Ghlɔɔmö a ‑nʋa i

'Bɔgʋʋ Pɔɔlʋ 'cɛlɩɛ ‑mä

Ghlɔɔmö a ‑nʋa

'wʋʋ

'Bɔgʋ nɩ 'mö a wɛlɩɩ

Pɔɔlʋ ‑ɔ 'cɛlɩɛ 'bɔgʋ nɩ‑ɩ, Zwiiföyiɛ. Zezwii yɛ ‑mä Lagɔ yɔwʋ mö 'wë, 'n ɔ yiɛ Pɔɔlʋ 'ylimö ghlɛ 'n ɔ yoo ɔ tietienyɔ 'wʋ 'zʋa, nzɩɩ, nɩkpaa ‑waaa Zwiiföwa glɩnɩɩ, ɔ 'kʋä 'Mänatɩtɩɩ 'nyɛ. 'Mänatɩtɩ 'la a biabialibho Zezwii 'nyɔɔ, ɔ 'kʋ ‑mä Ghlɔɔmö nʋä mö, nza ɔ 'cɛlɩɛ 'bɔgʋ nɩ.

Zezwii a ‑nʋa a ‑zɩkpaa ‑a ‑wʋä ‑mä Ghlɔɔmöö, a 'mö Zwiiföwaa ‑nyɛ ‑waaa Zwiiföwa glɩnɩ sɔ, 'mö ɔ 'pʋä 'wʋ. ‑Mä 'wʋ 'mö, wa 'wuë, 'mö ɔ nyɛɛ 'dɩ nɩɩ, 'nyinylolinʋwaa wa glɩnɩɛ. Zaa Lagɔ a 'yila 'klʋ a dɔ'wʋ, gbʋ wa kää ‑gömö.

‑Sɩbhä yɩ ‑wʋ 'mö ‑maa, Zezwii ‑ɔ 'kunɩɛ ‑lɛ suu 'klʋ, 'n wa ‑kɔɔ dlɩtɛɛnɩɩ, wa yɛ 'pʋ. Ɛ'ɛ ‑bhö nyɩasɛ, maa 'ɔ dlɩtɛɛnɩtɛnɛɛ, mɛɛ puëë. ‑Maa ɛ'ɛ ‑bhö Moyizɩ 'a Gböö a 'klʋkpamözʋzwɛɛ mɛ. ‑Sɩbhä a za, nɩkpaa 'wuë ‑wa 'tɛɛnɩɛ Zezwii Kliisɩ dlɩɩ, 'mözlɔnɩwa 'mö Lagɔ libhuä 'wʋ, 'n ɔ zuëë 'ɔ 'Wugɔmʋʋ ‑gömö. 'Wugɔmʋ 'la, mɔɔ kwänuëë, 'n wa nɛmöä nɩkpalili a sɛ.