Lwiikö i

Zezwii Kliisɩ 'a 'Mänatɩtɩɩ

Lwiikö

'cɛlɩɛ

'Bɔgʋ nɩ 'mö a wɛlɩɩ

‑Dʋtaayi Lwiikö ‑ɔ 'cɛlɩɛ 'bɔgʋ nɩ‑ɩ, ɔ'ɔ ‑bhö Zwiiföyi. Ɔ'ɔ ‑bhö'ɛ Zezwii 'a tietiewaa kʋgbä'sɔ ‑kpɔ a gla'mö a ‑nɔ. Ɔ'bhë, 'ɔ 'yilaa 'nɩɛ Zezwii 'ylɩmö. ‑Maa ɔ 'kää 'bɔgʋ nɩ 'cɛlɩɛ yii, nɩkpaa ‑wa 'yɩɛ Zezwii 'ylɩmö, ‑wa 'yɩɛ 'ɔ wɛlɩɩ 'wuë a daa, 'mö ɔ 'yɩbhää nimï 'tɩɩ, 'wë, 'n ɔ yiɛ dɛsɛkäbɔgʋ nɩ ‑a laa Zezwii 'a 'Mänatɩtɩɩ 'cɛlɩ.

Lwiikö 'cɛlɩ'ɛ 'bɔgʋ ‑mumuu, 'mö wa laa Zezwii 'a tietiewaa a nʋnʋlii a 'bɔgʋʋ. 'Bɔgwɩ 'la 'sɔ ‑kpɔ, dɛsɛkänɩkpɛ ‑bhlʋ wa laa Teofilɩɩ, ‑ɔɔ ‑bhö 'yɛ ɔbhlɩ Zwiiföyii, 'mö ɔ 'pɩɛ 'wʋ.

‑Mä 'bɔgʋ nɩ 'mö, sɛ'ɛ Lwiikö nʋä nɩɩ, Zezwii Kliisɩ, mɔɔ glɩnɩɛ 'bhlɩbhëa 'wuë a puënyɔ. 'Mö ɔ laa Nɩkpɛ a 'Yu, mɔɔ yiɛ mä'ä dʋdʋ 'wʋ, nzɩɩ ɔ 'kä nɩkpaa ‑wa panɩɛ Lagɔ ‑gömö puë. Mä'ä 'pɩwʋ a nɩkpaa ‑waaa dɛsɛ ‑kää, mɔɔ tulanuëë 'ɔ ‑wawʋʋ 'ylimö.