Isehaagwa Abiimaalikwa
26
01 Ibraahiimiib udamaaniib,
whaashiib hargwiit tiifi.
Oont'a han beet tuuna masi tiki.
Oon usabbii,
Isehaag whad'a Abiimaalik Ifalastiineeb Jaraari haashiib iifiib beeti ibi.
02 W'ankwana Isehaagii dehaay lawaa iifi akay,
<<Isehaag!
Masir baabaya,
oomhiin ani rhisaniyook bariiyooh kwiriya!
03 Been oomhiin baruuk girba takiit ikwaar tindiya.
Laakiin ani geebook daayi andi,
baaraki hook andi.
Baabook Ibraahiimi geeb abkeeb ugalad iitkwikw andi,
oon whaash barookwa y'areekwa iyaaw hookna andi.
04-05 Ibraahiim kastooh toona ani sooyaneetwa,
ani ahariweetwa,
aniib whagwa id'iyi sabbii,
y'areek yhaykweet gaguudsi andi,
een yhash aree kasseeh iyaaw andi.
Bariiyeek y'ari sabbii aree kassuuh uudehay tubuuti kehii eefeeb baaraki andi.>>
idi.
06 Aflaay Isehaag Jaraareeb is'a.
07 Been whaashi da tutakatiisooh raatiyaanihoob,
baruuh <<Batuuh kwaatootu.>>
idi.
Baruuh <<Takatootu.>>
oomiyaad irkwi.
Tutakatuuh Ribeeka winneet daawriitu akay,
<<Been whaashi da batiiyooh sabbii idaarheeb iyadna.>>
idiit ikwin.
08 Isehaag beentooy gwida door id'iyi har'ii,
Abiimaalik Ifalastiinaayi had'a shibbaakii ishbibihoob,
Isehaag Ribeekaab daammeewwa f'eewwa rhiya.
09 Abiimaalik barooh waliikiyaayt,
<<Ribeeka barook sidik takatookti,
naanhooy <Batuuh kwaatootu> tidiya?>>
idi.
Isehaag aree <<Batiiyooh sabbii atoodrat y'ani adiit een adi.>>
idi.
10 Abiimaalik <<Amaag hoon saktaa!
Gaal han batiiyooh geeb diwaab iiktiyeek,
whaashoon day'aa tiida.>>
idi.
11 Abiimaalik kassooh udehayooh sooya,
<<Isehaag tari Ribeekaab maagtii tehiiniib ootak idaar andi.>>
idi.
12 Been whawil Isehaag harroob y'adi,
W'ankwana baarakaabuuyt gwida harru dehaay yakiya.
13 Isehaag gwida harru imri,
winneet gaba tak iikti.
14 Ifalastiini Isehaag iibriyeeb teeyaawwa t'anoowwa,
eesh'aawwa,
ikishiyaawwa rhiyaanihoob winneet haasadiyaan.
15 Ibraahiim ayaab baakaay ikishiyaayaah firkaab iiktiineet teeri kasteeh Ifalastiini hooy boosiyaan.
16 Malya Abiimaalik <<Isehaag,
baruuk shaawti hoon giigaa,
aflaay hineeka winneet akrikaab tikaya.>>
idi.
17 Isehaag hooy giigiya.
Jaraar t'abaatiib kookiya.
18 Beentooy Isehaag ibaabaayt teeri Ifalastiini boosaab iiktiineet ifaarik.
Reetka oosmooh suur atoosmaat tiiktiyeet t'a han isim.
19 Isehaagiib ikishiya t'abaatiib ifaarikna,
reet gayi yameet aree imriin.
20 Laakiin Jaraari reewiiga Isehaagiib ireewiiga imhasaayna,
<<Aan aayam hineeba!>>
idiin.
Oon usabbii,
beet tuuri <<Hasiyaayt>> iid sim titoosaam.
21 Isehaagiib ikishiya reet weet ifrikna,
beet han masi hooy imhasasaayna.
Beet toori han <<Hasaadaat>> iisimna.
22 Beentooysii baruuh weer mhiin beeti giigiyaayt weet ri ifrik.
Beet toori gaal han hooy amhassiyaab kiiki.
Beet toori baruuh <<Gawaab>> isim.
Usabbu aree,
W'ankwana bareeh gaw hiyaa iifi akay baraah bak ansiramiyaan.
23 Been oomhiinii Isehaag Barsheebaab ookiik giigiya.
24 Been whawaad W'ankwana bariiyooh dehaay lawiya,
<<Ani baabook Ibraahiimiib Ukwaasana.
Baarikwiya,
ani geebook eefi.
Ukishiyaayu Ibraahiimi jillaay baaraki hook andi,
y'areek yhaykweet gaguudsi andi.>>
idi.
25 Isehaag beentooy sileelti mhiin shagaamiya.
W'ankwanaay dehaay siileeliya.
Malya tukheemaatooh y'aatim,
ikishiyaayaah aree beentooy reet ifrikna.
26 Beenhoob,
Abiimaalik Jaraaree barooh beeti eeya.
Ahuusaata umaakriyuuhwa,
Fiikuul udheeshi suurkinaawwa barooh amoorma iifiin.
27 Beentooy iktimnihoob Isehaag,
<<Tooy naan harwee eetaana?
Tiribniiteheeb giigsaayi kitteena han?>>
idiit raatiya.
28 Baraah <<Hinin winneet eena!
W'ankwana geebook iifiyeet toona nikan.
Oon usabbii,
m'asgi majlis barookwa hininwa ibitkeen niikwasi nidiit eena,
oont'a yakaana,
hooy niijilis.
29 Baa'adaaya hoon.
Hinin han suur kassoohoob daayiib niweer hook,
asgaa giigsini hook.
W'ankwana aree sidik baarakaayooku.>>
idiin.
30 Isehaag bareeh aduumaat dehaay id'i.
Baraah kassaah tamiyaana,
aree gw'iyaana.
31 Tooyin tooraaw karuumaab aanda kassaah taktakee dehaay halafooyaan,
m'asgi waadiya id'iin.
Isehaag han bareeh asgaa giigsiya.
32 Been oomb'i Isehaagiib ikishiya eeyaaniit,
toori baraah ifrikneet barooh sooyaan.
Baraah <<Yam nimri!>>
idiin.
33 Beet toori Isehaag <<Sheeba>> isim.
Beet tumadiina amsi ookiik masi <<Barsheeba>> atoosmaati.
Iisaawiit teem'a tigirbaat