यूहना गो लिखेड़ो सुब समाचार
ईं सुब समाचार गै बारै में
यूहना नाम गो मतलब यहोवा दया करण आळो है। यूहना गै द्वारा लिखेड़ै सुब समाचार में यीसू मसी नै अनन्त बचन गै रूप में बतायो है झिको देहधारी होगे आपणै बिचाळै वास करयो। ई किताब में ओ बात साफ है कै ओ सुब समाचार ईंखातर लिख्यो ग्यो कै पढण आळो जाण ल्ये कै यीसू मसी ई मुकती देण आळो अर परमेसर गो बेटो है।
ईं किताब नै ईस्वी सन् 80-90 गै टेम इफिसुस में लिखिजी। इफिसुस में जद ईं सुब समाचार लिख्यो, बि टेम यूहना बुढो हो।
ईं किताब में तीन खास बाता पर जोर देयड़ो है। पेलो, यीसू बचन, मसी अर परमेसर गो बेटो है। दूसरो, बो माणस जाती गै खातर उद्धार देवै है। तीसरो, मिनख गै द्वारा उद्धार नै ना मानणो या स्वीकार।
यीसू नै मसी गै रूप में प्रगट करण आळा सात “मैं हूं” गो उपयोग यूहना करै है।
रूप रेखा
भूमिका 1:1-18
यूहना बतिस्मो देण आळा अर यीसू गै पेलो चेला 1:19-51
यीसू गी जनसेवा 2:1–12:50
यरुसलेम में अन्त गै कीं दिन 13:1–19:42
प्रभु गो जी उठणो अर बिंगो दिखाई देणो 20:1-31
आखरी बात: गलील में ओर बी दिखाई देणो 21:1-25