के तार आया मरियम संगे दकलाय,आवरी मुंर बल ने गसरी करी पिला के सरन करलाय, आवरी अपनार अपनार तैली उगाडी करी ताके सोना,आवरी लोबान, गधरसर भेट चेगाय लाय | 12 तेबे सपना ने हे सांगबी आचे आवरी कि हेरोदेस लगे आवरी ना जा,हांय मन दुसरा बाट ले अपनार देश ने गलाय | 13 ; तीकर गलार पाचे परभूर गोटक सरग दूत अपना ने युसुफ के द्काय होई करी बलला, उट, हांय पिला के आवरी हातार आया के दरी करी मिस्र देश ने जा; आवरी जेबे तक मै तोकेना बली,तेबे तक आयंती रा;कसन कि हेरोदेस हांय पिला के डगरासी आचे कि ताके मारबा काजे | 14 तेबे हांय राती ने हि उटी करी हांय पिला के आ री तार आया के दरी करी मिस्र देश ने गला, 15 आवरी हेरोदेसर मरबा तक आंई ताने रला | ऐकाजे कि हांय बचन के जोन परभुर भविस्बकता बाटले बली रहेत पुरा अहो; मै मर बेटा के मिस्र ले आग देली| 16 जेबे हेरोदेस| हे द्कला कि बामन मन तार संगेधोकादेलाआत,तेबेहांयरीसहोयला,आवरी लोह मन के पटाय करी बामन मन बलार बाटले अचा अचा बललार समयर अनुसार बैतलहम आवरी तार लगर लगर जगा ने सबू बाट मन ने जोन दुई बरस सर आवरी तारले सुरु रहेत, मारला | 17 तेबे जोन बचन यिर्मयाह भबिस्बकता बाटले बली रहे,आय पुरा होयला; 18 ; रामह ने गोटक करुणा सुना देला नाद सुना देला,कांदबार आवरी बडे दुख;राहेल अपनार पिला मन काजे कांदते रला,आवरी होगाय होयबार ना चायते रहे,कसन कि हांय हेबे निआय | 19 हेरोदेसर मरलार बाद,परभुर दूत मिस्र ने युसुफ के सपना देकाय होई बललाय, 20 उट,पिला आवरी तार आया के दरी करी इस्त्राएल देश ने जा,कसन कि जोन पिलार जीव दरबा काजे होई रहे,हांय मरला आचे 21 हांय उटाय ला, आवरी पिला आवरी तार आय संगे दरी करी इस्त्राएल देश ने आयला | 22 मांतर हे सुनी करी कि अरकिलाउस अपनार बाबा हेरोदेसर जगा यहुदीया ने राज करसी आचे, हांय ताने जीबा काजे डरला | 23 आवरी सपना ने परमेश्वर ले बललार पाई करी गलील देश ने गला, आवरी नासरत नावर नगर ने जाई बसलाय,जसन कि हांय बचन पुरा अहो,जोन भविस्बकतार बाटले बली रहेत;हांय नासरी बलायसी|