Ebleewaa i

'Bɔgʋʋ Zezwii a tietienyɔ ‑bhlʋ 'cɛlɩɛ

Ebleewaa

'wʋʋ

'Bɔgʋ nɩ 'mö a wɛlɩɩ

Nɩkpɛɛ ‑ɔ 'cɛlɩɛ 'bɔgʋ nɩ‑ɩ, ‑bɛ 'nɩɛ ɔ 'nglɩ ‑yi. ‑Bɛ 'nɩɛ'ɛ ‑mɔ ɔ 'kʋ 'wʋ 'pää ‑yi. ‑Maa ‑n ‑kʋʋ 'mö zɛlɩɩ, ‑n ‑yi sɛ nɩɩ, Zwiiföyi a ‑mɔɔ 'zʋä Zezwii a ‑nɔɔ, 'mö ɔ glɩnɩɛ. Ɛ'ɛ ‑bhö nyɩasɛ, ‑maa ɔ ‑yi tenyii Moyizɩ 'a Gböö ‑nyɛ Zwiiföwaa 'a ‑lɔɔ 'sɔ.

‑Mä 'bɔgʋ nɩ 'mö, ɔ 'bhɩa Ebleewaa, ‑wa 'zʋä ɔ saa Kliisɩ a ‑nʋä, wa 'yɩa 'klɩ, ‑sɩbhä a za ‑wanyɩɩ dlɩ'wʋkänɔɔ yinɩɛ nimïï, 'mö ɔ pää swɩ nyɛmʋ 'mö wa tɩa ‑mä Zwiiföwaa 'a gböö ‑nyɛ ‑lɔɔ 'sɔ 'mö 'wlu sɩbhä. Ɛ'ɛ ‑bhö nyɩasɛ maa, Zezwii, mɔɔ 'ghïliɛ mɔɔ zɩɛ Moyizɩ ‑nyɛ Lagɔzuzukuu 'sɔ 'wʋ. Lagɔbʋbɔnyɔ 'kɔdɔ 'kɔdɔɔ ɔ glɩnɩɛ. 'Ɔ Lagɔbʋbɔlibhoo, wʋ kä dɛsɛ wʋ zi Tɛkämɛnɩnɔɔ 'mö a Lagɔbʋbɔwaa 'wuë a ‑nʋʋ 'wʋ. Zaa, 'ɔ dlɩtɛɛnɩtɛnɛɛ mɛɛ kää 'pʋpʋɛ 'mö. ‑Sɩbhä a za dɛ wa kää sɛ, wa nɩ nyɔnʋ ‑lɛ kɛ.