Támbina Pueꞌ Ala ratóiá
132
Nani petóiáraꞌ toSáráeliꞌ tempóraꞌ mempanaiꞌ lao i kótá Ierusale.
Ó PUEꞌ, kupembiáꞌ bona Nubuhinao Daudiꞌ
hai upu-upu kamapárina,
2 láwiꞌ ia modándi miꞌi i Hio
PUEꞌ to Makuasaꞌ to napenómbái Iako.
Dándina node:
3 “Tiꞌaraꞌaꞌ ina mesuaꞌ i támbingkuꞌ,
tiꞌaraꞌaꞌ ina letaꞌ,
4 tiꞌaraꞌaꞌ ina mopatodáhi mátángkuꞌ mempidi,
tiꞌaraꞌaꞌ ina tepaletaꞌ,
5 hangko tiꞌara maniaꞌ molámbiꞌ katoroꞌá to hintotoꞌ
mewaliꞌ támbina PUEꞌ to Makuasaꞌ to napenómbái Iako.”
6 Tempóntaꞌ i Eparata,a tahádi bámbári iumbá iti Petiꞌ Podándina PUEꞌ,
hai talámbiꞌ petiꞌ iti i pádá Iari.b
7 Tauliꞌ, “Laokeꞌ i katoroꞌána PUEꞌ
molingkudu menómbá i bitiNa.”
8 Ó PUEꞌ, maimoKoꞌ i pengkarooáMuc
hingkakani hai Petiꞌ Podándi tandaꞌ kamakuasaꞌMu.
9 Hampóáꞌworia tadulako-tadulako menómbá
mobábehi oaꞌ to manótó,
hai tauna to tetidaꞌ i Hiod
monani-nani ánti kagóeꞌraꞌ.
10 Ánti podándiMu i Daudiꞌ hawiꞌMu,
ineeꞌKoꞌ motaleuki datu to Nupileꞌi miꞌi.
11 PUEꞌ modándi miꞌi i Daudiꞌ,
Ia mopaꞌara totowi to tiꞌara peisá Naliungi,
Nauliꞌ, “Hangko i oloꞌraꞌ ánáꞌmu,
ina Kupileꞌi hadua tauna
to ina Kupopewaliꞌ datu i kadatuámu.
12 Ane pemuleꞌámu tetidaꞌheꞌ i pototowiNgkuꞌ,
hai mampeuláꞌiheꞌ áturá-áturá to Kupaturoꞌáheꞌ,
pemuleꞌáraꞌ ina mombeusu-usu mewaliꞌ datu
i kadatuámu haweꞌ i rue-ruena.”e
13 PUEꞌ mopileꞌi miꞌi Sio, láwiꞌ to Naundeꞌ,
bona Sio iti mewaliꞌ pehodaꞌána popárentáNa,
14 Nauliꞌ, “Ieneꞌ miꞌi pengkarooáNgkuꞌ haweꞌ i rue-ruena.
Ina mepárentáꞌAꞌ hangko ieneꞌ, láwiꞌ iti miꞌi to Kuꞌundeꞌ.
15 Upu-upu to raparaluu tauna i Sio ina Kupabukeꞌi,
duuꞌna handaꞌ ntepuꞌu,
hai ina Kupoweꞌiheꞌ topeahiahiꞌ pandeꞌraꞌ
i kagáná-gánáꞌána.
16 Tadulako-tadulako menómbá mopahaweꞌáheꞌ
kaKódóꞌna miꞌi to mampelaeheꞌ.
To i Ierusale to tetidaꞌ i Kódóꞌ
ina mohoraꞌ-horaꞌheꞌ ánti kagóeꞌraꞌ.
17 I Sio pemuleꞌána Daudiꞌ ina makuasaꞌ mepárentá mombeusu-usu.
To Kupileꞌi iti ina nodo huluꞌ to mewangkaꞌ haweꞌ i rue-ruena.f
18 Ina Kupakahiliá ewálinaheꞌ,
agáiáná kadatuána Daudiꞌ ina meawaꞌ oaꞌ.”