2 Kolɛɛtɩ a ‑nʋa i

'Sɔnabɔgʋʋ Pɔɔlʋ 'cɛlɩɛ ‑mä

Kolɛɛtɩ a ‑nʋa

'wʋʋ

'Bɔgʋ nɩ 'mö a wɛlɩɩ

Nɩkpa ‑mumuë ‑wa möä ‑mä Kolɛɛtɩ 'Mänatɩtɩɩ biaaa, mʋa 'nyɛɛ Zezwii 'a ‑zɩkpaa ‑a ‑wʋä ‑mä 'mö a ‑nʋa 'dɩ nɩɩ, Pɔɔlʋ 'nɩ ‑bhö Zezwii a tietienyɔ a ‑tietienyɔ. ‑Sɩbhä a za, ‑tiamö a Lagɔwɛlɩɩ ɔ 'nyʋä a‑a, wa nglu a‑a 'wʋ, 'mö wa panɩɛ ‑gömö, 'n wa ‑gänɩa'a yiowa 'la 'a wɛlɩɩ. Tɩtɩ 'la, mɩɩ ghlɩɛ Pɔɔlʋʋ. Nza ɔ 'cɛlɩɛ 'bɔgʋ nɩ Zezwii a ‑nʋa ‑wa ‑wʋä ‑mä Kolɛɛtɩ 'wʋ. ‑Mä 'wʋ 'mö, sɛ'ɛ ɔ 'nyʋä 'dɩ 'nyɛ nɩɩ, Zezwii a'bhë, mɔɔ 'zooo ɔ tietienyɔ 'wʋ, nzɩɩ, ‑waaa Zwiiföwa glɩnɩɩ, ɔ 'kʋä Lagɔ ‑nyɛ Zezwii Kliisɩ 'sɔ slʋnɩ. 'Wë, ɔ 'käa'a wa 'dɩ saa 'wuë bia. ‑Sɩbhä a za, ‑mä 'Mänatɩtɩɩ a biabialibho 'la 'mö, 'klɩyɩyɛ a ‑bɛ ghïlo, ‑maa ɔ'ɔɔ Lagɔ nimï ‑sɛ. Zaa, Kolɛɛtɩ a ‑nʋa 'mö ɔ nyɛɛ 'dɩ nɩɩ, wa nɩ tɩ yiowa 'la 'a wɛlɩɩ ‑gänɩ.

Monii wa 'kää tu wa 'kä Zeluzalɛɛmö a ‑nʋa 'wʋ yii, ɛ dɔ'wʋ, sɛ'ɛ ɔ zʋëë 'dɩ 'mö nɩɩ, wa nɩ bulonɩ 'wa ‑kwätɩɩ wa 'kä 'mänasɛ 'nyɛ. ‑Maa ɔ ‑wʋ ‑mä Kolɛɛtɩ yi dɔ'wʋ ɔ 'kɛ 'wʋ 'libhï, ɔ 'kɛ ‑mä Zeluzalɛɛmö kwä. Zaa, wa nɩ 'yɩbhɛ ‑bhlɛ 'wlu.